...

कुठे ते एके काळचे 'आजची खादाडी'सोबतच्या पुष्ट स्त्रिया आपल्या दमदार छातीवर लेवूनही त्यांच्या भाराने अजिबात न वाकणारे आमचे 'रीतीभातीचे' संकेतस्थळ अन कुठे हे आजकालचे उच्छृंखल बाजारू संकेतस्थळ. जगदंब जगदंब!!!

या धाग्यातली कविता आणि प्रतिसादातले अन्य लिखित विनोद मी मनापासून एंजॉय केले. कवितेमधे (काहीशा मिष्किलपणे) व्यक्त झालेल्या पुरुषप्रतिमेबद्दल मी प्रस्तुत कवितेच्या कर्तीच्या मतांशी सहमती व्यक्त करतो.

मात्र , जॉन अब्राहम आणि/किंवा इतर पुरुषविशेष यांची इथल्या धाग्यावर लावलेली अर्धनग्न चित्रे म्हणजे "आजची खादाडी" आणि इतर प्रसंगी इथल्या संकेतस्थळावर वेळोवेळी लावल्या गेलेल्या स्त्रियांच्या कमी अधिक कपड्यांमधल्या चित्रांना दिलेली दाद आहे असं समजायचं काय ?

प्रश्न व्यक्तींना, त्यांच्या शारिरीक अवयवांना वस्तुरुप देण्याचा आहे. आजवर "आजची खादाडी" टाईप स्त्रीदेहाला वस्तुरूप करणार्‍या प्रवृत्तींबरोबर माझी रुचिभिन्नता मी व्यक्त करत आलो. इथे डकवलेल्या चित्रांच्या संदर्भातसुद्धा ही रुचिभिन्नता व्यक्त करणे मी अपरिहार्य समजतो आणि त्याची इथे नोंद करतो.

माझ्यापुरतं बोलायचं तर मला कुणाही लिंगी व्यक्तीची तोकड्या कपड्यांमधली चित्रे आणि मुख्यम्हणजे त्यावर केलेल्या कमेंट्स हा प्रकार अत्युच्च अभिरुचीचा वाटत नाही.

From Untitled Album

ह्या विषयावर कविता अपेक्षित. कोण घेतोय पुढाकार?

असं कसं काय विचारू शकता तुम्ही? पुरूष म्हणजे काय निर्जीव वस्तू आहेत काय मिळायला? निर्जीव वस्तू मिळतात तर सजीव व्यक्ती भेटतात. असो, तुम्हाला असे पुरूष कुठे भेटतील किंवा मिळतील असा प्रश्न विचारावासा वाटला कारण तुमच्या कवितेत व्यक्त केलेल्या अपेक्षा पूर्ण करणारे पुरूष "इतिहासात दुर्मिळ होते वर्तमानातही थोडेथोडकेच आहेत" असं तुम्ही पुढे म्हणताय.

आता प्रौढ असणारे पुरूष हे स्त्रियांनीच घडविलेले आहेत. आम्ही लहान असताना आमचे बाबा चरितार्थाकरिता कार्यालयात नोकरीला जात. साधारण दहा तास तरी घराबाहेर असत. आम्ही जास्त काळ आईच्याच सहवासात असू. त्याचप्रमाणे शाळेत ही शिक्षकांपेक्षा शिक्षिकांचीच संख्या जास्त होती. साधारण हाच अनुभव अनेकांचा असतो की वयाच्या अठरापर्यंत व्यक्ती घडत असते आणि या घडण्याच्या काळात अवतीभवती असणार्‍या प्रौढ व्यक्तींपैकी पुरुषांपेक्षा स्त्रियाच (आई / आजी / काकू / शिक्षिका इत्यादी) जास्त असतात. असे असूनही स्त्रियांकडूनच घडविले गेलेले पुरूष स्त्रियांच्याच अपेक्षांप्रमाणे असत नाहीत ही आश्चर्याचीच गोष्ट आहे.

थॅंक गॉड माझा नवरा तुझ्यासारख्या स्वभावाचा नाहीय. अशा स्वभावाचा मुलगा मिळणे अतिशय अभिमानाचे ठरेल, पण असा नवरा मिळाला तर ते फारच त्रासदायक ठरणार."

तरीही या वरून योग्य तो बोध घेऊन तुम्ही आताच वय वर्षे पाच किंवा त्याहून कमी वयाच्या मुलग्यांना तुमच्या अपेक्षांप्रमाणे घडवू / वाढवू शकता. त्याकरिता तुम्ही शिक्षिका होणे अतिशय उत्तम. कारण तुम्ही जास्तीत जास्त मुलांना घडवू शकाल. म्हणजे निदान पुढे पंधरा वीस वर्षांनंतर तरी त्यावेळच्या महिलांना तरी असे पुरूष कुठे मिळतील? हा गहन प्रश्न पडायला नको.