नखरा नाही इतका बरा

नखरा नाही इतका बरा

वेडं होईल कुणीही तुझ्या डोईचा गजरा पाहून
नखरा नाही इतका बरा ठेव हातचं थोडं राखून ||धृ||

अगदी सकाळी इतकी सजली
नाही कसर तू ठेवली कसली
मोगर्‍याची फुले वेणीत माळली
सुगंधी मन माझे कसे ठेवू मी झाकून ||१||

कुणी रंभा म्हणू की अप्सरा स्वर्गाची
तूला बघताच होई तगमग जीवाची
दागदागीने घालून रस्त्याने चालली
मागे नको ग पाहू अशी मान वळवून ||२||

तुझ्या नजरेला माझी नजर भिडली
पिवळ्या केवडी रंगानं जादू केली
प्रित दोन जीवांची जुळू लागली
नको झुरवू आता दुर उभी राहून ||३||

- पाषाणभेद (दगडफोड्या)
२०/०५/२०११

काव्यरस

लेखनविषय:	प्रेमकाव्य कविता

वाचने 5795

प्रतिक्रिया 9

- (मोगराधारी) टारझन

दागदागीने घालून रस्त्याने चालली
मागे नको ग पाहू अशी मान वळवून ...

नको झुरवू आता दुर उभी राहून ....

चित्रगुप्त मंगळवार, 06/09/2011 17:11

वेडं होईल कुणीही तुझ्या डोईचा गजरा पाहून...

दागदागीने घालून रस्त्याने चालली
मागे नको ग पाहू अशी मान वळवून ...

नको झुरवू आता दुर उभी राहून ....

धन्या शनिवार, 10/09/2011 13:13

तिसरा फोटो पाहून अंमळ हळवा झालो.

ही अनुष्का नं? हिच्यावर पुर्वी खुप जणांचा जीव होता ;)

प्रतिक्रिया