माझे सत्याचे प्रयोग - बॅचलर खिचडी

साला तुमच्या खंबाल पाड्यात अजुन पोळी भाजी केंद्र नाही सुरु केले का कोणी ? असो , खिचडी छान च दिसतेय. चला , आता इथे एक " एक भांडकुदळ मित्र" आणि एक "फ्रिज" शोधणे आले.

च्यायला सक्काळी सक्काळी खिचडी टाकलीस आता इथे कुठे मिळेल खिचडी ते शोधणे आले :p

प्रयत्न चांगला आहे. :) त्या जिरे आणि कांद्याच्या फोटोंवर पण फोटोशापी किडे करतोस. :D

चान चान. क्यामेर्‍याचा अतिरिक्त वापर खटकला. मुगाची डाळ म्हणजे अंमळ स्वीट कॉर्न चे दाणे आहेत की काय असे वाटून गेले. स्वीट कॉर्न खिचडी अशीच करता येईल काय?

१. सदर पाककृती हि एका बॅचलर ने केलेली आहे - म्हणजे कुणी, आपण स्वताबद्दल हे लिहित असाल तर संबंधित प्र्माणपत्राची सत्यांकित प्रत इथं डकवावी. अथवा आपण लाकडी पादुका वापरता किंवा कसे हे सांगावे. २. आपण बॅचलर असल्याची हि जाहिरात नसून , नवीन बॅचलरांसाठी मार्गदर्शन दीपिका समजावी - म्हणजे आपण जुने बॅचलर आहात काय, गुड, आपल्या बॅचलरपणाचे वय किती कळु शकेल काय ? ३. गणपा, सानिका स्वप्नील, मृणालिनी .. यांच्या पाकृन्सारखी हि टकाटक.. खतरनाक.. कातील.. जीवघेणी वेग्रे नाही.. अपेक्षाभंग होईल.. वेळीच धाग्याबाहेर पडू शकता - काय माहित खाल्यावर असेल सुद्धा जीवघेणी. ४.भांडी, चमचे आणि किचन उच्च नाही... त्यामुळे तिकडे जास्त लक्ष देऊ नये - मग काय जिरे आणि कांदे पहावे का काय ? टीप : १.तोपांसू छाप प्रतिक्रिया अपेक्षित नसून " पोटाची खळगी भरण्याची सोय झाली" "वा महिनाअखेरीस पैसे वाचवायची उत्तम सोय" छापाच्या प्रतिक्रिया चालतील - का पैसे महिन्याच्या सुरुवातीला वाचु शकत नाहीत काय ? २.अंडे घालून हि खिचडी करता येते . त्याला अंडा खिचडी म्हणू शकता - आता काहीजणांना असा प्रश्न पडेल की अंडे घातल्यावर किती वेळाने ही खिचडी करायची, त्यामुळे शब्द रचना बदलावी ही नम्र विनंती. १. एक मोबाईल, एक भांडकुदळ मित्र. साधा असला तरी चालतोय (आमच्या बाबतीत तो सूड होता) - मोबाईल चार्ज नसेल तर चालेल काय, म्हणजे तसा उल्लेख नाही म्हणुन विचारले. २. फोडणीच साहित्य ( मोहरी, तिखट, मीठ, जीर, हिंग, हळद, काळा मसाला) - तेल विसरलात ते ? ३ . एक वाटी तांदूळ, मुगाची डाळ सम प्रमाणात (हे माझ्या आकारमानानुसार , तुमच्या आकारात वरील साहित्याला गुणून.. तुम्ही तुमचा हिशोब लावू शकता ) - फोनवर ऐकण्यात झालेल्या चुकीचा परिणाम. ४. चार वाट्या पाणी - वाटीचा आकार काय असावा, याबद्दल मार्गदर्शन अपेक्षित. ५. फ्रीज मध्ये सापडतील त्या भाज्या (इथे मी बटाटा , कांदा आणि तळाशी पडलेला एक जुनाट फ्लॉवर चा तुकडा घेतला) - कांदे सहसा फ्रिजमध्ये ठेवु नयेत, दुधाला वास लागतो, तुमच्यासारख्या जुन्या बॅचलराला ही गोष्ट अनुभवानं माहित व्हायला हवी. ६ . लसूण, आलं आवडीनुसार कृती : हातात असलेल्या मोबाईल वरून.. त्या मित्र कम बॅचलरला फोन लावून (अर्थात सूड ) फोन लावून (अर्थात सूड ) खिचडी कशी करतात ते विचारणे , त्याचे ज्ञान एका कागदावर लिहून घेणे -( या ऐवजी एखाद्या विवाहित मित्राला फोन लावला असता तर तेवढ्याच टॉक टाईम मध्ये संपुर्ण जेवणाची पाकृ सांगितली असती, तेवढंच काय एसेमेस पण केला असता. ) बाजूला साहित्याची जमवाजमव करणे - आता मिपाकरांकरित या मागची स्टोरी सांगतो, ही माहिती आमच्या खास बातमीदाराकडुन आलेली आहे. सदर दिवशी मा. श्री स्प्पजी यांचेकडे मुलगा बघण्यासाठी आलेले असता, प्रत्यक्ष मा.श्री स्पाजी यांनी आपणांस उत्तम स्वयंपाक करता येतो असे प्रतिपादन केल्याने, आलेल्या आशिंबदु कन्यकेने ' मग खिचडी करुन दाखवता काय आता ?' असे आव्हान केल्याने हा प्रपंच (उपद्याप ) केल्याचे समजते, पण खिचडी नाहीच पसंद पडली तर पड्ली नाही तर नाही, गेलाबाजार एखादा शंभरी धागा मिपावर टाकु असा विचार करुन मा. श्री स्पाजी यांनी फोटो काढल्याचे कळते. अवांतर - फोटो चांगले आले आहेत. आमच्याकडे अशीच काचेची डिश आहे, त्यामुळे तुम्हाला मागणार नाही. अतिअवांतर - सगळ्या स्वयंघोषित आणि अप्रमाणित बॅचलरांना फ्लॉवर का आवडतो, याचं कारण कळेल काय.

छान ! पाकृ पेक्षा फोटूच लै भारी दिसताहेत. आम्ही इतकी वर्षे खिचडी करताहोत पण आमची खिचडी अशी कॅटरिनासारखी चकचकीत कधी दिसली नाही ब्वा ! ही किमया मन्याभाऊंची की क्यामेऱ्याची ?

चला, अजुन एक पोरगा मार्गाला लागला.

मस्तच....

झकास पाकृ हो मन्याबापू! फोटोही मस्त प्रोफेशनल आलेत. चला, रेवतीआजींची एका नातवाची चिंता मिटली म्हणायची ;)

सदर पाकृ स्पावड्यानेच केली आहे ह्याला पुरावा काय ?

मन्या फेणे खिचडी टाकतो या नावाचे पुस्तक लिहीन म्हणतो. ;)

पापड, ताक असे काही जोडीला दाखवले असतेस तर तुला बॅचलरांचा गणपा, स्वप्नीलसानिका, मृणाल तरी म्हणता आले असते. :-)

फेण्या, कळले हो तुझे सत्याचे झोल... :D - (झोलर स्वयंपाकी) पिंगू

टॉमेटो गॅसवर ठेवलेले टीव्ही पाहताना लक्षात आलं नाही म्हणतोय्स तर असं लागलं तरी काय होतं टीव्हीवर हे ऐकण्याची उत्सुकता आहे. इथेच सांगायला पाह्यजे असं नाही व्यनित सांगितलं तरी चालेल. दुसरी गोष्ट एक वाटी तांदूळ आणि साधारण मूठभरपेक्षा थोडी कमी मूगडाळ असं मी म्हणलं होतं समप्रमाण हे तू केलेलं दिसतंय. असो, ज्याची त्याची आवड. शेवटी सगळ्यात महत्त्वाचं, शीर्षक हे 'माझे आणि सत्याचे प्रयोग' असं असायला हवं होतं का ? स्वगतः माताय, मराठी पोरींची नावं सत्या वैगरे कधीपासून ठेवायला लागले लोक ?? सूड अरे ते सत्यवती वैगरे असेल, लाडाने सत्या वैगरे म्हणत असतील लोक तिला. आपल्याला का नसत्या चवकशा !!

उत्तम मांडणी, आम्ही केलेली खिचड़ी ची आठवन अनुन दिलीस....

वा वा, एक बॅचलर मार्गाला लागला म्हणायचा! छान छान... खिचडीसुद्धा छानच दिसतेय. जिरं, कांदा, बटाट्याचे इतके क्लोज अप फोटो बघून डोळे पाणावले.

मन्या फेणे साहेब, खिचडी तर एकदम फक्कड झालेली आहे . फोटो पण एकदम भारी आहेत. आता सांगुनच टाका की राव, खिचडी नक्कि कोणासाठी केली होती ते?

मन्याचं लग्न झाल्यावर त्याची बायको उपाशी रहाणार नाही हे नक्की! खिचडी खाण्यालयक दिसतेय नक्की. आणि खाऊन मन्या धडधाकट आहे हे बघून बरं वाटलं. डाळ आणि तांदुळांचं प्रमाण वाचलं तेव्हा काहीतरी लोचा झालाय हे कळलं, पण गडबड नक्की कोणाची म्हणजे सुड की मन्या, हे कळायला थांबले.

खिचडी छानचं जमतेयं की :)

प्रायोगिक सत्य अवडलं... आता असेच असत्याचे प्रयोगपण दाखवा

क्रमांक सत्तावीस असलेल्या मुलीशी लग्न केलं असतस तर अशी वेळ आली नसती मन्या! फालतू करणानं मुली नाकरण्याच्या सवयीमुळे सध्या स्थळं येणं बंद झालय. दिपिकाच्या इतकं प्रेमात असणं बरं नव्हे हे सांगून काही उपयोग नाही. मार्गदर्शन दीपिका समजावी यामुळे माझी काळजी वाढली. ठीक आहे. जे झालं ते झालं. तुझ्या फोटू काढण्याच्या कलेमुळे आणि पाकृमुळे प्रभावित झाले आहे हेही सांगून टाकते. यापुढच्या पाकृंमध्ये घरामध्ये जुना फ्लॉवरचा तुकडा असणे आणी तो पाकृमध्ये वापरणे, किचन उच्च नसणे, महिनाअखेर असे शब्दप्रयोग करू नयेत. स्थळांच्या संख्येत घट होते.;) आपले आकारमान काय आहे याचाही उल्लेख टाळावा. आपण नेहमीच जॉन एब्राहमच्या जिममध्ये वर्कआउट करत असल्याचा आभास निर्माण केल्यास आम्हाला सूनमुख लवकर बघायला मिळेल अशी आशा व्यक्त करून माझे भाषण संपवते.

'माझे सत्याचे प्रयोग', सोबत मित्र त्यात तो 'भांडकुदळ' असावा आणि 'खिचडी'' मन्या (पूर्वाश्रमीच्या स्पावड्या) , ही सामग्री खास 'दोस्ताना' स्पेशल आहे असे वाटून गेले. वपाडावला खासकरून आवडावी अशीच आहे. - (नवाबी शौक नसलेला) सोकाजी

अय्या!!! छान दिसतेय की खिचडी! मी पण आज खिचडीच केली होती अन टॉमेटोचं सार पण केलं होतं! खरंच!

खिचडी बर्यापैकी बरिये फेण्या :)

लैच... ह्या खिचडीची अनेक पारायणे झाली असल्याने जास्त नवल वाटले नाही ;) ह्याप्रकारात अजून थोडी साहित्य भर घातल्यास, पोटाची खळगी नव्याने भरता येतील... :) :) - चीझ खिचडी - मॅगी खिचडी - ऑम्लेट खिचडी - भुर्जी खिचडी - चिकन खिचडी - पास्ता खिचडी आणि अजून बरंच काही, पण तूर्तास इतकं मार्गदर्शन पुरे ;)

खिचडी म्हणजे ऑल टाईम फेवरीट... कशीही कधीही कोणीही खायला दिली, तरी तयार आहे.... त्यामुळे माझ्यासाठी हि खिचडी बेश्ट्च... ;)

प्रिय मित्र मन्याराम फेणे यासं, सप्रेम नमस्कार विनंती विषेश, थोड्या वेळा पुर्वी (ही त्या सिरियल मधील 'पुर्वी' नव्हे याची कायमची नोंद घेणे. तशी ही ते वयाने तुझ्यापेक्षा मोठी आहे ;) म्हणजे तुला चालेल ही , पण मी सहज निरीक्षण नोंदविले ;) ) तु केलेले स्वंयपाक घरातील किडे...आय मीन पाकृ पाहिली, पाहिल्यावर ..." स्पावडेश !! आवडेश !! " असे उद्गार सहज बाहेर पडले. दुसरे म्हणजे, आजपासुन तु स्वयंपाकी झालास आणि त्यामुळे तुला आजपासुन आम्ही " वाग्दत आयटी नवरा " असे मानु , त्या करिता तु ही आपल्या नावापुढे कु. ( म्हणजे कुमार) असे विषेशण लावावे अशी जाहीर विनंती करतो आहे. फार -फार वर्षा पुर्वी ( पुर्वी विषयी आधीच सांगीतले आहे, धन्यवाद ! ) , कोणी एके काळी, कोणीतरी अशीच थालीपीठे बनवुन टाकली होती ( टाकली होती म्हणजे काय रस्त्यात नव्हती टाकली ;) ) तेव्हा ही गरीब बिचार्‍या बॅचलर्स ने , बॅचलर असुन ही , त्या बॅचलर ची खिल्ली उडविली होती. त्यानंतर त्याने पाकृ बंड (द) केल्या, पण आपण मात्र तसे करायचे नाही, नेटाने बनवित रहायच्या , एक दिवस स्वताला च खायच्या आहेत म्हणुन हळु-हळु का असेना नीट होतात च ;) बाकी, माझ्या माहीतीतील एक " कू. मनी नेणे " नावाची सदस्या तुझा फोन नंबर मागत होती, त्याचे काय करावयाचे ( हम्म आता वाटतो का पुणेकर ;) ) ते कळविणे. ता.क. : तु पाठविलेले पैसै संपले असुन सध्या क्वार्टर चे वांदे झाले आहेत, लवकरात लवकर मनीऑर्डर करणे ;) आपला कृपाभिलाषी मित्र वाश्या

बॅचलर पाकृंना 'चान चान' म्हणायचं असतं म्हणे.... ! त्यानुसार चा न चा न! बाकी वर ५० ना पडले ला प्रश्न! सगल्या बॅचलरना 'फ्लॉवर' का आवडतो? सोप्पं आहे. फ्लॉवर म्हणजे फुल. असंही आणि तसंही बॅचलरना 'फुलं' आवडतातच. आणि ह्या 'फुला'/'फुलां'पायी ते फुल्ली 'फूल' होतात हे ही ओघानं आलंच. आणि एकदा लग्नाचा 'फूल'पणा केला की आयुष्यभरासाठी 'फूल'त राहणं हे नशीबी आहेच्च. तर असे हे दूरदृष्टी असलेले 'सभ्य नि सोज्वळ बॅचलर मिपाकर' सूज्ञपणे 'फिलावर' चा वापर करत आहेत. -(फुल्ली फूल असलेला आणि झालेला) प्यारे :)

सत्याचे प्रयोग आहेत हे आमच्या लक्षात आहे बरं का!

मला बेसिकमध्येच एक शंका आहे. हा सत्या कोण??