एका गांधीवाद्याच्या समर्थनार्थ?

इतर प्रतिक्रिया सविस्तर. हे देखील सध्याच्या प्रवाहाला अनुसरून लिहीण्याची पद्धत आहे का? पळा मारतंय आता. ;)

म्हणजे (शिक्षणाने डॉक्टर असणार्‍या पण) वैद्यकीय व्यवसायात नसणार्‍या लोकांनी उदा. बिनायक सेन, अभय बंग, श्रीराम लागू, मोहन आगाशे, सलील कुलकर्णी इ. डॉ. असं स्वतःला म्हणवू नये.

प्रस्तावातील प्रश्न : मिपावर परिवर्तनाचे वारे वाहू लागले आहेत? प्रतिसादातील उत्तर "थोडा फरक आहे, थोडा नाही." राजेश घासकडवी यांनी गेल्या दोन-तीन वर्षांतली काही परिवर्तने नमूद केली आहेत. त्याला जोड म्हणून मी हे नमूद केले आहे की जुने-जाणते पूर्वी तितक्या अटीतटीने एकमेकांच्या विरोधातले मुद्दे मांडत नसावेत. (म्हणजे थोडा फरक झाला.) हे वातकुक्कुट होणे नव्हे. विविध मतवाद्यांचे पूर्ण मतपरिवर्तन वगैरे झालेले नाही. (म्हणजे थोडा फरक नाही.) प्रस्तावातील प्रश्न : अहिंसेचे आणि उपोषणाचे महत्त्व लोकांना पटले आहे? मिसळपावावरील बर्‍याच चर्चांत उपोषणाचा उल्लेख सरकारवर दबाव आणण्याचे तंत्र, घटनात्मक लोकशाही वगैरे प्रक्रियेला ब्लॅकमेल करण्याचे तंत्र वगैरे, अशा प्रकारे वाद झालेले आहेत. याबाबतीत अण्णा हजारे प्रकरणात उपोषणासारख्या "घटनाबाह्य" दबावतंत्राचे समर्थन करण्यासाठी अभय बंग यांची मुलाखत दाखला म्हणून दिली गेली. माझा मुद्दा आहे, की "घटनाबाह्य वैयक्तिकरीत्या शांततामय दबावतंत्राचे" महत्त्व हे मिसळपावावरती अगदी हल्लीच, बिनायक सेन प्रकरणात सर्वमान्य नव्हते. अभय बंगांचे बिनायक सेन यांना समर्थन आहे, ही बाब लक्षणीय आहे. मिसळपावावरच्या मतभिन्नतेमध्ये उपोषणासारख्या घटनाबाह्य दबावतंत्राचे समजून आलेले महत्त्व हे तात्पुरते आहे, असे माझे स्पष्टीकरण आहे. प्रस्तावातील प्रश्न : आम्ही वातकुक्कुट बनलो आहोत? नाही. कुठल्या राजकीय गन्तव्यांना समर्थन देऊ याबाबत बहुतेक मिसळपाव सदस्यांचे मत स्थिर आहे. वैयक्तिक रीत्या शांततामय पण घटनाबाह्य उपाय त्या गन्तव्याच्या समर्थनात असले, तेव्हा त्यांचे महत्त्व समजून येणे, मात्र वैयक्तिक रीत्या शांततामय पण घटनाबाह्य उपाय त्यावेगळ्या गन्तव्याच्या समर्थनात असल्यास त्यांचा धोका समजणे : हे वातकुक्कुट नसून स्थैर्य आहे. प्रस्तावातील प्रश्न : की आणखी काहीतरी जे आम्हा पामरांच्या आकलन शक्तीपलिकडले आहे? हा प्रश्न अलंकारिक वाटतो, उत्तर अपेक्षित नसावे :-)

अहो उद्या कदाचित "दाऊदभाई जरा जपा" इतपत येतील धागे. म्हणजे काही पाठिंबा नव्हे ! :)