खरडवह्या.. एक अनमोल ठेवा.

हम्म..

भावनेशी प्रचंड सहमत आहे.
मिपा व्यवस्थापनाला विनंती आहे की शक्यतो खरडी उडवू नयेत. त्यासाठी काही तांत्रिक मदत हवी असेल तर सांगा. कुवतीप्रमाणे प्रयत्न करू. जागेची अडचण असेल तर पाहिजेतर इथून निघून गेलेल्या सदस्यांच्या खरडी आर्कइव्ह करा.
बघा, कसे जमते ते.

तरीही करणार असाल तर दिलेली मुदत खूपच कमी आहे. वाढवता येईल का ?

लिखाणात्यल्या भावनांशी सहमत आहे.

पराशी पूर्ण सहमत आहे....

पराशेटः आता ख्.व. वाचवा संघ चालू करावा लागणार आहे तुला...

परा, विमे, सौरभशी बाडीस.

प्रकाटाआ

खरडवहीचा मृत्युलेख आवडला..
जुन्या खरडी... आता त्यातले काय साठवायचे काय नाही.
मिपावर एका दिवसात माझे खरडव्हीचे ११ पाने भरले होते.
मिपा प्रशासन खरडवहीचा बॅकप घेण्ण्यासाठी काहि सोय देउ शकते का?

(८९९७ खरडींचा मालक) निखिल देशपांडे

तू म्हणतोयस तसं होतय खरं!
मी नुकतीच ८५ पाने उडवली त्याला साडेआठतास लागले. सगळं संपल्यावर मागची चार वर्षे एकदम पुसली गेल्याचे भान आले. काय काय आठवत होते खरडी उडवताना. काहीवेळा हसून पुरेवाट झाली होती तर कधी कोणी निवर्तल्याच्या बातमीने मी स्वातीताईला आणि तिने मला भावनाविवश होऊन केलेल्या खरडी होत्या. माझ्या आणि प्राजुच्या सांकेतिक शब्दातल्या खरडी होत्या. मला बरेच महिने इतराच्या खरडवह्या उचकता येतात हेच माहित नव्हते (मिपावर खरडवही आहे हेच मुळात माहित व्हायचे होते). नंतर समजल्यावर सगळे जण बिझी असतात, कोण कश्याला आपल्या वह्या वाचतय असं वाटायचं. "माझ्याशी मयत्री " वाल्या खास खरडीही होत्या. ;) अमोल आणि मोदकानं तर घराच्या अंगणात खेळावं तसा दंगा घातला होता तिथं. ;) तुमच्याकडे आज वांग्याची भाजी आहे असे कोणीतरी सांगितल्यावर मला आश्चर्य वाटले होते. मीच ते प्राजु किंवा स्वातीताईला लिहिल्यामुळे समजले होते. ;) आणखीही सिझनल खरडी होत्या. त्यात तुमच्याकडे बर्फ किती, उन्हाळ्यात तापमान तर पावसाळ्यात पाऊस असेही संदर्भ होते. खरडवहीनं त्याअर्थी बरेच पावसाळे पाहिले होते. :)
उचकपाचक मंडळात मात्र आज्याबात विंट्रेष्ट नव्हता. मलाही इतरांच्या वह्या दिसतात का एवढ्यासाठीच एकदा पाहिल्या होत्या, अन्यथा फारसे नाही.
असो. चालायचच.

स्वगृहात हे वाचले आणि काळजात लख्खकन वीजच चमकली बघा.

अगदी हेच म्हणायचं होतं. मिपाची खरडवही म्हणजे माझ्या मिपावरच्या वावराची नोंद आहे. दंगा करायला मी इथेच शिकलो. अनेक लोकांची आयडी म्हणून ओळख लेखनातून झाली तरी प्रत्यक्ष व्यक्ती म्हणून ओळख व्हायला खरडवह्यांतूनच सुरूवात झाली.

मला तर असं वाटतं की कोणी जर बसून खरडवह्यांचं नीट संकलन केलं तर अत्यंत मनोरंजक साहित्य निर्माण होईल. हा ठेवा नष्ट करून टाकायचा या कल्पनेनेच काहीतरी हरवल्यासारखं वाटतं.

मिपा व्यवस्थापनाने खरडवह्या साफ करण्याच्या निर्णयाचा पुनर्विचार करावा ही मनापासून विनंती. किमान तात्पुरती मुदत तरी वाढवून द्यावी.

खरडवह्या डीलीट कशा होतात? ंमार्ग काढा. तोवर बाकी 'प्रगती' थांबली तरी चालेल. :-)-

पराशी १००% सहमत आहे.
अहो खरडवह्या आणि खरडफळा हे वरण-भाताच्या सुग्रास जेवणातल्या तूप आणि लिंबासारखे अनुक्रमे आहेत...
दिसायला क्षुल्लक वाटतात पण त्यामुळेच त्या पदार्थाला ती चव येते...

उद्या खव गेल्या तर मग श्रामो, बिका यांनी सांडलेले अतिरिक्त ज्ञानकण आम्ही वेचायचे कुठे?
पाकक्रियाप्रेमी सभासदांच्या एकमेकांना केलेल्या खरडी वाचून आम्ही स्वतःची करमणूक करून घ्यायची कशी?
विमे निरनिराळ्या गळवांची एसेसमेंट कशी करतात ते समजायचं कसं?
नंदनच्या कोट्या... ते सोडा, त्याला दोन पेग पाजून रात्रभर ऐकता येतील,
पण नाना, परा, धम्या या दूरवरच्या लाडक्यांची मुक्ताफळं वाचायची कशी?

आता मिपावर सक्रिय नसलेल्या आमच्या जुन्या मित्रांच्या (तात्या, टार्‍या, आणि सर्किटराव!! त्यांना विसरून कसं चालेल?) आता खरडीच तेव्हढ्या राहिल्यात की!!

अगदीच वाटलं तर फारतर खरडफळा साफ करा, पण खरडवह्या साफ नका करू बाबा!!!
एकवेळ लिंबू पिळल्याशिवाय वरण-भात खाऊ पण तुपाच्या धारेशिवाय?
छे! ते कसं जमायचं हो?
:)

मी इथे नविन असताना ,मिपाकराना जास्त ओळखत नव्हती ,खरडवहिचि आणि माझी ओळख दातारांच्या आन्याने करुन दिली . मग हळु हळु बरेच खरडी मित्र झाले त्यात वल्ली ,आन्या ,मोदक ,लीलाधर ही मोजकीच नावं माझ्या खरडवहित
जास्त यायची ,मग मीच इथे केलेल्या लिखानावर उगा कुणितरी येऊन पिंका टाकुन जायचं ..तर कुणाला
माझ्या खरडवहित मुलांचीच वर्दळ का बॉ ? असे प्रश्न पडु लागले . ह्म्म त्यात आघाडीवर असणार नाव म्हणजे आपले प्यारे १ काका ....त्यांची नी माझी धुमशान माझ्याच खरडवहित . त्याना मी प्रेमाने चंकी पांड्ये म्हटलेलं त्याना आवडलं नव्हतं , मोदका चं आणि माझं नेमकं काय चालु आहे ,ह्याचा शोध घेत फिरायचे ते .. मीच माझी खरडवहि आठवण येइल तेव्हा वाचायची ...
असाच एकदा फिरत फिरत ,हा पर्‍या पण आला होता ...जाम धुर निघाला होता ,म्हणे " तुझ्या खरडवहित तरुन पोरांची
गर्दी बघुन कससच होतय " ..
त्याला म्हटल तुमच्या खरडवहिकडनच मार्गदर्शन घेतलय .."
फक्त पन्नास ह्यांच्यावर राग धरुन त्यांच्याच एका कवितेवर विडंबन लिहिण्याचा असफल प्रयत्न आणि त्यासाठी मदत करणारे माझे गुर्जी अत्रुप्त आत्मा ह्या आठवणीहि खरडवहि जपून आहे ..
विश्वनाथ मेहेंदळे उर्फ विमे ह्याना उगाच जाउन खरडवहित " हाय विशु " करुन यायच मग त्या मागे दोन चार जणं तरी तो शब्द उचलतात हे माहित ,त्यामुळे मुद्दाम करायचं ..
नैनीलाहि एकदा असच जुळ्या भावांशी लग्न करु ह्यावरुन छेडलं होतं ,तिने तर माझी खरडच उडवली \(
आमुश्या पोर्णिमेला पैसा तै पण खरड टाकुन जायची ...मजा यायची .

सगळ्याच खरडी माझ्यासाठी अनमोल आहेत .
उडवल्या असतिल तर त्या फक्त मोदकाच्या खरडी ,तेहि तोच उडव म्हणुन सांगायचा ..अन्यथा नाहि ..
खरडफळ्यावर टाकलेल्या कवितांसाठी " छन लिहिलियेस" ह्या कमेंट पन खरडवहित मिळालेल्या आहेत ..
नवीन ओळख ,जुनी खुन्नस ,बरेच लेख आणि बर्र्‍याच आठवणी .मी इथे नविन ,माझ्यासाठी ही शिदोरिच ..
उडवु नका .....एवढच म्हणायचं होतं .

किसीकी चन्द सासें
महका देती है सारा जहां
किसीकी चंद सासें
दहका देती है सारा जहां.
वो दहक कर महका दे
वो सासें आज कहांहै
उम्र गुजर जाती है
उन सासों मे
जो महक कर दिल को दहका देती है.

या काव्याचा पिडा यांनी कोणाच्या तरी (बहुतेक विजुभाऊ) यांच्या खवत केलेला अनुवाद -

कुणाची चांदणी सासू
बहकू देते सार्‍या जणां
कुणाची चांदणी सासू
दणका देते सार्‍या जणां...
जी दणका देऊन मणका मोडेल
अशी सासू आज आहेच कुठे?

असं मस्त मस्त वाड्ग्मय तुम्ही नामशेष करणार? :(

व्हाट द fcuk!!!

बाकी पर्‍या माझं नाव विसरलास रे!! ;-)

लेखात आणि प्रतिसादांत व्यक्त केलेल्या भावनांशी सहमत आहे. पराच्या लेखामुळे खरडवह्यांत घातलेल्या अनेक धूमशानांची आठवण जागी झाली आणि अंमळ नव्हे तर तुडुंब हळवा झालो. (खरडवह्या ह्या मिपाकरांसाठी बटाट्याची चाळ अधिक जयप्रभा स्टुडिओ आहेत, असलं दवणीय वाक्य टाकण्याचा मोह येथे आवरला आहे)

जागा कमी पडत असेल तर पुणेकर वि. भायल्लें, निवासी वि. अनिवासी, भारत दीड महिन्यांत महासत्ता होणार की पावणेदोन?, साडेतीन मिनिटांत दम मटन बिर्याणी, विचारजंत वि. हिंदुत्ववादी आणि तत्सम धाग्यांना तिलांजली द्यावी, अशी एक नम्र आणि अनाहूत सुचवणी.

चालायचंच रे पर्‍या...
बदल हा निसर्गाचा नियम आहे.

(७६७७ खरडींवाला) प्रभो

* माझं पण नाव नाही. ;)

ज्यांनी खरडवह्यात संसार मांडले होते त्यांचे काय होणार, अनुष्कावैनी, काजलवैनी, बेलाभाभी कुठे जाणार???

खरडवह्यांच्या आब्यासासाठी जगन्नाथ चक्करशेठ शिष्यवृत्ती सुरु करायचा मानस होता.

बाकी जागा कमी पडत असेल तर नंदनने सुचवलेल्या उपायाशी सहमत.

असो संमं सैफ अलि खान उवाच - आगे बढते है ना सोनु, एक फ्रेश स्टार्ट लेते है|

ज्यांचा दिवस फक्त आणी फक्त खव उचकपाचक करण्यात (आणी लावालाव्या करण्यात) जायचा त्यांची पंचाइत होणार असे दिसतेय.

खरड वह्या हा ऐतिहासिक ठेवा आहे. या जर नष्ट झाल्या तर तुकोबाला गाथा बुडाल्यावर जेवढे दुखः झाले होते त्या पेक्षा जास्त क्लेश आम्हाला होतील. २०० वर्षांनी आमचे पणतु किंवा खापर पणतु जेव्हा येथे येतील त्यांना आपल्या पुर्वजांचा समॄध्द वारसा कसा कळावा? महाराष्ट्र शासनाचे सांस्कॄतीक मंडळ यात तातडीने लक्ष घालेल अशी अपेक्षा करतो.

अरे रे , च्यायला "झेड्यांच्या चड्ड्या " बी जाणार की काय ?

आम्हा उचक-पाचक वाल्यांची करमणुक कशी व्हायची आता

अरेरे! मी थेट Track पान उघडत असल्याने हे माहितच नव्हतं :(

वर अनेकांनी लिहिलं आहेच, त्याला अनुमोदन.. वह्या उड्वण्याच्या निर्णयावर पुनर्विचार करावा

किंवा, शक्य असल्यास खरडवह्यांना सरसकट डिलिट करण्यापेक्षा मंडळींनाच आपणहुन काहि खरडी उडवायला सांगा. प्रत्येकाने २५% खरडी उडवल्या तरी बरीच जागा निर्माण व्हावी

च्यायला ही एक निव्वळ अफवा ठरावी अशी प्रार्थना करतो..

बाकी खरडवह्यामध्ये मी एम लिंबूटिंबूच आहे बरं का.. पण खरडवहीमध्ये बरेच छान मित्र मिळाले..

४ वर्षांचा इतिहास क्षणात पुसला जाणार ! :(
खरं तर मोकळेपणाने गप्पा मारायची,हाय हॅलो करायची उत्तम सुविधा म्हणजे खरडवही ! :)
इतक्या वर्षात किती जणांशी या खरड वहीच्या माध्यमातुन परिचय झाला ते आता मलाच ठावुक नाही,त्यासाठी जुनी पाने परत चाळावी लागतील ! पण यापुढे ते शक्य होणार नाही.
या खरडवहीमुळे अनेकां बरोबर उत्तम मैत्रीचे सुर जुळले,मला आधी माझी खरडवही कोणी येउन वाचत असेल असं वाटलच नव्हतं ! माझ्या वहीत कोण बरं आणि का डोकावेल ? असा विचार मनात होता,पण तो चुकीचा होता हे नंतर कळलेच ! ;)
मी इतरांच्या खरड वह्यांमधे डोकवाडोकवी तशी कमीच केली,नंतर नंतर तर पूर्णपणे बंदच केली... पण एकंदर कोणाचे टाके कोणाशी आहेत हे कळायला मात्र बरीच मदत झाली,आणि त्याचा फायदा देखील झाला. ;)
असो... मिपा अपग्रेड होत आहे याचा फार आनंद आहे,आत्ता पर्यंत अनेक बदल पाहिले आणि हा बदल देखील उत्तम असेल आणि त्याचे स्वागत आहे.
तरी सुद्धा खरडवहीतील नोंदी अबाधित रहाव्यात असे कुठेतरी वाटते...

जाता जाता :--- हा धागा वाचला जातोच आहे तर एक सुचना करावीशी वाटत आहे,ती म्हणजे मुख्य पानाच्या तळाशी पूर्वी पुढची पाने पाहण्याची सोय होती,ती आता नाही ! त्यामुळे बरीच गैरसोय होते... मागच्या पानावर गेलेले लेख पटकन पाहता येत नाहीत.या बद्धल काही उपाय योजला गेल्यास आनंद होईल.

हं...आम्हाला कोणी अन आम्ही कोणाला फारसं कै खरडत नसल्याने कै फरक पडत नै...शिवाय आम्ही इतके भावनिक वेग्रे नैत.
बाकी चालु द्या.

लेख उत्तम आहे. :)

खरड वह्या फारश्या कधी वापरल्या नाहीत किवा चाचपल्या नाहीत त्यामुळे काहीच फरक पडला नाही :)
,
प्रत्येक चांगल्या वाईट गोष्टीना शेवट आहे , कोणीही फारस मनावर घेवू नये
.
शेवटी हे सगळ आभासी जग आहे मित्र-मैत्रिणीनो , खराडी गेल्या बाराच्या भावात तरी मित्र थोडीच उडवले जाणार आहेत :)

आपली खरडवही वाचायलाच पाहिजे. ;-)
माझी खरडवही इतकी रंगीबेरंगी नाही :-(

आत्ताच कुठं खरडी येऊ लागल्या की..
काय चांगलं म्हणून बघवत नाही बघा यांना. :-(
एक तर येवढी लिहायची प्रॅक्टीस झाली होती तोपर्यंत अशी गेम करता का?
(सदागोपन रमेश ला जेवढी काळजी स्वतःच्या क्रिकेट रेकॉर्ड ची तेवढीच मला माझ्या खव ची)

अरे वा! नुकतीच पहिल्या पानावर ही महत्त्वाची सुचना बघितली की हा निर्णय मागे घेण्यात आला आहे:

महत्वाची सुचनादिनांक १७/०९/२०१२ रोजी मिसळपाव.कॉम भारतीय प्रमाण वेळेनुसार मध्यरात्री १२.०० वा. विश्रांती अवस्थेत जाईल. व परत दि. १८/०९/२०१२ रोजी मध्यरात्री १२.०० वा. परत सक्रिय होईल. या दरम्यान मिसळपाव उपलब्ध नसल्यामुळे सदस्यांना होणार्‍या त्रासाबद्दल मिपा व्यवस्थापन दिलगीर आहे.
तसेच यापुर्वी दिलेल्या सुचनेत खरडवह्या मोकळ्या करणार असल्याचे सांगीतले होते. मात्र तसे न करण्याचे ठरले आहे. शक्यता अशी आहे की १९/०९/२०१२ नंतर काही दिवस खरडवहीची सोय उपलब्ध नसेल. काही दिवसानंतर ती पुर्ववत होईल. - नीलकांत

नीलकांत आणि सगळ्या टिमचे मनःपूर्वक आभार

'परा' शराचा विजय असो.

चला!
परा जिंदाबाद!

ब्रावो परा.
आभारी आहे ,
पर्‍याचा - विषय उत्तमरित्या मांडल्याबद्दल आणी संमंचा सुसंगत निर्णय घेतल्याबद्दल.

चला बला टळली,

नीलकांताच्या सरकारने खरडवहीवरची " सबसिडी" चालू ठेवायचा निर्णय घेतलेला दिसतोय ! निळूभ्हौ
आभारी आहोत.

हल्ली खरडणं फारसं होत नसल्याने विशेष फरक पडणार नाही असं वाटतंय. हेच जर दीडेक वर्षांपूर्वी झालं असतं तर कदाचित सगळ्यांसारखंच हळहळलो असतो. दृष्टांत मिळाल्यानंतर खरडवहीतही रमावंसं वाटलं नाही.

धन्यवाद नीलकांत. :)

च्यायला....

मरा ठी संस्थळ कसं चालवायचं ते आमच्या कांताला विचारा.....!

एक गुगली टाकला नि १७६० विके टा निघाल्या. ;)