अळुवडी ( क्रिस्पी -कुरकुरी )

अळूवडी ( क्रिस्पी) साहित्य : १) अळूची पाने ८-१० ( कोवळी अन छोटी असतील तर उत्तम ) २) बेसन पीठ २ वाट्या (मी हिरा बेसनपीठ वापरले आहे चिकट असते रोल करायला सोपे पडते ) ३) हिरव्या मिरच्या ७-८. ४) लसूण पाकळ्या ७-८. ५) जीर / (जिरपूड ) १ छोटा चमचा . ६) गुळ १ छोटा चमचा (किसून) ७) चिंचेचा कोळ १ चमचा . ८) मीठ चवीनुसार . ९ )तळण्यासाठी तेल . १० ) भाजलेली बडीशेप भरड अर्धा चमचा ( आँपशनल). कृती :- अळूची पाने स्वच्छ धुवून - पुसून कोरडी करून घ्या . अळूच्या पानाचा मागल्या साईडला असलेला देठ कापून घ्या . आता हिरव्या मिरच्या अन लसूण याच वाटण करून घ्या . एका बाउलमध्ये वरील सर्व साहित्य मिक्स करून घ्या ,मिश्रण जास्ती पातळ नको जास्ती घट्ट नको ,मध्यम ठेवा आता एक पान घ्या ज्या बाजूला शिरा असतात त्या बाजूला वरील मिश्रण सगळीकडे एकसारखे पसरवून घ्या आता त्यावर पुन्हा एक पण ठेवा ,परत सेम कृती करा ,असे कमीतकमी ३-४ पानाच्या थराला व्यवस्थित मिश्रण लावून घ्या नंतर ह्या पानाचा अलगद गुंडाळी करा एका चाळणीत हे रोल वाफवायला ठेवा चाळण फिट्ट बसेल अशा आकाराचे एक पातेले घ्या त्यात पाणी गरम करून घ्या त्यावर चाळणी ठेवून वरून एक घट्ट झाकण ठेवा साधारण १०-१५ मिनिट वड्या उकडून घ्या सुरी खुपसून पहा जर सुरीला बेसन लागले नाही तर वडी शिजली समजावी आता ह्या उकडलेल्या वड्या थोड्या थंड होऊ द्या. आता वड्याचे काप करा ,जर तुम्हाला वड्या क्रिस्पी अन कुरकुरीत हव्या असतील तर काप पातळ करा अन जर शॅलो फ्राय करायच्या असतील तर जाडसर ठेवल्या तरी चालतील आता एका कढईत तेल गरम करून सर्व वड्या छान खरपूस तळून घ्या थोड्याश्या लालसर होईपर्यंत !! क्रिस्पी अळूवड्या तयार आहेत . आमच्याकडे सर्वाना कुरकुरीत वड्या आवडतात .म्हणुन मी शक्यतो कुरकुरीत होइस्तोवर तळते ,तुम्हाला जर ओलसर ह्व्या असतील तर तुम्ही वड्या लालसर होइपर्यंत तळ्ण्याची गरज नाही :) ( * अळूची पाने मोठी असतील तर त्यामुळे हमखास घसा खवखवतो म्हणूनच पाने छोटी अन कोवळी वापरावीत. अन नाहीच मिळाली तरी चिंचेचा कोळ अन गुळ घातल्यामुळे घसा खवखवत नाही ) ( अन हो .....मला सॉस बरोबर वडी खायला आवडते म्हणुन सॉसची वाटी ठेवली आहे ट्रे मध्ये , उगा सॉस मध्येच कुठून? असा प्रश्न विचारु नये ) ;) धन्यवाद :)