अवघे जग माझ्या विठ्ठलाचे झाले !

'विठ्ठल, विठ्ठल' - स्वर कानी आले
दर्शनास मोहित, मन माझे झाले !

पंढरीची वाट धरता मी थेट
वारकरी माझे आप्तजन झाले !

चंद्रभागी स्नान, देता अर्घ्यदान
पापाचे क्षालन देहाचे या झाले !

कामात विठ्ठल - नामात विठ्ठल
ध्यानात विठ्ठल - अती भ्रम झाले !

टाळ चिपळ्यात गुंतले दो कर
मनी नामस्मरण माऊलीचे झाले !

माझा तो विठ्ठल - त्याचा हा विठ्ठल
अवघे जग माझ्या विठ्ठलाचे झाले !