हा ध्वजाचा अपमान नाही का?

युयुत्सुंनी असला धागा काढुन राष्ट्रध्वजाचा अपमान केल्या आहे . आणि त्यांचे हे कृत्य पाहुन मला माईंदळ किळस आल्याने उंम्दळायला होतं आहे . ही किळस एवढी तीव्र आहे की आमच्या आजुबाजुच्यांना पण युयुत्सुंच्या कृत्याची किळस आल्या गेली आहे . काय समजायचे ते समजा. -किळुत्सु

या बहूतांश प्रतिसादातून ध्वनित होणारा संदेश म्हणजे या उन्मादात कुणी सिग्नल तोडला आणि एखाद्याचा जीव घेतला तरी त्याकडे दूर्लक्ष करायला पाहिजे. कारण सम आर मोअर इक्वल दॅन अदर्स!

जाऊ द्या की राव, असा कुठे काय राष्ट्रध्वजाचा अपमान होतो काय ? भावना समजुन घ्या की राव ... बाकी लोकांच्या राष्ट्रप्रेम आणि राष्ट्रध्वजाच्या सन्मान ह्याबाबतच्या भावना आणि त्यांचे प्रदर्शन दिवसेंदिवस दिखावु होत चालले आहे ह्याचा देख वाटतो. अवांतर : बाकी युयुस्तुराव काल सामना पहात असतील तर भारताच्या राष्ट्रगीताच्यावेळी जिथे असतील तिथे सन्मान देण्यासाठी 'सावधान' पोझमध्ये उभे राहिले असतील असे गृहीत धरतो. ;) - छोटा डॉन

additional: सोनिया गांधी रात्री दिल्लीत विजयजल्लोष करण्यासाठी गाडीवर उभ्या राहून रस्त्याने फिरत होत्या.त्यांनीही राष्टध्वज अंगावर लपेटल होता. अवमान झाला का हा तांत्रिक भाग,पण हे फक्त खेळाडूंनीच केले असे नव्हे.

नॅशनल फ्लॅगकोड, राष्ट्रध्वजसंहिता, याचा काटेकोर विचार केला तर तिथं जे घडलं तो राष्ट्रध्वजाचा अवमान ठरू शकतो. राष्ट्रध्वज या शब्दाचा ध्वजसंहितेनुसारचा अर्थ "Indian National Flag" includes any picture, painting, drawing or photograph, or other visible representation of the Indian National Flag, or of any part or parts thereof, made of any substance or represented on any substance इतका व्यापक आहे. यात कुठंही अधिकृत आकारमानाचा उल्लेख अपवाद म्हणूनही केलेला नाही. आकारमानासाठीची तरतूद तीनास दोन (ध्वजाची रुंदी तीन असेल तर उंची किंवा लांबी म्हणूया दोन असावी) अशा प्रमाणातील आहे. स्टेडियममध्ये काल खेळाडूंनी ध्वज स्वतःभोवती शालीसारखा गुंडाळला, हा ध्वजसंहितेनुसारचा अवमान आहे कारण, "using the Indian National Flag as a drapery in any form whatsoever except in state funerals or armed forces or other para-military forces funerals; or using the Indian National Flag as a portion of costume or uniform of any description or embroidering or printing it on cushions, handkerchiefs, napkins or any dress material" हा राष्ट्रध्वजाचा अवमान आहे. ही कायदेशीर स्थिती झाली. प्रश्न इतकाच - कोणाही खेळाडूचा राष्ट्रध्वजाचा अवमान करण्याचा हेतू होता का? ज्याने-त्याने या प्रश्नाचे आपापले उत्तर स्वतःलाच द्यावे. विषय संपतो. त्यापलीकडे कारवाई करावयाची असेल तर बीसीसीआयपासून सुरवात करण्याची तयारी करावी लागेल. महत्त्वाचा मुद्दा हा नाहीच. बीसीसीआय, त्यांचा संघ, त्याचे भारतीय संघ म्हणून होणारे कोडकौतूक, त्यासाठी त्यांना मिळणाऱ्या सवलती, करमाफी आणि त्या साऱ्याची खरी गरज किती हे मुद्दे अधिक महत्त्वाचे. त्याकडे लक्ष दिले पाहिजे. तिथं काही गोष्टी झाल्या पाहिजेत. भारतात इतर अनेक उद्योग आणि व्यापारांवर कर आहेत. या क्रिकेटनामक उद्योगात त्यांची माफी का? त्या माफीचा फायदा कोणाला खरोखर होतो? भारतात इतर खेळांना असा मान किती मिळतो? प्रोत्साहन म्हणून तरी? त्यांची काही प्रमाणबद्धता आहे का? जाताजाता - सचिनला भारतरत्न देता येणार नाही, असेही आपले नियम आहेत.

राष्ट्र गित गात असताना प्रत्येक खेळाडु समोर एक लहान मुलगा वा मुलगी उभि होति..त्याचे काय प्रयोजन? =====================================================

जाताजाता - सचिनला भारतरत्न देता येणार नाही, असेही आपले नियम आहेत. हे मात्र खरे. आदर्श ची उंची वाढवायला बिनदिक्कत परवानगी देणारे सरकार सचिनच्या जीम ला मात्र नुसती टेरेस वर छज्जा टाकायला परवानगी देत नाही. राजवर्धन राठोडने भारतासाठी ऑलिंपीक पदक मिळवल्यावर काहीना त्याने खांद्यावर घेतलेला भारतीय झेंडा हा ध्वजाचा अपमान वाटला होता. प्रत्येक जिल्हापरीषदेच्या इमारतीवर भारतीय झेंडा लावलेला असतो. त्या झेंड्यासमोर उभे राहून तंबाखूच्या पिचकार्‍या मारणे , ज्या इमारतीत तो झेंडा लावलेला आहे त्या इमारतीत बसून पैशे खाणे , त्या इमारतीतील स्वच्छतागृहे अक्षरशः घाणीची आगारे बनवणे हा भारतीय ध्वजाचा कोणता सन्मान करतात हे युयुत्सुनी दाखवून द्यावे.

सोनिया गांधी रात्री दिल्लीत विजयजल्लोष करण्यासाठी गाडीवर उभ्या राहून रस्त्याने फिरत होत्या.त्यांनीही राष्टध्वज अंगावर लपेटल होता. अवमान झाला का हा तांत्रिक भाग,पण हे फक्त खेळाडूंनीच केले असे नव्हे. ================ पण त्यांनी नाक नाहि पुसले ध्वजाने......धागाकर्त्याचा नाक पुसणे व घाम पुसणे हा कळीचा मुद्दा आहे

क्रिकेट समोर कुठे असल्या फुटकळ गोष्टींकडे लक्ष देता राव तुम्ही. विश्वचषक जिंकला आहे त्यांनी.

युयुत्सु, आता क्रिकेट हा 'सभ्य गृहस्थांचा खेळ' राहिला नसून भारतात तरी 'सामूहिक उन्माद' झाला आहे. तुम्ही कोणकोणत्या गोष्टींबद्दल खंत बाळगणार? भारत-पाकिस्तान मॅच म्हणजे जणू काही दोन देशांत युद्धच अशा पद्धतीने लोक वागत होते. बरं श्रीलंकेचे काही भारताशी वैर नाही. तरीपण मिडियासकट सगळे त्या सामन्याला 'लंकादहन' म्हणत होते. बघितले तर दोन देशांच्या संघामधला तो एक सामना, पण उपमा काय तर तो अख्खा देश जाळून टाकण्याची. 'लंकादहन' असा शब्दप्रयोग वाचून श्रीलंकेच्या लोकांना काय वाटेल, याचा विचारच कुणाच्या मनात येत नव्हता. आपला संघ कायम जेता नसतो. उद्या कुणी तरी आपल्यालाही हरवणार आहे. त्यावेळी त्या देशाच्या लोकांनी भारताबद्दल अत्यंत वाईट लिहिले तर ते ऐकण्याची तयारी आपण ठेवायला हवी. पायंडा आपण पाडला आहे. मला शाहिद आफ्रिदीचे कौतुक वाटले. पराभवानंतर पाकिस्तानला परतल्यावर तो आपल्या देशबांधवांना जाहीर म्हणाला, 'आपल्याकडे शादीचे रिवाज भारताप्रमाणे पाळले जातात, हिंदी चित्रपट मोठ्या आवडीने बघितले जातात, मग क्रिकेटचाच विषय आला की आपण इतके खुन्नसबाज का होतो? चुरशीची लढत म्हणून त्याकडे का बघत नाही?' श्रीलंकेचा कर्णधार संगकाराही अंतिम सामन्यानंतरच्या टिप्पणीत मनमोकळेपणाने म्हणाला, की पराभवाची अनेक कारणे देण्यापेक्षा मी इतकेच म्हणेन, की भारतीय संघाने आमच्यापेक्षा सरस कामगिरी केली.' जर खेळाडू इतक्या दिलदारपणाने सामन्यांकडे आणि प्रतिस्पर्ध्यांकडे पाहात असतील तर लोक का बेभान होतात? विश्वकरंडकाच्या आनंदापुढे ते झेंड्याच्या अपमानासारखे मुद्दे कुणी लक्षात घेणार नाही. लोकांना आता उत्सुकता असेल आयपीएल महोत्सवाची. क्रिकेटच्या या रंगारंग वातावरणात एक गोष्ट हळूच गालिच्याखाली सरकवली गेली आहे. ती म्हणजे राष्ट्रकुल क्रीडा स्पर्धेतील भ्रष्टाचार. लोकांना चर्चेसाठी नेहमी नवे मुद्दे पुरवले म्हणजे ते मागचे विसरुन जातात. कारण 'पब्लिक मेमरी इज व्हेरी शॉर्ट.' तेव्हा 'संत म्हणती उगी राहावे, जे जे होईल ते ते पाहावे'

चांगला विषय आहे. राष्ट्रध्वज-राष्ट्रगीता साठी संहिता आहे. ध्वज उलटा लावणे,ठराविक मापाचा नसणे, जमिनी पासून ठराविक उंचीवर फडकावणे, इ इ इ. ध्वजाला एक फडके समजून घाम पुसणे नक्कीच अवमानकारक ठरु शकेल. ध्वजाची अंतर्वस्त्रे बनवण्या इतका मुक्तपणा आपल्यात अजुन आला नाही हे सुदैव.

लेटर ऑफ द लॉ : बहुधा अपमान झाला असावा. स्पिरिट ऑफ द लॉ : त्या खेळाडूंचा घाम पुसताना राष्ट्रध्वजालाच कौतुकाने भरून आले असावे (अभिमानाने मान उंचावली असावी.) (स्पष्टीकरण : देशाला अभिमानास्पद कृत्य करणारे सगळेच खेळाडू इथे अध्याहृत आहेत. कोणत्याही खेळातले.)