Skip to main content

स्वसंपादन सुविधा परत दिल्याबद्दल मिसळपाव व्यवस्थापनाला जाहीर धन्यवाद.

लेखक राजेश घासकडवी यांनी रविवार, 27/02/2011 या दिवशी प्रकाशित केले.
आजच मी माझा नवीन लेख पुन्हा वाचून बघायला म्हणून उघडला तर अहो आश्चर्यम! लेखावर दोन टॅब दिसले. दृश्य आणि संपादन. माझा माझ्या डोळ्यावर विश्वासच बसेना. मी अधीरपणे संपादन टॅब उघडला. मला माझ्या लेखाची एचटीएमेल व्हर्जन दिसली. खात्री करून घेण्यासाठी मी एके ठिकाणी पूर्णविराम टाकला, व पुन्हा प्रकाशित केला. तर काय सांगू तो पूर्णविराम मला आपल्या बिंदूमय अस्तित्वाने संपादन यशस्वी झाल्याची हमी देत होता. माझ्या आनंदाला पारावार राहिला नाही. मिसळपाव व्यवस्थापनाने सदस्यांची इच्छा विचारात घेऊन ही सुविधा परत बहाल केल्याबद्दल व्यवस्थापनातील सर्वांचेच मनापासून जाहीर आभार मानतो. एखादी गोष्ट नसली, किंवा खटकली की तक्रार करणं सोपं असतं. पण एखादी हवी असलेली गोष्ट मिळाली की त्याबद्दल धन्यवाद देणं, आभार मानणं हेही तितक्याच तत्परतेने आणि जोषाने व्हायला हवं. सर्वांना ते करण्याची संधी मिळावी म्हणून हा लेखनप्रपंच. पुन्हा एकदा धन्यवाद.
लेखनविषय:
वाचने 4898
प्रतिक्रिया 33

प्रतिक्रिया

पंगा रविवार, 27/02/2011
ही सोय पुन्हा उपलब्ध झाली, हे खरेच चांगले झाले. लेखनावर प्राथमिक अधिकार (संपादनाचा अथवा प्रकाशनाचा) हा लेखकाचाच असावा, आणि संपादकीय हस्तक्षेप हा केवळ अनुचित लेखन नियंत्रित करण्यापुरताच असावा, हे योग्यच आहे. विशेषतः स्वतःच्या लेखनाचे स्वेच्छेने संपादन करण्यासाठी किंवा वाटल्यास तो अप्रकाशित करण्यासाठी लेखकास संपादनमंडळास तसदी द्यावी लागण्याचे कोणतेही लॉजिकल (मराठी? तार्किक?? तर्कशुद्ध??) कारण नजरेस येत नाही. या कारणास्तव, झालेला बदल हा स्वागतार्ह आहे. व्यवस्थापनाने ही सुविधा परत उपलब्ध करून देऊन अत्यंत स्तुत्य पाऊल उचलले आहे, याबद्दल अनुमोदन.

Nile रविवार, 27/02/2011
खात्री करून घेण्यासाठी मी एके ठिकाणी पूर्णविराम टाकला, व पुन्हा प्रकाशित केला. तर काय सांगू तो पूर्णविराम मला आपल्या बिंदूमय अस्तित्वाने संपादन यशस्वी झाल्याची हमी देत होता. माझ्या आनंदाला पारावार राहिला नाही.
__/\__ हे खास आवडले. ह्या विषयाला पुर्ण विराम दिल्याबद्दल व्यवस्थापनाचे जाहीर आभार!

नगरीनिरंजन रविवार, 27/02/2011
मी इथे आल्यापासूनच ही सोय नव्हती त्यामुळे त्याचं एवढं काही वैषम्यही नव्हतं. अजूनही ही सुविधा नाही मिळाली याचे वाईट वाटत नाहीय.

अरुण मनोहर रविवार, 27/02/2011
दिलेले धन्यवाद वापस मागत आहे. काय झाले असेल? खालील शक्यता वाटतात- -- फक्त व्यवस्थापनाच्या निवडक लोकांना ही सुविधा असेल -- किंवा तांत्रीक बिघाडामुळे काही काळ ते शक्य होते. असो, इट वॉज टू गुड टू बी ट्रु एनी वे. जे नव्हतेच, ते गेल्याचे दु:ख कसले? पटले नाही, तर सशाचे शिंग शोधत बसा.

बाबुराव रविवार, 27/02/2011
स्वयंसंपादनाची फॅशीलिटी मला काय मिलालेली न्हाय. बाय मिश्टेक तस्सं काही झालं असन. एवढी मोठी सोय द्याची म्हणल्यावर सरपंचानी तशी घोशना केली असती ना भावा. बाबुराव :)

अवलिया रविवार, 27/02/2011
ही सुविधा मला पण मिळालेली नाही. याचाच दुसरा अर्थ घासकडवी हे संपादक आहेत. छुपे संपादक असे बाहेर येतात बघा !! किंवा संपादक झाले आहेत... अभिनंदन !! :)

चिंतामणी रविवार, 27/02/2011
बादशहाने बिरबलाला विचारले की दिल्लीत आंधळे किती? या प्रश्णाचे उत्तर शोधण्यासाठी बिरबल एका गजबजलेल्या चौकात बाज घेउन बसला. त्याने ती विणायला सुरवात केली. येणार जाणारे विचारायला लागले "हे काय करीत आहात आपण?" असे विचारणा-यांचे नाव आंधळ्यांच्या यादीत टाकले आणि आणि "आज आपण बाज विणायला का बसला आहात?" असे विचारणा-यांच्या यादीत टाकले. ;)

राजेश घासकडवी रविवार, 27/02/2011
मला या लेखावर ते टॅब दिसत नाही. दुसऱ्या लेखावर दिसतात... हे काय आहे तरी काय गौडबंगाल. कदाचित धन्यवाद देण्यात मी घाई केली असावी.

राजेश घासकडवी रविवार, 27/02/2011
क्रिकेट विषयावर लिहिलेल्या लेखांमध्ये ते टॅब दिसताहेत. लोकहो, स्वसंपादन सुविधा फक्त क्रिकेट विभागात लेखन करण्यासाठी आहे. तिचा लुफ्त लुटा. चूक कोणाची हे आपण नंतर पाहू.

प्रियाली रविवार, 27/02/2011
ग्रेट! यापुढे सर्व लेख, चर्चा, कथा, कविता क्रिकेट विभागात टाकाव्यात. कल्जी मिटली. ;)

प्रियाली रविवार, 27/02/2011
सत्ताधार्‍यांवर विनोद निर्मिती करण्याचा क्षीण प्रयत्न. ;) कदाचित या विनोदनिर्मितीला टरकून सत्ताधारी पक्ष तशी सोय देईलही.

राजेश घासकडवी रविवार, 27/02/2011
छे छे, मी कसला असा अनुशासनविरोधी विनोद करणार? मी आपला 'राजा चांगला आहे, मला टोपी दिली' असं म्हणत होतो. :)

प्रियाली रविवार, 27/02/2011
मी आपला 'राजा चांगला आहे, मला टोपी दिली' असं म्हणत होतो.
नाही हो. तुम्ही 'राजा चांगला आहे, त्याने सर्व प्रजेला टोप्या दिल्या' अशी दवंडी पिटलीत. ;)

राजेश घासकडवी रविवार, 27/02/2011
फक्त त्या घालून क्रिकेटच्या स्टेडियममध्ये बसावं अशी अट दिसते. ती फाईन प्रिंट वाचली नव्हती.

चिंतामणी रविवार, 27/02/2011
स्वसंपादन सुविधा परत दिल्याबद्दल मिसळपाव व्यवस्थापनाला जाहीर धन्यवाद. मला या लेखावर ते टॅब दिसत नाही. दुसऱ्या लेखावर दिसतात... क्रिकेट विषयावर लिहिलेल्या लेखांमध्ये ते टॅब दिसताहेत. इथे सकाळचे ९ वाजले आहेत. संयुक्त संस्थानात आत्ता किती वाजले आहेत????? :-/

कानडाऊ योगेशु रविवार, 27/02/2011
मला या लेखावर ते टॅब दिसत नाही. दुसऱ्या लेखावर दिसतात... हे काय आहे तरी काय गौडबंगाल. कदाचित धन्यवाद देण्यात मी घाई केली असावी.
ह्यालाच म्हणत असावेत... गाढवही गेले आणि ब्रम्हचर्यही.! :) ह.घ्या.

चिंतामणी सोमवार, 28/02/2011
तुझा कुठला धागा तु आत्ता संपादीत केलास????????? लिंक देणार का? (हाच पोस्ट "प्रीत-मोहर "सुध्दा लागू आहे. उत्तर द्यावे.)

स्पंदना सोमवार, 28/02/2011
निलाकांत धन्यवाद. बर्‍याच दा काही छोट्या छोट्या गोष्टी गडबडीत राहुन जातात अन मग लेख टाकल्यावर त्या स्वतःलाच बोचणी लावत रहातात. मी आत्ताच माझ्या लेखावर हा टॅब पाहिला. मनापासुन धन्यवाद.

टारझन मंगळवार, 01/03/2011
प्रतिसाद संपादित हे पहाय रे भो , अडी मी प्रतिसाद संपादित केलाय .. मले जिथे वाटल तडीच मी संपादक करणार .. वर्‍ही प्रतिसाद संपादायचा मुड नी माझा .. - माझी दाढी / खाज्वारे खाज्वा