आंतरराष्ट्रीय ऑलिंपिक खेळांची सुरूवात प्रथम १८९६ मधे अथेन्स येथे झाली तिथपासुनचा प्रवास २०१२ ला लंडन पर्यंत येऊन ठेपला आहे. आत्तापर्यंतच्या सर्व ऑलिंपिक स्पर्धेत एकुण भारताच्या वाट्याला नऊ सुवर्ण पदकं आली आहेत. हॉकीत आठ आणि मागील वर्षी अभिनव बिंद्राला मिळालेले एक पदक अशी आपली वाटचाल आहे. आता २०१२ च्या ऑलिंपिक स्पर्धेत भारत पुन्हा एकदा दमदारपणे उतरला आहे.
भारतासहित विविध देशाचे स्पर्धक विविध खेळांमधे आपले कसब दाखवणार आहेत. स्पर्धेचं उद्घाटन सोहळा सानिका स्वप्नील यांनी अविस्मरणीय अनुभवातून दाखवलं आणि तो सोहळा अनेकांनी अनुभवला. ऑलिंपिक २०१२ च्या उद्घाटनाची आणखी काही छायाचित्र आपल्याला इथे ही पाहता येतील.
भारत या स्पर्धेत किती पदकं मिळवेल ? कोणत्या स्पर्धेत कोणत्या स्पर्धकाकडुन पदकांची अपेक्षा आहे ? कोणत्या सांघिक क्रिडा प्रकारात यश मिळु शकते ? विजयी स्पर्धकांच्या अभिनंदनाबरोबर देश-विदेशातील विविध खेळांच्या आणि खेळाडुंच्या वैशिष्ट्यांसह आपण अधिक माहिती इथे टाकाल अशी अपेक्षा.
हॉकीतलं आपलं आव्हान संपल्यातच जमा आहे. सुशीलकुमारकडुन कुस्ती , कश्यप तसेच सायना नेहवाल कडुन बॅडमिंटन, बॉक्सींगमधे देवोंद्रो कडुन पदकांची अपेक्षा आहे. आपलं काय मत आहे ?
प्रतिक्रिया
>>>>> विरोधी बॉक्सरचा निदान पाय तरी मोडू दे अशा शुभेच्छा द्या.
हाहाहा. अहो, अशानं आपल्या गुणवत्तेवर प्रश्न निर्माण होतील. बाकी, देवेंद्र जिंकला.
उप उपात्य फेरीत पोहचला. बाकी, त्या विकासला विजयी घोषित करुनही नंतर पराभूत घोषित केलं.
मला तर कै कळलं नै.
अजुन आहे का कोणाचा म्याच आज. आज माझ्या शुभेच्छांनी सुवर्णपदकी मिळु शकतं.
आज लै फॉर्मात आहोत आम्ही. :)
-दिलीप बिरुटे
विकास १३-११ असा जिंकला होता. अमेरिकन्सनी काहीतरी कारणं सांगत तक्रार केली. मग निर्णय लावणार्यानी एकमताने प्रतिस्पर्ध्याला आणखी ४ पॉइंट्स दिले आणि विकास १५-१३ असा हरल्याचं घोषित केलं. हाकानाका!
विकासने मार खाता खाता जाणीवपूर्वक तोंडातील गार्ड बाहेर थुंकून पंचांना काही क्षण सामना थांबवायला लावला. त्याबद्दल त्याला काही गुणांचा दंड व्हायला हवा होता जो झाला नाही. म्हणून अमेरिकन संघाने हरकत नोंदवल्यावर ते गुण अमेरिकन बॉक्सरला देण्यात आले, आणी सामन्याचा निकाल फिरला. आपल्या मीडीयाने कितीही बोंब मारली, तरी नंतर फिरवलेला निर्णय योग्यच होता असं मला वाटतं. कदाचित सामना पाहणार्या सर्वांना असंच वाटेल.
आपले लोक नको ते बरे लवकर शिकतात!
केल्यावर व्हिडिओ पुन्हा पाहिले तर त्यात ९ फाउल आढळुन आल्याने दुसर्याला विजयी ठरवला.
जलतरणात भारताला एकच वाईल्ड कार्ड स्पर्धक पाठवण्याची मुभा असताना, पात्रता निकष पूर्ण करणार्या ४ गुणवान जलतरणपटूंना डावलून वशिल्याचा तट्टू पाठवण्याच्या SFI (स्विमिंग फेडरेशन ऑफ इंडिया) च्या निर्णयामुळे नाचक्की होणार हे तर निश्चितच होतं.
पण गगन उल्ललमठ या भारतीय स्पर्धकाने अपेक्षेपेक्षा खूपच लाजिरवाणी कामगिरी करून भारताची मान खाली घालवली. १५०० मीटर फ्रीस्टाईल मध्ये गगन ३२ पैकी ३२वा आलाच, पण ३१व्या स्पर्धकापेक्षा तब्बल १०० मीटर (२ फेर्या) मागे राहण्याचा पराक्रम दाखवून पुरतं हसं करून घेतलं.
वीरधवल खाडे, सौरभ सांगवेकर (ज्याची १५०० ची सर्वोत्तम वेळ गगन पेक्षा दीड मिनिटापेक्षा सरस आहे), अॅरॉन डिसूझा, संदीप शेजवळ, यांना स्पर्धेसाठी पात्र असूनही टीव्हीवर गगनला पहावं लागलं. यापुढे कोणतेही पदक जिंकण्याच्या जिद्दीने / उमेदीने ते सराव करतील असं वाटत नाही. त्यांनी करूही नये.
फक्त २० वर्षांचा देवेन्द्रो सिन्ग १६-११ असा जिंकून क्वार्टर फायनलमधे पोचला. बिरुटेसर अभिनंदन! ;)
>>>> बिरुटेसर अभिनंदन!
:) धन्यवाद धन्यवाद.
बाय द वे, मेरी कोम ही महिला बॉक्सर आज झुंजणार होती तिचा म्याच कधी आहे, कोणास ठाऊक ?
तिलाही शुभेच्छा.
-दिलीप बिरुटे
मेरी कोम जिंकली.
एका सेरेना विल्यम्सने दोन सुवर्णपदकं जिंकली. आणि अख्ख्या भारत देशाला मिळून किती पदकं असा हिशेब लावत बसलोय आम्ही!
मायकेल फेल्प्सने आतापर्यंत तीन ऑलिम्पिकमध्ये २२ पदकांचा स्वीकार केला.
http://www.loksatta.com/index.php?option=com_content&view=article&id=242312:2012-08-05-11-54-24&catid=28:2009-07-09-02-01-56&Itemid=5
त्याला सोडूनच दे रे! तो या जगातला नव्हेच!
आणि अख्ख्या भारत देशाला मिळून किती पदकं असा हिशेब लावत बसलोय आम्ही!
चालायचंच, भारतामागं काय एक काम आहे, म्हणुन पदकांसाठी मेहनत करतील. आज पेप्रात वाचलं ऑलिंपिक तयारीसाठी भारतीय हॉकी संघावर १८ कोटी ९० लाख रुपये खर्च झाले. (इति. दै. लोकमत) डोळे पांढरेफटक पडायची वेळ आली. बाकी, हॉकीचा परफॉर्मन्स आपण सर्वांनी याचि देहि याचि डोळा पाहिलाच आहे. :)
-दिलीप बिरुटे
विंबल्डनच्या सेंटर कोर्टवर झालेल्या टेनिसच्या अंतिम सामन्यात अँडी मरेने रॉजर फेडररचा ६-२, ६-१, ६-४ असा सरळ सेटमध्ये पराभव करून ब्रिटनसाठी सुवर्णपदक जिंकलं त्याचबरोबर मागच्या महिन्यात ह्याच कोर्टवर झालेल्या पराभवाची परतफेडही.
मरेच्या जोरदार खेळापुढे फेडररचा अजिबात टिकाव लागला नाही. ताकदवान फोरहँड वापरून मरेने मारलेले तिरकस फटके फेडररला चुका करण्यास भाग पाडत होते. फेडरला नेटजवळ यायची फारशी संधीच मिळाली नाही. त्यातच कदाचित एकाग्रतेच्या अभावामुळेही मिळालेल्या ब्रेकपाँट्सचे विजयी गुणांत रूपांतर करण्यात फेडरर अपयशी ठरला परिणामतः त्याला रौप्यपदकावरच समाधान मानावे लागले.
अर्जेटीनाच्या जुआन मार्टीन डेल पोर्ट्रोने सर्बियाच्या नोव्हाक जोकोविचचा ७-५, ६-४ असा पराभव करत कांस्यपदक जिंकले.
आज दुसरं सुवर्णपदक जिंकणार अशी चिन्हं दिसतायत! फारच पेटलाय तो. फेडरर ची पहिली सर्व्हिस नीट पडत नव्हती सुरुवातीला, शिवाय ब्रेक पॉइंट्स घेता आले नाहीत. ते भारी पडलं. अमेरिकेच्या विल्यम्स भगिनींनी गेल्या वर्षातल्या दुखापती आणि आजारपणांवर मात करून दोन सुवर्णपदकं घेतली त्यांच्या जिद्दीला सलाम!
मेरी कोमने पोलंडच्या प्रतिस्पर्ध्याचा धुव्वा उडवला. तिची आगेकूच अशीच चालू राहू दे. तिच्या नावावर ५ जागतिक विजेतेपदं आहेत. तिच्याकडून एका पदकाची अपेक्षा आहेच!
मेरी कोमचा सामना चालु आहे. तीस-या फेरीत मेरीने चांगले पंच दिले आहे.
बघुया, पंचांना हे पंच किती मान्य होताते ते
मेरी कोम उपांत्य फेरीत पोहचली. ट्युनिशियाच्या मॅरो रहालीला १५/६ असे सहज पराभूत केले.
मेरीचे अभिनंदन.
१५-६ म्हणजे तसा एकतर्फीच विजय म्हणायचा.
मेरी कोमचे अभिनंदन.
ती जागतिक विजेती आहे बाबा! आणि दोन मुलांची आई आहे हे सगळीकडे परत परत सांगत होते. असल्या खेळात खेळत राहण्याची जिद्द भारीच म्हणायची!
खरंच.
कौतुक करावे तितके कमीच आहे.
शिवाय ५ वेळा जगज्जेतेपद म्हणजे साधी गोष्ट नाहीच.
मेरी कॉम विजयी. सेमीफायनल मध्ये दाखल.
मेरी कोम सेमीफायनल मध्ये जाऊनही १ पदक निश्चित केले असे म्हणतात....हा फंडा कोणी समजावून सांगेल काय?
बॉक्सिंगमधे हरणार्या दोन्ही सेमी फायनलिस्टना ब्राँझ पदक देतात.
सेम टु सेम प्रश्न मलाही पडला होता. वाहिन्यांवर महिला बॉक्सिंगचे पदक निश्चित, बॉक्सिंगचे पदक निश्चित, असं सांगत होते. अजून सेमी फायनल व्हायची आहे, आणि हे पदक निश्चित कसे म्हणत आहेत, कै भानगडच कळेना. असो, धन्स टू पैसा. च्यायला, अजबच नियम आहेत बॉक्सिंगचे.
-दिलीप बिरुटे
मेरी कोमचा उपांत्यफेरीचा सामना सुरु होत आहे.
ब्रिटीश बॉक्सर निकोलोचे ठोसे बसल्यामुळे मेरी कोम तिसर्या फेरीअखेर मागे आहे. शेवटच्या फेरीत मेरी कोमचे ठोसे निकॉलसला बसले तरच सुवर्णपदकाचे स्वप्न पाहता येईल.
६/११ असा मेरीचा कोमचा पराभव. मेरी कोमपेक्षा ब्रिटनच्या निकोला अॅडम्सचे ठोसे अगदी अचुक होते.
तुलनेत मेरीकोम निकोलाला डोक्याच्या मागील बाजुस ठोसे मारतांना दिसत होती. महिला बॉक्सिंगमधे एकुणच कास्य पदक का होईना भारता मिळणार आहे. धन्यवाद.
यंदा सुवर्णपदक काही भारताच्या नशिबी दिसत नाही :(
भारताचा चॅम्पियन कुस्तीपटू योगेश्वर दत्तने लंडन ऑलिम्पिकमध्ये 60 किलो फ्रीस्टाइलमध्ये कांस्य पदक प्राप्त केले आहे. लंडन ऑलिम्पिकचे भारताचे हे पाचवे पदक आहे.
माहितीबद्दल धन्यवाद.
सुशीलकुमारचा कुस्तीचा सामना सुरु आहे. पहिली फेरीत सुशीलकुमार मागे आहे.
http://www.newtvworld.com/India-Live-Tv-Channels/dd-sports-live-streaming.html
(दुव्यावरील जाहीराती क्लोज कराव्यात)
तुर्कीच्या पहिलवानाला पराभूत करुन सुशीलकुमार उपउपात्यं फेरीत पोहचला.
२/१ अशा फरकाने तुर्कीच्या मागील ऑलिंपिक विजेत्या पहिलवानास पराभूत केले. अतिशय रोमहर्षक ही लढत झाली.
आजच बाकीच्या लढती होणार आहेत.
आत्ता आज दुसर्या सामन्यात सुशीलकुमार उपांत्य फेरीत पोहचला.
उझबेकिस्तानच्या नवरुझॉव्हला त्याने उपउपांत्य सामन्यात धुळ चारली.
सुशीलकुमारचा प्रवास सुवर्णपदकाच्या दिशेने सुरु झाला आहे.
आत्तापर्यंत एकुण पाच पदकं भारताच्या वाट्याला आली आहेत.
आपण दोनहजारवीसला पंचवीस पदकं आणु अशी तयारी सुरु झाली . [बातमी]
फायनल मध्ये पोहोचला.....
:-)
कझाकिस्तानच्या पहिलवानास हरवल्यानंतर आता उत्सुकता आहे, सुवर्णपदकाची.
अर्थात, जापानी पहिलवानाशी सुशीलकुमारची लढत सोपी असणार नाही. रौप्य पदक तर नक्कीच झाले आहे. आता सुवर्णपदकाची अपेक्षा फक्त सुशीलकुमारकडुनच आहे. सुशीलकुमारला सुवर्णपदकासाठी शुभेच्छा.
भारतीय प्रमाण वेळेला आज रविवार सायंकाळी ६:३० वाजता अंतिम सामना होणार आहे.
-दिलीप बिरुटे
सुशीलकुमार चांगलाच खेळला..कझाकच्या तांतारोवला उचलून सरळ पछाड घातली..उपांत्य ल्ढतीत असे करणे म्हणजे खरेच जबरा..पण या लढतीत त्यानं एक फाऊलही केलेला दिसतोय. तांतारोवच्या उजव्या कानाला तो चावलाय.. असो.
आपल्या ध्वजधारकाला सुवर्णासाठी शुभेच्छा!
राघव
जापानी पहिलवानानं सुशील कुमारला जिंकण्याची कोणतीही संधी दिली नाही.
चपळ अशा जापानी पहिलवानानं सुशीलकुमार आणि आस लावून बसलेल्या भारतीयांच्या सुवर्णपदकाचं स्वप्नं मोडलं.
रौप्य पदक मिळाल्याचा आनंद आहेच. सुशीलकुमारचं अभिनंदन.
-दिलीप बिरुटे
आवडत्या Quotes पैकी एक Quote आणखी एकदा पटला.. :-(
You Never WIN Silver... You LOSE Gold....!!!!
जेव्हा जापानी पहिलवानानं दुसर्या फेरीत सुशीलकुमारला उचलुन टाकल तेव्हाच सालं सुशीलकुमारचं अवसान गेलं. आणि म्याच न लढता आपण हरलो. असो, एकाच दिवशी उप उपांत्य, उपांत्य, आणि अंतिम फेरीत खेळायचं ही जरा आपल्या सुशीलकुमारच्या मानसिक आणि शारिरिक अशा परिस्थितीची परिक्षाच होती. आणि जापानी पहिलवानाचा उजवा खेळ ही गोष्ट ही तशी नाकारता येत नाही. असो, सालं आपलं नशीबच फुटकं आहे, दोष तरी कोणाल द्यायचा. असो, चालायचंच.
-दिलीप बिरुटे
(नर्व्हस)
>>>जापानी पहिलवानाचा उजवा खेळ ही गोष्ट ही तशी नाकारता येत नाही.
हो राव... आपलं मिडीया सुशीलकुमारच्या '३ उलट्या' ग्लोरीफाय करत बसलंय. :-D
चार कास्य आणि दोन रौप्य पदकं ही आपली आत्तापर्यंतच्या ऑलिंपिक स्पर्धेतील ऑलिंपिक २०१२ लंडन येथील उत्तम कामगिरी. ब्राझील येथे होणार्या स्पर्धेत भारतातील खेळाडु अदिक दैदिप्यमान कामगिरी करतील अशी अपेक्षा. मिपावरील सदस्यांनी आणि वाचकांनी स्पर्धेच्या निमित्ताने ऑलिंपिक २०१२ मधे सहभागी होऊन या स्पर्धेचा आनंद लुटला. आपापली मतं मांडली , आपले सर्वांचे आभार.
स्पर्धेतील समारोपाची काही क्षणचित्र.
ऑलिंपिक २०१२
[मिपा टीम]
बिरुटे सर,