जत्रा-१

गाडीतून उतरल्यावर आल्प्स ची थंडी जाणवायला लागलीच.गरम गरम टोमॅटो सूपचा आस्वाद घेत आमच्या गप्पा सुरू झाल्या. सजवलेल्या घोडागाडीतून बिअरची पिंपे वाजतगाजत मिरवणूकीतून आणली जातात. मिरवणूकी मध्ये पारंपारिक बायरीश कपडे घालून लोक नाचत,गात असतात. एकच जल्लोश होतो!मग तंबूराहुट्यांमधून बायरीश गाणी सुरू होतात, सोनेरी जाम रिकामे व्हायला सुरूवात होते. क्या बात है! स्वाती, तुझं प्रवासविश्व खरंच खूप समृद्ध आहे! वाचायला नेहमीप्रमाणेच मजा आली. नेहमीप्रमाणेच चित्रेही सुरेख...! अवांतर - दिनेशरावांना नमस्कार! भारतात येणार आहेस तेव्हा येताना बार्सिलोनाहून माझ्याकरता न विसरता केशर आण आणि ड्युटीफ्री मधून ग्लेनफिडिचची बाटली आण! केशराचे पैसे मिळतील, ग्लेनचे मिळणार नाहीत! बियरचं एवढं वर्णन वाचायला लावलंस पण आम्हाला बियर मिळालीच नाही त्याकरता तुला ग्लेनफिडिचची शिक्षा!:) हलके वगैरे घेऊ नकोस हो! आय ऍम सिरियस! :)) असो, जत्रा - २ ची वाट पाहात आहे.. आपला, (बार्सिलोनाच्या केशराचा दिवाना असलेला शाळूसोबती!) तात्या.

या पेयश्रेष्ठाचा महिमा गावा तितका कमीच.

वा! बीअरच्या 'तीर्थ'जत्रेची सुरुवात झकास झालीय. जर्मनीतला ऑक्टोबरफेस्ट म्हणजे तर कुंभमेळ्यासारखाच :) Beer is proof that God loves us and wants us to be happy हे वाक्य आठवलं. नंदन (मराठी साहित्यविषयक अनुदिनी http://marathisahitya.blogspot.com/)

ऑक्टोबर फेस्ट हा १८१० साली सुरू झाला, म्हणजे इतका जुना असूनही त्याला नेहमीच्या उत्सवासारखे धार्मीक अधिष्ठान वगैरे नव्हते तर धमाल / पार्टी म्हणता येईल असा होता हे ह्याचे वेगळे वैशिष्ट्य!! :-) बव्हेरीया प्रांतातील पारंपारिक पोशाख, बव्हेरीयाचे (प्रांतीय रंग??) पांढरे व निळे रंग. आठवण म्हणून असाही फोटो काढता येतो. :-) इतके जड बीयर ग्लास रात्रभर वेगवेगळ्या टेबलवर लिलया ने-आण करणार्‍या देवींना प्रणाम!! हिच्या वाटेला जायचे येर्‍याबगाळ्याचे काम नव्हे! एका ठोश्यात निकाल लावेल इतकी मनगटात ताकद असते. :-) अजून एक सांगण्यासारखी गोष्ट म्हणजे जगभर जिथे जिथे ही साऊथ जर्मन मंडळी आहेत, तिथे तिथे ती हा "ऑक्टोबर फेस्ट"सण मोठ्या भक्तीभावाने साजरा करतात. :-) ह्या "वारी"(सोहळ्या) च्या कृपेमूळेच, माझी बायको मला "कौतुकाने-प्रेमाने" अधून मधून "बीयर-स्प्राईट" भरून आणून देते म्हणून हा उत्सव मला अजूनच प्रिय!!!

ऍनहायजर बुश हा मुळचा जर्मन असला तरी जर्मन बियर समोर अमेरिकन बडवायजर अगदीच पानचट वाटते. अमेरिकेत मिळणारी बेक्स प्रिमीयम ही जर्मन बियर मात्र मस्त आहे जर्मनीमध्ये पणे ही प्रसिद्ध आहे का?

अगदी हेनिकेन आणि बडवायजरची तुलना केली तरी रावसाहेबांच्या शब्दात तंदूर चिकन आणि उकडलेले रताळे असे म्हणावे लागेल. किंगफिशर सुध्दा चांगली असते. हा... गेले ते दिन गेले. (व्यसनमुक्त) आजानुकर्ण

लेख आणि छायाचित्रे मस्तच आहे. का कुणास ठाऊक पण तुमच्या वर्णन शैलीमुळे आम्ही तुमच्या सह वर्तमान तिथे उपस्थित(त्या वासाचा मात्र त्रास झाला हो) आहोत असे सारखे वाटते. हे तुमच्या लेखनशैलीचे(शैला चे नव्हे बरं का!)वैशिष्ठ्य आहे. बाकी हे परदेशी लोक कसले कसले उत्सव साजरे करतील ह्याचा काही नेम नाही. पण करतात ते अगदी 'जंक्शन' असते. पुढील भागाच्या प्रतिक्षेत (बारा महिने श्रावण पाळणारा)प्रमोद देव

वा मजा आला! काय वियरच्या नद्या हो ह्या! वा वा! मला घेऊन चला हो तिकडे कुणीतरी! किंवा इथेच बियर डे चालू केला तर कसे? "मास म्हणतात आणि मास म्हणजे १ लिटरचा जंबो जगच असतो " ज्योतिष्यात मास म्हणजे महिना! म्हणून किंवा बियर मंथ कसे वाटते? "महात्मा बियर डे" तात्या हे नाव कसं वाटते ? किंवा ''महात्मा सोम डे' पण चालेल... करा रे सुरू कुणी तरी... "फक्त म्युनशन मधल्याच ब्रुअरीजना या जत्रेत बिअरचे स्टॉल लावता येतात." क्या बात है! नशीब च्यायला तिथे भय्ये नाहीत नाही तर ते तिथेही आपली भट्टी लावून "इधरही का माल है ना बबबु" म्हणून चालू व्हायचे! असो, बव्हेरियाला राजाही होता ना? त्याचे काय झाले? की क्रांती मध्ये ते घराणेही नामषेश झाले? राजाचा उल्लेख उद्घाटन संदर्भात दिसला नाही म्हणून विचारतोय. आपला बियरपंत

लेख आवडला आणि छायाचित्रेही मस्तच आहे. आपण केलेल्या बिअरच्या वर्णनाने मात्र आमचा अस्वस्थपणा वाढला आहे ! :) एक लिटरचा बीअरचा जंबो जग तिथे आहे, पण त्याच्याबरोबर आम्हाला चखना म्हणून तिथे चिकनचे पीस मिळतील का ? :) प्रा.डॉ.दिलीप बिरुटे

स्वाती लेख आवडला. तुम्ही सर्वांनी धमाल केली असणार. असो. पोमीज्, वुर्ष्ट म्हणजे काय? राडलर(बिअर+ कोला/फँटा/स्प्राईटचे मिश्रण) ,आफेलशोर्ल (ऍपल ज्युस +सोडावॉटर) हे कळले (बाय द वे, यातील घटकांचे प्रमाण कसे असते? - म्हणूनच म्हटले की एक लेख पाककृतींवर लिहायचा विचार कर). मला या एकंदरीतच पाश्चात्य लोकांचे हे एक आवडते की प्रत्येक गोष्टीचे नामकरण करणे. शब्दसंपत्ती केवढी वाढत असेल. शोर्ल म्हणजे काय?

मित्रहो, आमच्याबरोबर जत्रेला आलात आणि जत्रा आवडली ,आवडते आहे हे सांगितलेत. अनेक धन्यवाद! जत्रा-२ मध्ये तुमच्या बर्‍याचशा प्रश्नांची उत्तरे आहेत, त्यामुळे इथे त्यांची पुनरुक्ती आणि रसभंग टाळते आणि लवकरच, जत्रेत पुढे काय काय केले ते मिपावर चढवते. स्वाती