✍ मराठी साहित्य, संस्कृती आणि लेखनाचे व्यासपीठ

फेसबुक आणि मास्लोची चढती भाजणी

शुचि यांनी
 ·  लेख
लेख
लेखनविषय (Tags)
समाज
जीवनमान
राहणी
लेखनप्रकार (Writing Type)
प्रकटन
विचार
अनुभव
नीलीमा चहाचा कप खाली ठेवत पुन्हा एकदा तोच प्रश्न विचारती झाली - "पण शुचि मला एक कळत नाही तुला जिम आहे, पुस्तकं आहेत,रुममेट आहेत मग फेसबुकची गरजच काय?" माझ्या प्रश्नार्थक चेहेर्‍याकडे पाहून ती उत्तरली "अगं म्हणजे "किलींग टाईम इज नॉट अ प्रॉब्लेम." यावर परत परत तक्रार काय करायची म्हणून मी अचूक भावनिक मुद्दा शोधू लागले - "हे बघ नीलू" मीदेखील चहाचा घुटका घेत म्हटले "प्रत्येक मित्र-मैत्रिणीचे माझ्या आयुष्यात काही एक स्थान आहे. काही जणांच्या कमेंट्स तर काही जणांनी टाकलेले व्हिडीओ तर काही जणांची विचारपूस मला ताजीतवानी करते, रोज नव्या दिवसाला सामोरी जायची उभारी देते. आणि यात मला तरी काही वावगं वाटत नाही." नीलू परत एकदा विचारमग्न चेहरा करत उत्तरली - "शुचि खरं सांग दिवसांतले किती तास तू फेसबुकवर पडीक असतेस? रात्री मधेच उठलीस तर तू फेसबुक रिफ्रेश करतेस असं तूच म्हणतेस मग हे बरोबर का?" नीलू न्यायाधीशी भूमिकेत शिरल्याने मीदेखील आता डिवचले गेले होते - "वेल तुझे म्हणणे खरे आहे. माझ्याकरता फेसबुक हे व्यसन होऊन बसले आहे पण त्यामागचं कारण तर समजाऊन घे" मी इरेला पेटून म्हटले "तुला मानवी गरजांची मास्लोची चढती भाजणी माहीतच असेल. पैकी तीसरी गरज आहे एखाद्या समूहाचा घटक बनणे/ नाळ जोडणे (कनेक्टेडनेस)/ प्रेम आणि मैत्री. तर चवथी गरज आहे स्वप्रतिष्ठा." नीलूने तिचा मोर्चा आता चहाकडून लाडवाकडे वळवला होता.लाडवाचा तुकडा मोडत ती म्हणाली - "बरं मग? मास्लोच्या चढत्या भाजणीचा इथे काय संबंध?" "नीलू संबंध आहे. जर फेसबुकमुळे मला एखाद्या गटाशी, माझ्या मित्रमैत्रिणींशी घट्ट वीण जोपासल्यासारखी वाटत असेल तर माझी तीसरी गरज पूर्ण होत नाही का? : ) शिवाय कोणी माझे फोटो, प्रतिक्रिया "लाईक" केल्या तर स्वप्रतिष्ठा, अहं सुखावण्याची चवथी गरजही पूर्ण होते." नीलू आता बारीच वैतागलेली दिसत होती. "शुचि तू ऑफीसात जातेस तेव्हा या गरजा पूर्ण नाही होऊ शकत का?" मी - "अगं कसं शक्य आहे? ऑफीसच्या आवारात एकदा प्रवेश केला की कोणी कोणाचा मित्र नसते अथवा शत्रू नसते. तेव्हा कनेक्टेडनेस, मैत्री या गरजा ऑफीसात कशा पूर्ण होतील ?" नीलू तिचाच मुद्दा पुढे दामटत म्हणाली - "शुचि फेसबुक हे भावनिक गरजा अप्रत्यक्षरीतीने पूर्ण करण्याचे साधन आहे/असावे याच्याशी मी तरी असहमत आहे. कारण हे म्हणजे तुम्ही एक समांतर आयुष्य जगू लागता असे मला दुर्दैवाने म्हणावे लागेल." नीलूने एव्हाना लाडू संपवला होता आणि मी देखील या न संपणार्‍या वादसत्राला कंटाळले होते. "बरं समांतर आयुष्य तर समांतर आयुष्य. एकटेपणापेक्षा ते बरे." म्हणून मी आमची भेट आवरती घेतली.
8892 वाचन
💬 प्रतिसाद (66)

प्रतिक्रिया

प्रभो
Wed, 08/31/2011 - 23:15 नवीन
फेसबूक कसे वापरावे यावर सहज रावांनी एक लेख लिहावा अशी मी विनंती करतो. :)

मुक्तसुनीत
Wed, 08/31/2011 - 23:23 नवीन
पुलित्झर पारितोषिकास पात्र प्रतिसाद. मी मिपा तर्फे या प्रतिसादाची शिफारस करतो :)
↩ प्रतिसाद: प्रभो

प्रभो
Wed, 08/31/2011 - 23:27 नवीन
मग काय? सहजराव हे चेपू वरचे अण्णा आहेत ;) स्वच्छ + कोरे करकरीत... * सहजमामा, ह घ्या हो...सुपारी द्याल माझी नाहीतर कुणालातरी :)
↩ प्रतिसाद: मुक्तसुनीत

बिपिन कार्यकर्ते
गुरुवार, 09/01/2011 - 01:34 नवीन
=)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) =)) अवांतरः यालाच अप अगेन्स्ट द वॉल असे म्हणत असावेत काय? ;)
↩ प्रतिसाद: मुक्तसुनीत

३_१४ विक्षिप्त अदिती
गुरुवार, 09/01/2011 - 04:08 नवीन
प्रभो, पाय कुठे आहेत रे तुझे? _/\_ चेपुवरचे अण्णा काय ... Image removed.Image removed.Image removed.Image removed. मला उगाच व्हर्जिनिटी इज नॉट ... ते आठवलं.
↩ प्रतिसाद: बिपिन कार्यकर्ते

सन्जोप राव
गुरुवार, 09/01/2011 - 16:36 नवीन
म्हणजे हे काय? बाकी मगरीप्रमाणे पाण्यातून उसळी मारुन काठावर मजा बघत उभ्या असलेल्या गरीब बिचार्‍या हरीणांना पाण्यात खेचण्याच्या कृतीचा निषेध! लोक वाचनमात्र आहेत ही श्री गणरायाची कृपा मानावी!
↩ प्रतिसाद: मुक्तसुनीत

पिवळा डांबिस
गुरुवार, 09/01/2011 - 04:57 नवीन
तरीच ती नीलू वैतागली!!! तुम्ही भाजणी, भाजणी म्हटल्यामुळे तिला वाटलं असेल की तुम्ही छान गरमागरम थालिपीठ वगैरे करून द्याल म्हणून!!!! तुम्ही दिलंच नाहीत, मग कोण नाही वैतागणार? :)
↩ प्रतिसाद: शुचि

शुचि
Fri, 09/02/2011 - 01:52 नवीन
आम्हाला तर बुवा "ओढा" हा नैसर्गिकच माहीत आहे. कृत्रिम ओढा माहीत नाही. मग ही द्विरुक्ती कशाला? ;)
↩ प्रतिसाद: पिवळा डांबिस