एक टुमदार गाव - माझे माधवनगर

संपूर्ण महाराष्ट्रावर शिक्का मारणे योग्य वाटले नाही.

इतक्या भागाशी सहमत. प्रत्येक गावात स्वच्छ आणि बकाल असे दोन्ही भाग असतात. कोंकणात आणि देशात प्रत्येकी एकेक दशक राहून हे मात्र नक्की की कोंकणातलं कोणतंही गाव रँडमली घेतलं तरी ते देशावरच्या (सह्याद्रीच्या पूर्वेकडे), विशेषतः पश्चिम महाराष्ट्र / खानदेश यांतील कोणत्याही अ‍ॅव्हरेज गावापेक्षा खूपच स्वच्छ असतं. अगदी जनरलाईज्ड विधान टाकण्याइतक्या स्पष्टतेने हे दिसतं. अर्थातच, रत्नागिरी हे शहर सांगलीपेक्षा खूपच स्वच्छ आहे. पण रत्नागिरीतला काही भाग गलिच्छ आहेच. आणि सांगलीतला अपमार्केट एरिया इतर भागांपेक्षा तुलनेने स्वच्छ आहे.. पण तुलना ही सरासरीने केली तर कोंकण कित्येक पट जास्त स्वच्छ आहे. काही प्रमाणात त्या त्या भागातल्या लोकांची वैयक्तिक स्वच्छतेची सवय आणि त्याउपर भौगोलिक कारणंही आहेत. कोंकणात पाण्याचा निचरा करणारी जमीन आणि सर्वत्र चढउतार.. त्याशिवाय चार महिने तरी धुवांधार पाऊस वगैरे असल्याने कोंकणात घाण साठून राहात नाही असंही असेल..