Skip to main content

मंद तारका

लेखक अन्या दातार यांनी मंगळवार, 27/03/2012 22:48 या दिवशी प्रकाशित केले.
मंद तारका त्या तेजाळती नभी विश्वाची दिवाळी सदोदित । तुझा सहवास करे उल्हसित नको तो विरह जीवघेणा । अथांग सागर जैसे तुझे मन निराळेच पैलू दावितसे । तुझी-माझी साथ हातामध्ये हात घालू गगनास गवसणी । टीपः कवितेचा पहिलाच प्रयत्न आहे, सांभाळून घ्यावे.
काव्यरस
शांतरस
लेखनविषय:
वाचने 5218
प्रतिक्रिया 28

प्रतिक्रिया

पैसा मंगळवार, 27/03/2012 23:02
सांभाळून आम्ही घेऊच. आणखी कोणाला सांगायचं आहे का?

प्रचेतस मंगळवार, 27/03/2012 23:22
एक पकडलं झाड परि सावली नाही आड शोधू दुसरीकडे आता रानभूल.!! चैन पडत नाय का हो खडगपुरात आता? कविता आवडली. पहिलाच प्रयत्न जोरदार यशस्वी.
टीपः कवितेचा पहिलाच प्रयत्न आहे, सांभाळून घ्यावे.
नवकवीचे मिपावर स्वागत. इथे विडंबन पाडण्यास आत्मे टपलेले असतात, तुम्हास हे सांगण्याची जरूरी नाहीच. तरी सावधान. ;)

चौकटराजा बुधवार, 28/03/2012 05:02
अन्या जी, कमीतकमी शब्दात ( आणि अचूक शब्दात ) जास्त आशय ! आम्ही "धमकू " संघटना नाही . अशा संघटनेला घाबरतही नाही. पण खरीच मस्त कविता असताना काय उगाच लिहित बसायचं? पुन्हा लिहाच.

सांजसंध्या बुधवार, 28/03/2012 05:14
साडेतीन चरणाचे षष्टाक्षरी ओवी वृत्त आहे. मला खूप आवडते हे. छान प्रयत्न आहे. पुलेशु ( दुस-या आणि तिस-या चरणामधे यमक साधण्याचा प्रयत्न करा. )

चौकटराजा बुधवार, 28/03/2012 08:41
जौ द्या हो सांजसंध्याताई , त्या यमकाचं एवढं नका मनावर घेउ ! काय आहे कवि हा आत्मकेंद्रित असतो. त्याला जे "भावते" ते तो लिहितो. मन मोठं करा ! जाउ द्या !

५० फक्त बुधवार, 28/03/2012 09:59
छान थोडक्या शब्दात, उत्तम मानापमान खेळला आहात, अवांतर - तेवढं शेवटचं कडवं, दोन महिन्यापुर्वी लिहिलं असतं तर निवडणुकीच्या प्रचारात जाम भाव खावुन गेलं असतं, पण ज्या पार्टीला हे गाणं दिलं असतं ती जर पडली असती, तर मग तुमची काय खैर नव्हती.

राघव बुधवार, 28/03/2012 10:28
छान लिहिलंय. :) पुलेशु. राघव

मूकवाचक बुधवार, 28/03/2012 12:20
पुलेशु. अन्याभाऊंची माफी मागून या कवितेची 'विधुर' आवृत्ती: मंद तारका त्या| तेजाळती नभात| माझ्या अंतरात| अमावस्या|| सखे हरपला| तुझा सहवास| आता वनवास| नित्याचाच|| गोठलेले तळे| झाले माझे मन| विरहाचे भान| सदोदित|| तुझ्या आठवात| विरताच श्वास| शेवटचा दिस| गोड व्हावा||

चौकटराजा बुधवार, 28/03/2012 13:20
तुमचा या व्हर्शन मधून वाचत जाता स्तब्द झालो .विद्ध झालो. पण निर्दोष काव्य वाचून तृप्त झालो. आय लव्ह धिस ! पुन्हा लिहा आणखी की एका विषयावर !

प्रास बुधवार, 28/03/2012 10:48
नामे मंद तारका कविता रुपी खारका बहु मधुर बनल्या अन्याभाऊच्या पहिला तो काव्य यत्न हाती गवसले रत्न वाचकां केले कौतुक अन्याभाऊचे आमचाही असे जसा पहिला काव्य-प्रतिसाद असा कौतुकाचा तो प्रयत्न अन्याभाऊच्या मिपाच्या काव्य विभागात अन्याभाऊंचे स्वागत. :-)

वपाडाव बुधवार, 28/03/2012 12:30
अरेरे अन्या, कसा रे भाड्या, झाला तु असा, सद्गदित !! करुन दे वाट, वाहु दे पाट, बोळांचे दाट, तुंबलेले !!

मिसळलेला काव्यप्रेमी बुधवार, 28/03/2012 13:44
हुच्च आहे... पहिला प्रयत्न आहे तर विषेश कौतुकास पात्र!! अभिनंदन!

सोत्रि बुधवार, 28/03/2012 23:45
खूप छान! - (पहिल्या प्रयत्नास संभाळून घेतलेला) सोकाजी

ajay wankhede शुक्रवार, 30/03/2012 04:14
मंद तारका त्या तेजाळती नभी विश्वाची दिवाळी सदोदित । परत एकदा तपासा वर शांतरस आत शृंगार हा कसला प्रकार