Skip to main content

दु:ख झाले पाखरू

लेखक जयवी यांनी बुधवार, 31/10/2012 19:11 या दिवशी प्रकाशित केले.

आज माझ्या वेदनेला
पंख हसरे लाभले
दु:ख झाले पाखरू
अन नाचू गाऊ लागले

भिरभिरीची पाखराच्या
सवय होऊ लागली
वेदनेच्या जाणिवेची
गरज भासू लागली

दूर झाले मग सुखाच्या
पाश सारे तोडले
जीव जडला वेदनेवर
दु:ख मिरवू लागले.

भेटते जेव्हा नव्याने
वेदनेला त्या जुन्या
जाग येते जीवनाच्या
मैफिलीला मग सुन्या

जयश्री

लेखनविषय:
वाचने 1962
प्रतिक्रिया 11

प्रतिक्रिया

अत्रुप्त आत्मा बुधवार, 31/10/2012 22:13

भेटते जेव्हा नव्याने
वेदनेला त्या जुन्या
जाग येते जीवनाच्या
मैफिलीला मग सुन्या >>> झक्कास :-)

तिमा गुरुवार, 01/11/2012 11:22

दु:ख हा सर्वात ईमानदार पाळीव प्राणी आहे. एकदा का लळा लागला की कध्धी सोडत नाही आपल्याला. मग बसावं, निवांतपणे त्याला गोंजारत!
कविता आवडली.