बिअरशॉपची किमया - बेवडा भरकटला - नो प्रोब्लेम.

आंतरजालीय सज्जनांनो, आपल्या घरात फ्रिज असतात, पण ब-याच वेळा वेळे अभावी व बरेच वेळा आळसाने वा काही वेळा 'त्यापेक्षा ऑटो बरा, आयला डोक्याला कटकट नाही ! या हिशोबाने घरात बिअर आणुन ठेवण्याचे आपण सर्व जण (यात मी नाही आलो) टाळतो. आपल्याला हवी तेंव्हा बिअर न मिळणे व चिल्ड न मिळणे या वेगवेगळ्या समस्या आहेत, आपल्याला वेटर चांगला मिळाला नाही बिअर गरम येते, पण दारुधंद्यातल्या वितरणातील दोषांमुळे हव्या त्या ब्रँडची बिअर न मिळण्याचा अनुभव येतो. बहुतेक वेळा क्वचित प्यार्टी देणारा दोस्त बिल भरणार असेल तर हा प्रकार घडतो. अशी प्यार्टी आपल्या डोक्याला त्रासदायक वाटते, पण हा दोष हल्ली सुरु झालेल्या एका सोयीने सुधारता येतो, या सोयीला'' बिअर शॉप '' म्हणतात. त्याचा उपयोग आपण पाहु या. हे बिअर शॉप सरकारी कोट्यातुन उघडलेले आहे, पण त्या मधला इंग्रजी शब्दांचे स्पेलिंग भरकटलेले आहे. आता याच दुकानाच्या परमिटवर, याच्या मालकाच्या जावयाने एक डुप्लिकेट दुकान उघडले आहे आता या डुप्लिकेट दुकानातुन दरवाजा उघडुन आत जा. इथं तुमचा नाव, पत्ता, पॅन कार्ड नंबर व रेशन कार्डाची झेरॉक्स द्या. इथल्या फॉर्म मध्ये तीन प्रकारे माहिती द्यावी लागेल, आपल्याला हवा असलेला ब्रँड त्याचा स्टाँगनेस त्यात टेंपरेचर ० ते १० ठेवा, आणि ओकेच्या वर क्लिक करा. आता खाली तुमच्या निवडीची आणि त्या टेबलामागच्या मदतनिसिने दिलेल्या सल्याची तुलना करुन पहा. (सर्व छायाचित्रे, आंतरजालावरुन फुकट साभार )