देव खरच नवसाला पावतो का?

नवसे कन्या पुत्र होती । मग का करणे लागे पती ।
--
संत तुकाराम

एकदम नवा कोरा आणि युनिक प्रश्न.

ह्या विषयावरती चर्चा व्हावी अशी आमची गेली अनेक वर्षाची मागणी होती.

स्वेटरमधल्या गोग्गोड गणपती बाप्पाचा फ्यान
परा

sarcastic स्मायली तयार करायला हवी राव ! :)

मनात नाही भाव, अन देवा मला पाव!! ;)

तुमच्या विश्वास नाही ना? (एकंदर जो सुर आहे धाग्याचा त्यावरुन काढलेल अनुमान) तर मग नका हो बोलू नवस. ज्यांच्या विश्वास आहे ते बोलतील.

मुळात तुमचा प्रॉब्लेम काय तोच कळला नाही? देवार विश्वास नाही ना मग देवळात गेलातच का?

सच्याने महाशतक काय मारल... साला हल्ली शतकांची हाव वाढत चालली आहे लोकांची.

(नवसाचा) गणा ;)

देव जर नवसाला पावत असता, तर मी रोज सकाळसंध्याकाळ दगडूशेठ गणपतीसमोर डोके टेकायला गेलो असतो.

हाकेच्या अंतरावर असूनसुद्धा कधी तिथे जायची माझी इच्छा होत नाही.

- पिंगू

म्हणुन खरच देव नवसाला पावतो काय ?

आमच्या हो किंवा नाही म्हणण्याने काय फरक पडणारे का निश साहेब..?
कशाला उगाच वांझोटे धागे काढता.. वेळ जात नाहीये का?

पावतो हो पावतो! देव नवसाला पावतो. काम तडीस नेण्याचा शेवटचा उपाय म्हणून लोक नवस बोलतात अन कामाला लागतात. कुणीही या भ्रमात राहू नये की नवस बोललो की आपण काहीही न करता काम होईल.

(श्रीगुरुकृपा पॉपकॉर्न सेंटरचालक) अन्या ;)

विवाहेच्छुकांनी बायको शांत-समजूतदार मिळावी म्हणून अवश्य नवस बोलावा.
नंतरही बायकोचे डोके ताळ्यावर राहावे म्हणून नियमित प्रार्थना करत राहावी.
स्त्रीमुक्तीवाल्या दुष्ट शक्तींपासून लांब राहाण्यासाठी गृह (स्वामिनी)शांती करावी.

निशा , झिलग्या तू रवळनाथाच्या दरर्शनाला गेला काय ?
( हे मस्त मालवणीत कसं लिहायच.मला सांग ना . तू तरी माझ्या नवसाला पाव रे निशूनाथा ! )
हाडाचा देवभक्त तोच "करविता "आहे असे म्ह्णणतो आणि आक्रित झालं तरी आम्ही नास्तिक म्हणतो " योगायोग ! "

निश च्या धाग्याला प्रतिसाद दिल्याबद्द्ल धन्यवाद !
निश च्या धाग्याला प्रतिसाद दिल्याबद्द्ल धन्यवाद !निश च्या धाग्याला प्रतिसाद दिल्याबद्द्ल धन्यवाद !निश च्या धाग्याला प्रतिसाद दिल्याबद्द्ल धन्यवाद !

"बाहेर बरीच लांब रांग लागली होती. त्या रांगेत उभे रहीलो असतो तर सहजच आम्हाला दोन ते तीन तास लागले असते देवाच्या पाया पडायला."

आत्ता एव्हडी रांग लागली मंजे देव पावत असणार की .... "हात च्या काकणाला आरसा कशाला"

मी नवस-सायास वगैरे काही मानत नाही, करीतही नाही..
कारण या शब्दांना विचित्र पार्श्वभूमी आहे..
त्याऐवजी मी माणसाला नेहमीच अज्ञात असणार्‍या, पण कधीही साद घालता येऊ शकणार्‍या अज्ञात प्रकाराला शरण जाणे असे म्हणायला मला आवडेल.
असली शक्ती प्रतिसाद देते काय त्याची सत्यता पडताळून पाहणे म्हणा किंवा त्या प्रतिसादातून स्वत:ची अडचण सोडविण्‍याची संधी नुकतीच ओघाने आली..
मी आत्मशून्यसोबत बारा कि.मी.च्या परिक्रमेला वगैरे गेलो होतो..
मला नेहमी चार वर्षांपासून टकूरं आऊट होण्‍याचा त्रास होता.. डोकं जड पडण्‍याचा त्रास होता.
हा त्रास ध्‍यान, कुंडलीनी जागृतीमुळे सुरु झाला होता..
डॉक्टर, गोळ्या, स्कॅन सगळं करुन पाहिलं होतं.
ते नर्मदामाई, नर्मदामाई, ती इच्छा पूर्ण करते वगैरे हॅमरींगमुळे मी एकदा त्रास होत असताना चिडून म्हणालो की माझा हा त्रास बंद होऊ दे, मी पण नर्मदा परिक्रमेला जाईन!
पुढच्याच काही दिवसांत तो त्रास दूर करणारी कृपावंत माता मला इथेच मिसळपाववर मिळून गेली.. आणि तो त्रासही कमी कमी होत जातो आहे..
मला परिक्रमेला जावं लागणार आहे, किंवा नेहमीच्या भाषेत नवस फेडायला जावं लागणार आहे..

देवीला नवस करा, बोळा निघण्याची शक्यता नाकारता येत नाही .

टुकार धागे बंद व्हावेत म्हणून कुठल्या आय डी ला नवस बोलावा ??

निशासाहेब बेसीकमध्ये राडा आहे. तेवढा क्लिअर करुन या. तद्नंतर आपण काथ्या कुटूयात.
बाकी गणपा (शकुणी)साहेबांनी टाकलेल्या कुटील फास्यांचा तीव्र णिषेढ हे जाताजाता नमूद करतो. ;)

नवस हा मानसोपचार आहे.

नवस बोलणारा, समस्येचे निराकरण करण्याचे , सर्व प्रयत्न करून हरलेला, हतबल झालेला असतो. नव्याने काही प्रयत्न करण्याचे, त्या समस्येशी लढण्याचे बळ हरवून बसलेला असतो.

विश्वास (किंवा अंधविश्वास म्हणा हवं तर) असल्याने देवाला नवस बोलल्यावर ती सर्वसमर्थ शक्ती आपल्या मदतीसाठी उभी आहे ह्या विचारातून त्याला समस्येशी लढण्याचे नव्याने बळ मिळते तो लढत राहतो आणि त्याच्या स्वतःच्या प्रयत्नांनी किंवा कर्मधर्मसंयोगाने जेंव्हा समस्येचे निराकरण होते तेंव्हा तो जास्त देवभक्त होतो पण समस्येचे निराकरण नाही झाले तर तो पुन्हा देवालाच शरण जाऊन तिथेच उपाय शोधत राहतो.

त्यामुळेच 'देव नवसाला पावतो' आणि 'नवस वगैरे थोतांड आहे' अशी दोन्ही टोकाची मते असलेली माणसे भेटतात.

एका बाईने देवाला नवस केला. देवा मुलगा दे, दिलास तर तुला सोन्याची कुंची वाहीन. तिला मुलगा झाला ( ). तिने मुलाचे नाव सोन्या ठेवले आणि एके दिवशी पोरांच्या अंगावरची कुंची घेऊन देवळात गेली. देवाला म्हणाली, ही घे सोन्याची कुंची. बोलल्याप्रमाणे नवस फेडला आहे.

तेव्हा पासून देव नवसाला पावत नसावा असा अंदाज आहे.

( ) : भलत्या शंका मनात येऊ देऊ नयेत यासाठी रिकामा कंस दिला आहे.

>>>>> देव खरच नवसाला पावतो का ?
हा ज्याच्या त्याच्या श्रद्धेचा प्रश्न आहे. आम्ही कोणाच्याही श्रद्धेत लुडबूड करत नाही.

बाय द वे, सच्या (सचिन तेंडुलकर) काल सिद्धीविनायकाच्या दर्शनाला गेल्यापासून साली आपली दोलायमान अवस्था झाली आहे. विश्वचषक क्रिकेटच्या अंतिम सामन्याच्या दरम्यान मिपावरील रनींग प्रतिसादादरम्यान मिपाकरांच्या नादी लागून भारताला विश्वचषक जिंकू दे.......मी सिद्धीविनायकाला दर्शनाला येईन असं बोलून गेलो. . आणि कर्मधर्म संयोगाने भारताने क्रिकेटचा विश्वचषक जिंकला. आता नवस पूर्ण करायची जवाबदारी माझी आहे. आणि ती मी पूर्ण करीन. कोणाला काय म्हणायचे असेल ते म्हणू दे..........!

-दिलीप बिरुटे
(श्रद्धाळू )

नवस म्हणजे 'मी हे काम करत आहे, त्याचे फळ मला माझ्या मनासारखे मिळु दे' अशी प्रार्थना.

म्हणजे नवस बोलणारा शक्यतो 'दे रे हरी खाटल्यावरी' म्हणणारा नसतो. तर 'मी परीक्षेसाठी अभ्यास केला आहे, पेपर, सोपा येउदे, फर्स्टक्लास मीळुदे', 'मी लॉटरीचे तीकीट काढत आहे, लाखाचे बक्षीस लागले तर ५ हजार पेटीत टाकेन', किवा 'आम्ही प्रयत्न करत आहोत, मुलगा/मुलगी होउ दे' अशा प्रार्थना.

प्रयत्न न करता काहीच फ़ळ मिळणार नाही हे नवस करणाराही जाणतो. लोक प्रयत्न करत असतातच, पण जे आपल्या प्रयत्नांच्या पलीकडले आहे, त्यासाठी देवाची प्रार्थना केली तर काय चुकले?

टाका देवापुढे चारणे आठने,आणि मग तुम्हाला काय मागायचं ते.मिळाल तर समजा देव नवसाला पावतो,नाही मिळाल तर समजा आपली इच्छा एवढी स्वस्त नव्हती थोडी महाग होती.पुढच्या वेळेस चारण आठन्या ऐवजी रुपया टाका बघा काय होतंय ते, अन सांगा आम्हाला.आम्ही पण ठरवू नवस करायचा कि न्हायी.

एखादा नवस (येथे चांगला व सात्विक नवस अभिप्रेत आहे) केला की तो करे पर्यन्त आपला अॅटीट्यूड तेवढ्या पुरता पोझीटिव्ह आपोआप होतो. नवस पुरे करण्यात आपल्याला काहीतरी चांगली सवय सुद्धा चुकून लागू शकते - लवकर उठणे ....

आपले मानसिक बळ वाढते.

ही सगळी आपले जिवन मॅनेज करायची आपआपली सॉफ्टस्किल्स आहेत.

तुम्ही नवस बोला/करा आणि काय घडते ते आम्हाला सांगा .

विश्वास महत्वाचा आहे.

पावेल कि नाहि ते महत्वाचे नाहि.

देवाचे अस्तित्व नाकारु शकत नाहि कोनि....

आपन तर ब्वा मान्तो देवाला.

देवळाचा धंदा म्हटल्यावर आठवण झाली...
ठाण्यात इस्टर्न एक्स्प्रेस हायवेवर शरणम हॉटेलच्या समोर असलेलं देऊळ बर्‍याच जणांना ठाऊक असेल. काही वर्षापर्यंत (म्हणजे तरी १० - १२ वर्षं झाली असतील) तिथला देव कुठल्याही दुर्लक्षीत गटासारखा आपल्या छोट्या देवळात एकटा आरामात राहात होता. तिथे कोणी कचरा टाकू नये म्हणून त्याची तिथे नेमणूक झाली असावी (कारण फार पूर्वी सर्विस रोड व्हायच्या आधी तिथे गटाराचं आणि घाणीचं साम्राज्य होतं). पण आता पहा ! तिथे सगळ्या देवांचं गेट-टुगेदर असल्यासारखं वाटतं. कोणता देव पाहिजे तो बोला. त्यातून हायवेने जाणारा प्रत्येक ट्रकवाले आणि गाडीवाले तिथे थांबून देवांना दर्शन देऊन जातात. त्यामुळे सध्या एखादा जुना वाडा पाडून बिल्डिंग बांधणार्‍या जुन्या घरमालकांसारखा त्या देवळाचा भाव वधारलाय! मागच्या वर्षी तिथून जाताना हीss भली मोठी रांग बघून आधी तर मला तिथे बस स्टॉप आहे की काय अशीच शंका आली. (पण लोकं नीट पद्धतशीरपणे लायनीत उभी होती म्हणजे बसस्टॉप नसावा हे लगेच लक्षात आलं.) नंतर तिथल्याच एका जुन्या रहिवाशाने त्या देवळचा इतिहास भूगोल सांगितला. अर्थात देवळाच्या परिसरातले बॅनर बघितले तर त्या देवाचा गॉडफादर कोण हे लगेच समजून येईलच. असो, पूर्वी एकेकाळी संध्याकाळच्या निरांजनाला महाग असणार्‍या त्या देवळाचं अस्तित्व सद्ध्या दर सणावारी तर येथेच्छ जाणवतं. त्या देवाने कोणाला नवस बोलला होता कोणास ठाऊक!

मागच्या वेळी लाल बागच्या राजाला एकदा गेलो होतो,तिथे भली मोठी रांग होती,कोण कुठुन येतो हे सांगणे देखील महाकठीण.
मी जेव्हा बाप्पाच्या समोर आलो तेव्हा मला तिथे एक भला मोठा हार दिसला...सोन्याचा होता.तैवान बेस्ड स्वीस कंपनी अशी नावे त्याच्या लेबलावर दिसत होती.
मला जितके माहित आहे त्यानुसार लालबागचा गणपती नवसाला पावणारा म्हणुन प्रसिद्ध आहे.
असो...
बाकी नेहमी प्रमाणेच म्हटतो... चालुद्या ! ;)