Skip to main content

जंगलातले चालणे

लेखक पाषाणभेद यांनी रविवार, 07/10/2012 19:17 या दिवशी प्रकाशित केले.
चित्र उपलब्ध नाही
जंगलातले चालणे

दुर रानात रानात
शीळ घुमली कानात
पाखरांची किलबील
पानात पानात

उभा बाजूला डोंगर
झरा वाहतो समोर
पाणी पिण्यासाठी त्यात
सोडले कुणी जनावर

शिवालय शांत भग्न
गुंतले त्यात मन
थेंब थेंब पाण्याचा
होई अभिषेक अर्पण

होती बरोबर शिदोरी
झाली तीची न्याहरी
दुपारी होईल काहीबाही
त्यालाच काळजी सारी

एकटेच चालायाचे
स्वत:शीच बोलायाचे
जंगल मोठे निबिड
निघून एकटेच जायचे

आला सुर्य माथ्यावर
थेंब घामाचे अंगावर
पायवाट संपता संपेना
चालायाचे खूप अजून

- पाषाणभेद
(पुर्वप्रकाशित)

काव्यरस
शांतरस
लेखनविषय:
वाचने 2940
प्रतिक्रिया 14

प्रतिक्रिया

पाषाणभेद सोमवार, 08/10/2012 16:24

तो फटू म्या काढेल हाय म्हून टाकला. समोरचा डोंगर सोडून द्या पण बरोब्बर त्या मोठ्या झुडपाखाली एक ओहोळ या टेकडीखाली उतरत होता. मी एकटा गेलो होतो तेथे अर्थात अंगाला घाम वैगेरे काही आला नव्हता. एक छोटी टेकडीच आहे ती. बाकी सिच्चूवेशन म्या वर सांगेल तश्शीच व्हती.

सहज मंगळवार, 09/10/2012 14:19

तुम्हाला जंगलाची सफर करायला मिळाली हे खासच!

बाकी फोटो पाहून "द होल वावर इज अवर. गोऽ ना गो "" आठवले.

सस्नेह मंगळवार, 09/10/2012 15:26

दाट झाडीची रेघ दिसतेय तोच ओहोळ असावा.
त्याच्या काठावर मस्त ताणून द्यावंसं वाटतंय..

पाषाणभेद बुधवार, 10/10/2012 08:28

थोडे अवांतर सांगतो.
येथे दोन शेजारी टेकड्या आहेत. त्या दोहोंच्या वरती दोन छोटी मंदीरे आहेत. वर उल्लेखलेला फोटो अन ओहोळ त्या मोठ्या झुडूपामागे जावून खाली उतरतो. ही निर्मीतीही येथलीच आहे.

सुधीर सोमवार, 08/10/2012 15:06

शेवटच्या दोन कडवी खास आवडल्या.
एकटेच चालायाचे
स्वत:शीच बोलायाचे
जंगल मोठे निबिड
निघून एकटेच जायचे

आला सुर्य माथ्यावर
थेंब घामाचे अंगावर
पायवाट संपता संपेना
चालायाचे खूप अजून

क्लास!