देव काय अशी शोधायची गोष्ट हाय व्हय अरुण काका?
सोडा हो तुम्हा आम्हाला नाही सापडाय्चा तो. बसु दे त्याला निवांत.

आणि देव या 'जनांत मनांत' कुठं सापडणार ? कदाचित 'जे न देखे रवी' मधे शोधला तर मिळेल!

अरुणराव - कवितेतून मांडलेला विचार आवडला.

परंतु शीर्षकात व जागोजाग 'म्हणले' असं क्रियापद वापरलेलं आहे. जर इतर शब्दरचनेत भाषाशैली ग्रामीण भागातली असती तर ते शोभून दिसले असते. परंतु उपरोक्त भाषाशैलीला 'म्हणाले' हे क्रियापद अधिक शोभून दिसलं असतं असं मला वाटतं.

कवितेतला आशय पोहचला. बाकी, देव-बीव कै नसतं. [ तो अनुभूती वग्रैचा विषय असू शकतो] :)

आमच्या मित्रानं दिलेल्या कव्वालीतले ही ओळ मला खासच आवडते. पुन्हा लिहितोच. ''अपनी पेहचान की खातीर है बनाया सबको, सब की नज़रों से मगर खुद को छुपा के रक्खा है, तुम एक गोरख धंदा हो''

बाकी, श्रीरंग_जोशी जे 'म्हणाले' त्याच्याशी सहमत.

-दिलीप बिरुटे

कवितेचा आशय आणि प्रयत्न आवडला पण निराशावादी सूर नाही आवडला.

देव सर्वव्यापी आहे. (म्हणजे त्याच्या मागे 'व्याप' भरपूर आहेत.)

एका एस्टीचे ब्रेक निकामी झाले. एस्टी घाटातून चालली होती. ब्रेक निकामी झाल्याने तिची दरीकडे होणारी वाटचाल रोखणे चालकाला अशक्य झाले होते. सर्वजण 'आता आपण मरणार' ह्या विचारांनी भयभित झाले होते. पांढर्‍याफटक चर्येने देवाचा धावा करू लागले. हळू हळू दरीकडे सरकणारी एस्टी एका मैलाच्या दगडाला अडकून थांबली. सर्व ६० प्रवासी आणि चालक सुखरुप वाचले.

'तो' दगड म्हणजे देव

तसेही, कुठे नाहीच भेटला तर, खालील पत्यावर 'रमेश देव' नक्की भेटेल.

अ/४, ऋतुराज अपार्टमेन्ट,
एस्. एन्. डि. टी. कॉलेज जवळ,
जुहू मार्ग,
सांताक्रूझ (पश्चिम),
मुंबई - ४०० ०५४

अरुण मनोहर सर , कविता उत्तम आहे.
देवांच्या नावाने उच्छाद मांडणार्‍या संधीसाधू लोकांचा चांगलाच समाचार घेतला आहे.
कवितेतील तुमची तळमळ समजली. खुप सुंदर.

ते म्हणले शोधा चर्च, मशिदी, नी देवळे
दिसली फक्त प्रतिके आणि शोधकांचे थवे
थवे, आत असताना डोळे मिटून बसणारे
बाहेर तुझी शिकवण नजरेआड करणारे

ह्या ओळी अप्रतिम . मुळात आजकाल रोजच्या बोलण्यात आपण मराठी बोलताना इंग्लिश , हिंदी व ईतर भाषातले शब्ब्द वापरतोच की मग कवितेत जर आपल्या मातीतलाच ग्रामीण शब्ब्द आला तर तो नक्कीच चांगलाच आहे. मस्त कविता.

चांगले लेखन.

उत्तम मुक्तक!
देवाच्या शोधाबद्दल काय सांगणार?
"तुझे आहे तुजपाशी, परि तू जागा चुकलासी!"