परीकथेतील राजकुमार, आपले म्हणणे अगदी खरे आहे. Inspire होण्यासाठी आजूबाजूला देखील नक्कीच खूप जण आहेत. सिनेमांबद्दल बोलायचेच झाले तर शेवटी सर्व सापेक्ष आहे आणि म्हणूनच एखाद्याला आवडणारा सिनेमा दुसर्याला अगदी टुकार वाटू शकतो पण म्हणून सिनेमा पाहून आपण काहीच शिकू शकत नाही किंवा त्याचा आपल्यावर चांगला परिणाम होऊ शकत नाही हे मी मान्य करू शकत नाही. "आनंद" सिनेमा पाहून कितीतरी जण नक्कीच inspire झाले असणारच जीवनातील संकटाना सामोरे जाण्यासाठी. "A Beautiful Mind" हा नितांत सिनेमा तरी काय वेगळे शिकवतो. शेवटी "रुसेल क्रोवे" नोबेल पारितोषिक मिळवताना जे भाषण करतो त्याने आपण काहीच शिकत नाही असे वाटते का? आनंद, "Life is Beautiful" किंवा "The pursuit of Happyness" बघताना आपल्या डोळ्याचा कडा पाणावत नसतील तर एक तर आपण पाषाण हृदय असलो पाहिजे किंवा संत तरी असलो पाहिजे. अर्थात कोणी कशाने inspire व्हावे हा ज्याचा त्याचा प्रश्न आहे. माझ्या सारखी अल्पमती असलेली माणसे कदाचित अश्या सुमार सिनेमानीच inspire होत असतील कदाचित. बाकी आपण अगदी योग्य सांगितले आहे कि inspire होण्यासाठी बाबा आमटे इत्यादी खूप उदाहरणे नक्कीच आहेत. पण आमच्यासारखी सर्व सामान्य माणसांसाठी हि फार मोठी व्यक्तिमत्व आहेत आणि त्यांचा देखील नक्कीच प्रभाव असतो आपल्यावर. त्यांच्या सारखे बनण्यासाठी फार त्याग आणि उंच ध्येय पाहिजे जे बर्याचदा माझ्यासारख्या सामान्य लोक्नाकडे असेलच असे नाही ना. म्हणून कधी चांगली पुस्तके वाचून, कधी चांगले लेख वाचून आपण शिकण्याचा प्रयत्न करत असतो असे मला वाटते. ज्यांनी मागच्या रविवारचा "सत्यमेव जयते" पाहिला असेल त्यात देखील खूप उदाहरणे दाखवली होती inspire होण्यासाठी आणि नक्कीच आपल्या मनावर त्याचा चांगला परिणाम होत असतोच. पण म्हणून चांगल्या सिनेमा वरून आपण काहीच शिकू शकत नाही किंवा inspire होऊ शकत नाही हे काही मला तरी पटत नाही. बाकी आपल्या प्रतिसादाबद्दल धन्यवाद. माधवी