पावसात भिजतांना

बरसणार्‍या मेघधारांना वार्‍यावर पेटतांना पहायचेय तिला एकदा या पावसात भिजतांना सरीवर सर कोसळून हे कृष्ण मेघ गडगडतांना पहायचेय तप्त धरेसह माझ्या मनास निवतांना रुसलेल्या गुलाबाच्या कळीला हलकेच उमलतांना पहायचेय क्षितिजावरील इंद्रधनुष्यातील सप्तरंगांना ग्रीष्माचा दिवस सारून श्रावणसांज अवतरतांना पहायचेय जाईवेलास फिरुनी तरुण होतांना ओलेत्याने तिला माझी कविता गुणगुणतांना पहायचेय मोहरून तो कोकीळकंठ पालवतांना पहायचेय तिला एकदा या पावसात भिजतांना पहायचेय तिने मला एकदा, मी तिला चिंबून पाहतांना |- मिसळलेला काव्यप्रेमी -| (२०/०४/२०११)

काव्यरस

शृंगार

शांतरस

लेखनविषय:	प्रेमकाव्य कविता

वाचने 2695

प्रतिक्रिया 14

प्रतिक्रिया

अरे

निनाद बुधवार, 20/04/2011 11:15

कसली ओलेती कविता आहे. पहायचेय तिला एकदा या पावसात भिजतांना पहायचेय तिने मला एकदा, मी तिला चिंबून पाहतांना चिंबून? कशा खाली चिंबून तिने पाहायला हवे आहे म्हणे? चिंबलेले म्हणजे दाबले गेलेले. तुम्ही तिला दाबून पाहत असतांना तिने तुम्हाला पाहावे असा अर्थ असेल तर मग योग्य आहे. चुंबुन असे म्हणायचे आहे का मिका?

कशा खाली चिंबून ??

मिसळलेला काव्यप्रेमी बुधवार, 20/04/2011 11:28

कशा खाली चिंबून ?? अहो पावसात चिंब होऊन असे म्हणायचे आहे!! तुम्ही तिंबून वाचले का? ;)

रीतसर प्रतिसाद खाली दिलेला

गणेशा बुधवार, 20/04/2011 20:02

रीतसर प्रतिसाद खाली दिलेला आहे अवांतर : पहायचेय तिने मला एकदा, मी तिला यातुन असा काहीच निट अर्थ कळेना .. पहायचेय तिने मला एकदा आणि परत मी तिला कळाले नाही.. अति अवांतर :

पहायचेय तिने मला एकदा, मी तिला चिंबून पाहतांना

चिंबुन हा शब्द गावाकडे चिंबलेला ह्या स्वरुपातच बोलतात .. म्हणजे आपारप्पी खेळताना कचकद्याचा बॉल चिबुन जायचा.. अश्या अर्थाने.. चिंबुन हा शब्द भिजुन सारखा नाहि उपयोगात येत .. पण ठिक आहे.. नाहितर मी तीला ओलीचिंब पहाताना कसे वाटते आहे ?