Skip to main content

मी वळूनी हासले - चुकले जरासे

लेखक सांजसंध्या यांनी मंगळवार, 27/03/2012 12:14 या दिवशी प्रकाशित केले.
मी वळूनी हासले - चुकले जरासे प्रश्न त्याचे टाळले, चुकले जरासे उत्तराशी थांबले, चुकले जरासे शीळ त्याची ओळखीची रानभूली मी वळूनी हासले - चुकले जरासे पाळले ना भान तू मज छेडतांना लाजले मी लाजले, चुकले जरासे भावनांना बांधले त्या, धुंद राती आज का सैलावले चुकले जरासे बंद होते द्वार माझे तव सुरांना का कशी नादावले - चुकले जरासे रोखले मी आसवांच्या आठवांना शेवटी रागावले - चुकले जरासे सोडतांना गांव जे मन घट्ट केले त्या तिथे रेंगाळले चुकले जरासे सांजछाया दाटल्या या अंगणाशी मी पुन्हा भांबावले, चुकले जरासे संध्या २६.११.२०१० रद्दीफ : एक शेर कुणीतरी एसेमेस केला होता. त्यातला चुकलो का ... असा काहीसा रद्दीफ थोडा बदलून घेतलाय.
काव्यरस
शृंगार
करुण
शांतरस
लेखनविषय:
वाचने 5120
प्रतिक्रिया 33

प्रतिक्रिया

चौकटराजा मंगळवार, 27/03/2012 12:58
माझेच गाणे ऐकविले तव स्वरानी मी तुवा उगाच छळले - चुकले जरासे किंचित कवि - चौकट राजा

चौकटराजा मंगळवार, 27/03/2012 13:43
वल्ली हा आय डी हॅक केल्यावर परत चालू करू ! तुझ्या गावात त्याचा क्लास आहे कारे ?

चौकटराजा मंगळवार, 27/03/2012 13:53
मस्त ! वा! होते हवे म्हणणेच माझे रस्ग्रन करू गेलो , चुकले जरासे आता कशाला टाकायचे ते उसासे वल्ली पर्याच्या जालातआता फसलो जरासे

शैलेन्द्र मंगळवार, 27/03/2012 13:14
स्पावडा? ते बेनं गात का? बोलल नाही कधी.. बाकी गायला थोडी हवा ठेवावी लागते, ती कुठे ठेवत असेल कोण जाणे..

मी-सौरभ मंगळवार, 27/03/2012 15:56
तो ढसाढसा गातो तेव्हा तुम्ही ते बदाबदा ऐकता असे म्हणतात. खरेखोटे तो 'आकाशातला बाप'च जाणे ;)

परिकथेतील राजकुमार मंगळवार, 27/03/2012 13:14
गझल / कविता जे काही आहे ते आवडले. ह्या पद्यरचनेची ह्यावेळी कोणी चिरफाड केली नाही हे अजून आवडले.

मोहनराव मंगळवार, 27/03/2012 13:31
तुम्हाला विडम्बनाला पण झ्याक माल मिळाला असंल!! ;)

अत्रुप्त आत्मा मंगळवार, 27/03/2012 13:52
@तुम्हाला विडम्बनाला पण झ्याक माल मिळाला असंल!! >>>तुमच्या म्हणण्याप्रमाणे ही कविता म्हणजे झ्याक माल असता,तर मग प्रतिक्रीया आलीच नसती,डायरेक्ट विडंबन आलं असतं... ------------------------------------------------- भागो मोह- न -मारे ;-)

प्रचेतस मंगळवार, 27/03/2012 13:53
रचना झ्याक जमली आहे... Smile
आणि हे दुसरे विधान
तुमच्या म्हणण्याप्रमाणे ही कविता म्हणजे झ्याक माल असता,तर मग प्रतिक्रीया आलीच नसती,
किती विसंगत विधाने करता हो भटजी तुम्ही.

अत्रुप्त आत्मा मंगळवार, 27/03/2012 14:05
@किती विसंगत विधाने करता हो भटजी तुम्ही...? >>> :shock: यात विसंगती काय आहे...? प्रथम मी कविता व तीची रचना झ्याक-म्हणजे चांगली जमल्याचे म्हटले आहे...आणी एकदा जर का चांगली झाली आहे,तर तीचे विडंबन घडावे असे कहिही त्यात कच्चे राहिलेले नाही... हे पुन्हा स्पष्ट करणे विसंगत नसुन,कमालीचे सुसंगत आहे... असो... हे सहज कळणारे असल्यानी,इतके स्पष्टीकरण देऊन मी थांबतो... :-)

मोहनराव मंगळवार, 27/03/2012 14:59
मी आत्म्याला विडंबन करावयास सांगितले, चुकले जरासे!! ;)

गणेशा मंगळवार, 27/03/2012 13:33
मस्त .. अप्रतिम ..
भावनांना बांधले त्या, धुंद राती आज का सैलावले चुकले जरासे सोडतांना गांव जे मन घट्ट केले त्या तिथे रेंगाळले चुकले जरासे सांजछाया दाटल्या या अंगणाशी मी पुन्हा भांबावले, चुकले जरासे
विशेष आवडले..

निनाद शनिवार, 31/03/2012 12:42
सोडतांना गांव जे मन घट्ट केले त्या तिथे रेंगाळले चुकले जरासे सांजछाया दाटल्या या अंगणाशी मी पुन्हा भांबावले, चुकले जरासे
हे फार आवडले... मन कुठे तरी रेंगाळतेच. या शब्दात ही रेंगाळावेसे वाटते. आयुष्याच्या निरनिराळ्या प्रदेशांना घेऊन जाणारी ही कविता आवडली. चाल लाऊन ऐकायला आवडेल कृपया तूनळीवर टाकावी हे विनंती. (वर दिलेल्या दुव्यावर जायला माझा म्याकफी नाही म्हण्तो.)