एकात एक...

ग
गवि यांनी
 ·  लेख
लेख
भात लावायचाच ना भांड्यात.. मूठभर डाळ त्यातच टाकू.. होऊन जाईल एकात एक.. भेकरटाप्रमाणे चहाच्या कपावर धरलेलं ओलंगिच्च बिस्कीट.. लपलपत पत्तकन चहात पडण्याची वाट पाहताना पुन्हा चटका मिळणार म्हणून शहारलेलं.. ते पडल्यानंतरही इकडे पेपरात रुतलेली बुबुळं तिथेच भिरभिरत राहतात.. चहासोबत पेपरही संपवू.. होऊन जाईल एकात एक.. आईची एकसष्ट पूर्ण झाली.. विधीबिधीवर विश्वास नाही पण सगळ्यांना बोलवायला हवंय एकदा....गेट टुगेदर.. रविवार बघून एकदाच एकत्र..बाहेरच कुठेतरी थाळी घालू सगळ्यांना..थाळी म्हणजे फिक्स बिल.. नव्या फ्लॅटची पार्टी, गाडीचीही मागताहेत साले कधीचे... आणि एकसष्टीपण.. होऊन जाईल एकात एक.. बायकोसोबत एरवी एकांत कुठला मिळायला... गणपतिपुळ्याला जाऊ.. समुद्राकाठी रिसॉर्ट...व्हरांड्यात बियरमधून दिसणारा सोनेरी समुद्र..अन डोळ्यांना थंडावा.. दगदगीतून अनवाईंड व्हायला हवं...स्वतःला शोधायला हवं.. ....देऊळही आहे.. जोडीने दर्शनही करु.. होऊन जाईल एकात एक.. पैसा.. बायकोपोरं..कामधंदा..मरातब.... लाँग ड्राईव्हज, वीकेंड गेटवेज.. पॉवर पॉईंट अन कॉन्फरन्सेस.. वर्क लाईफ बॅलन्स.. इंटरपर्सनल इफेक्टिव्हनेस.. आर्ट ऑफ लिव्हिंग... प्लेझर ऑफ गिव्हिंग.. आहारनियंत्रण.. योगासनं.. डूईंग डिफरंट थिंग्ज...आणि डूईंग थिंग्ज डिफरंटली.. उपवास आणि श्वासोच्छवास.. या सर्वांच्या गजबजाटात जगणंही उरकू ...हसत हसत.. लाफ्टर थेरपी.. होऊन जाईल.. एकात एक..
वर्गीकरण
लेखनविषय (Tags)
मुक्तक
जीवनमान
राहणी
भूगोल
लेखनप्रकार (Writing Type)
प्रकटन
विचार
प्रतिसाद
आस्वाद
15098 वाचन
💬 प्रतिसाद (61)

प्रतिक्रिया

मी-सौरभ
Wed, 03/07/2012 - 18:09 नवीन
मस्त जमलयं (नेहमीप्रमाणे) :) (एकात अजून एक असावा असे दिसणार्‍या गविंचा पंखा)

सांजसंध्या
Wed, 03/07/2012 - 18:16 नवीन
छानच :)

तिमा
गुरुवार, 03/08/2012 - 12:03 नवीन
असेच म्हणतो, छान गवि टच!
↩ प्रतिसाद: प्रदीप

चिमी
Wed, 03/07/2012 - 18:24 नवीन
मस्तच तुमच्या पंख्यांमधे अजुन एक -चिमी :-)

प्रास
Wed, 03/07/2012 - 18:43 नवीन
मस्त लिहिलयस रे!
पैसा.. बायकोपोरं..कामधंदा..मरातब.... लाँग ड्राईव्हज, वीकेंड गेटवेज.. पॉवर पॉईंट अन कॉन्फरन्सेस.. वर्क लाईफ बॅलन्स.. इंटरपर्सनल इफेक्टिव्हनेस.. आर्ट ऑफ लिव्हिंग... प्लेझर ऑफ गिव्हिंग.. आहारनियंत्रण.. योगासनं.. डूईंग डिफरंट थिंग्ज...आणि डूईंग थिंग्ज डिफरंटली.. उपवास आणि श्वासोच्छवास.. या सर्वांच्या गजबजाटात जगणंही उरकू ...हसत हसत.. लाफ्टर थेरपी..
हे तर मनाला जास्त भिडलं. "बाकी होऊन जाईल... एकात एक" हे जर धृवपद मानलं तर एकूण लिखाणाचा बाज या गाण्यासारखा वाटतोय - * काय बोल्तो? ;-)

इरसाल
Wed, 03/07/2012 - 18:44 नवीन
सुंदर आणी सुरेख..............

अन्या दातार
Wed, 03/07/2012 - 18:55 नवीन
कॅमेरा असलेलाच मोबाईल घेऊ दुसरा कॅमेरा घ्यायची गरज नाही. होऊन जाईल एकात एक या सगळ्या एकात एक करता येणार्‍या गोष्टींना मिपा किंवा तत्सम मराठी संस्थळे अपवाद असावीत. कुठेही प्रतिसाद व लेख एकात एक आढळणार नाहीत

सोत्रि
Wed, 03/07/2012 - 18:59 नवीन
गवि रॉक्स! - (जगणं उरकणारा) सोकाजी

तर्री
Wed, 03/07/2012 - 19:03 नवीन
गवि घरण्याला साजेसे लेखन. कविता करित होतोत की लेख ? जमले आहेच एकात एक .

अमितसांगली
Wed, 03/07/2012 - 19:08 नवीन
लय भारी...आवडल सगळ एकात एक

धन्या
Wed, 03/07/2012 - 19:38 नवीन
मस्त...
डूईंग डिफरंट थिंग्ज...आणि डूईंग थिंग्ज डिफरंटली..
आताच फुड कोर्टमधलं अक्षरधाराचं पुस्तक प्रदर्शन पाहून आलो. ढीगांनी दिसली अशी पुस्तकं. :)

मिसळ
गुरुवार, 03/08/2012 - 01:03 नवीन
थोड्या शब्दात बरच काहि सांगून जाणारं!

नंदन
गुरुवार, 03/08/2012 - 01:31 नवीन
नेहमीप्रमाणेच अप्रतिम. मोजके, थेट शब्द; नेमकी वाक्यं. (या स्फुटावर कोणी '+१' असा प्रतिसाद दिला, तर तो काव्यगत न्याय म्हणावा लागेल :))

पैसा
गुरुवार, 03/08/2012 - 08:01 नवीन
+१ झालं एकात एक!! ;)
↩ प्रतिसाद: नंदन

पप्पु अंकल
गुरुवार, 03/08/2012 - 08:11 नवीन
तुम्ही लिहीत रहा आम्ही वाचतोय नव्हे आवडीने वाचतोय……

नगरीनिरंजन
गुरुवार, 03/08/2012 - 08:31 नवीन
कमीतकमी शब्दांत बरोबर नस पकडण्याची हातोटी विलक्षण आहे! आवडले. या एकात एकच्या मागे सतत पैसा वाचवणे हा उद्देश असतो का? भरभरून जगण्याऐवजी आपण सतत कॅल्क्युलेटीव्ह का असतो वगैरे. बरेच दिवस हा विषय छळत होताच.

वपाडाव
गुरुवार, 03/08/2012 - 14:42 नवीन
या एकात एकच्या मागे सतत पैसा वाचवणे हा उद्देश असतो का?
ननि, पैश्यासोबतच वेळही वाचत असावा म्हणुन कदाचित...
भरभरून जगण्याऐवजी आपण सतत कॅल्क्युलेटीव्ह का असतो वगैरे
सहमत...
↩ प्रतिसाद: नगरीनिरंजन

कापूसकोन्ड्या
Fri, 03/09/2012 - 19:08 नवीन
हो ना पैसा वाचतो नी वेळ ही ! होउन जाउन द्या एकात एक !
↩ प्रतिसाद: वपाडाव

सहज
गुरुवार, 03/08/2012 - 08:44 नवीन
फारच सुंदर कविता गवि!! फारएन्डची क्रांती, चिगोची ईशान्य फॅक्ट फाईल, विमुक्ताचे पुनरागमन, मितानतैंच्या महत्त्वाच्या विषयावर सुरु झालेल्या लेखांची सुरवात, मिपाकर बंदा-खुर्दांना सगळ्यांनाच दंडवत , क्या बात क्या बात क्या बात, ग्रँड सॅल्युट द्यायचा होता. होउन जाउ दे एकात एक! सहज चक्रवर्ती डान्स मिपा डान्स!

सर्वसाक्षी
गुरुवार, 03/08/2012 - 10:06 नवीन
एकिकरण आवडल

किसन शिंदे
गुरुवार, 03/08/2012 - 10:09 नवीन
तुमचं कोणतंही लेखन असो, आपल्याला तर जाम आवडतं ब्वा.

sneharani
गुरुवार, 03/08/2012 - 11:04 नवीन
मस्त लिहलय!! :)

फारएन्ड
गुरुवार, 03/08/2012 - 12:39 नवीन
त्या "म्हणून" प्रमाणेच ही ही आवडली. तेथेही कोणीतरी लिहीले होते त्याप्रमाणे कमी शब्दात जबरी इफेक्ट!

गवि
गुरुवार, 03/08/2012 - 14:19 नवीन
खूप दिवस आपलं चर्चेचं गुर्‍हाळ चाललंय.. शनिवार-शुक्रवार-रविवार..कधी ना कधी भेटू.. पण आलीच नाही वेळ अजून.. बोलायचंय बसून याची खात्री बाळगा.. आता असं करा ना... काढा एखादं काम माझ्या गावी...मग त्यानंतर बसू रात्री.. कामही होईल..बसणंही होईल.. होऊन जाईल एकात एक.. :)
↩ प्रतिसाद: विजुभाऊ

विजुभाऊ
गुरुवार, 03/08/2012 - 14:27 नवीन
जिंदगी मै तुमसे कभी रूबरू मिलना चाहता था. तुम राह देखती रही... मै अपना आशियां बसाता रहा. जिंदगी जीने केलीये होती है ये भूल गया जीने की तैय्यारीयो मे सारी जिंदगी बीत गयी
↩ प्रतिसाद: गवि

विजुभाऊ
गुरुवार, 03/08/2012 - 14:27 नवीन
जिंदगी मै तुमसे कभी रूबरू मिलना चाहता था. तुम राह देखती रही... मै अपना आशियां बसाता रहा. जिंदगी जीने केलीये होती है ये भूल गया जीने की तैय्यारीयो मे सारी जिंदगी बीत गयी
↩ प्रतिसाद: गवि

स्मिता.
गुरुवार, 03/08/2012 - 14:21 नवीन
छान लिहिलंय. आजकाल सगळ्याच गोष्टी जेवध्या एकात एक होतिल तेवढ्या करयाची सवयच लागलीये.

कपिलमुनी
गुरुवार, 03/08/2012 - 14:35 नवीन
तुमच्या प्रतिभा ज्या सहजतेने विहारत गगनी पोचली आहे ते बघुन गगन विहारी या नावाची आठवण झाली ..

मराठमोळा
गुरुवार, 03/08/2012 - 16:20 नवीन
मुक्तक आवडलं.. मध्यम वर्गीयांच्या ठराविक रक्कम महिन्याकाठी मिळणार्‍या चौकटीतल्या आयुष्यात असेच प्रसंग वारंवार येत राहतात. (आता एकात एक करुन मध्यम वर्गीय कोन यावर दंगा झाला नाही म्हणजे मिळवली ;) )

चौकटराजा
गुरुवार, 03/08/2012 - 16:32 नवीन
गवि नि कवि हे ही एकात एकच आहे की ! विधाता कोब्रा असला पाहिजे त्याने एकाच माणसात दोन वल्ली निर्माण करून म्हटले पृथ्वीवर झाली गर्दी माणसांची ना पार्कींगला जागा घाई वहाने उचलण्याची गवि नावाचा लेखक निर्मावा त्याच वेळी कविला त्यात सामावावा म्हणजे साधले की नाही एकात एक ??