'नवी मुंबई' दर्शन

नवी मुंबई दर्शन - आधुनिक शतकातील सुनियोजीत शहर म्हणुन उदयास येत असलेली 'नवी मुंबई '. जुन्या मुंबईतील अनेक प्रेक्षणीय ठिकानांना आपण नेहमीच भेट देतो. मात्र नवी मुंबईतील ठिकाणे आपल्याला फारशी माहित नाहीत. यातील काही ठिकाणांची चित्रमय माहिती. ------------------------------------------------------------------------ मुंबईहुन नवी मुंबईत यायचे झाल्यास सायन - पनवेल महामार्गावरुन , मानखुर्द नंतर येणारा खाडी पुल ओलांडुन आपण नवी मुंबईच्या आर्थिक राजधानी 'वाशीत' प्रवेश करतो ( तस मुलुंड - ऐरोली खाडीपुलावरुन ही नवी मुंबईत येता येते. अहो ! हो ! तोच तो ' कहो ना प्यार हे 'मधला पुल जेथे पहिल्या हॄतिक रोशना जलसमाधी मिळते. ) ------------------------------------------------------------------------- वाशी रेल्वे स्टेशन - आधुनिक रेल्वे स्थानक. दोन्ही बाजुला प्लॅटफॉर्म हे नवी मुंबईतील सर्व स्टेशानांचे वैशिष्ठ. तसेच मुंबईतील अन्य स्टेशनांपेक्षा स्वच्छ स्टेशन्स आहेत. ( प्लॅटफॉर्म वर हॉटेल नसल्याने) . नवी मुंबई महानगर पालिकेची स्वतःची परिवहनसेवा अजुनही बाल्यावस्थेतच आहे. ( एकाच ठिकाणी जाणार्‍या एन एन एम टी . आणि बेस्ट च्या एक्दम बसेस आल्या तर लोक बेस्ट ला प्राधान्य देतात. तरी पी.म्.टी पेक्षा सर्वीस बरी आहे ) ------------------------------------------------------------------------ वाशी -बेलापुर पाम बिच मार्ग - मरिन ड्राईव्ह ऑफ नवी मुंबई असे ज्याचे वर्णन करता येईल तो हा पाम बिच मार्ग. दुर्दैवाने वहान चालकांच्या बेजबाबदार वृत्तीमुळे अपघाताचे प्रमाण खुप आहे. एका बाजुला उंचच्या उंच टॉवर्स आणी दुसर्‍या बाजुला तिवराची जंगले असे येथील द्रुश्य असते. --------------------------------------------------------------------- डी. वाय. पाटिल स्टेडिअम- नेरुळ मधे असलेले हे स्टेडिअम सायन -पनवेल हायवेला लागुनच आहे आय.पी.ल मॅचेस मुळे माहित झालेले हे एक नवीन स्टेडिअम . धावपट्टी करण्यासाठी खास अफ्रिकेतुन माती आणली होती. ------------------------------------------------------------------------ नेरुळचे बालाजी मंदीर : तिरुपती बालाजी संस्थानाचे हे एक प्रसिध्द झालेले मंदिर. नेरुळ स्टेशनापासुन अगदी जवळ आहे. थोड्या उंचावर असणार्‍या या मंदिरातुन अजुबाजुचा परिसर छान दिसतो. ------------------------------------------------------------------------ पारसिक हिल बेलापुर - डोंगराच्या कुशीत वसलेले बेलापुर/ कोकण भवन / सि. बी.डी. या सर्व नावानी ओळखळे जाते. महानगरपालिका, कोकण रेले, सिडको, रायगड भवन इ अनेक प्रशासकीय ऑफिसेस येथे आहेत. बेलापुर किल्ला, पार्सिक हिल ही प्रसिध्द ठिकाणे. पार्सिक हिल वरुन दिसणारे खाडीचे द्रुश्य. -------------------------------------------------------------------------- खारघर - नवी मुंबईतील सगळ्यात सुनियोजीत शहर. स्वच्छ , रुंद रस्ते, टोलेजंग इमारती निसर्गाचे सानिध्य हे येथिल वैशिष्ठ. उत्सव चौक, शिल्प चौक, पांडवकडा ही येथील काही प्रसिध्द पावत असलेली ठिकाणे. नवी मुंबईचा होणारा विमानतळ येथुन जवळच होत असल्याने जागेचे भाव गगनाला भिडलेले आहेत. खारघर शिल्प चौक उत्सव चौक पांडव कडा मुंबई पेक्षा जरा थोडासा निवांतपणा , निसर्गाचे सानिध्य, मोठे रस्ते, कमी वाहतुक कोंडी यामुळे या भागात येणार्‍यांची संख्या वाढु लागली आहे ( आणी महत्त्वाची गोष्ट म्हणजे मराठी टक्का ही जाणवण्याइतपत चांगला आहे ). तेंव्हा आता अगामी काळात मुंबई बरोबरच नवी मुबई दर्शन ही येणार्‍या पाहुण्यांसाठी आवश्यक गोष्ट ठरणार आहे.