ब्लॅकबेरीचा राष्ट्रीय सुरक्षेसाठी मदत करण्याचा नकार ?

अरे बाबा ! मी केवळ नाव पाहून धागा क्लिक करतो... तुझे नाव वाचले, केला क्लिक. बाकीच्यांशी कशाला तुझी तुलना करतोस? ऑ !!

आणि ते सिक्युरीटी काय असेल तर बिहारमधुन घे की मागवुन दोन चार सुभेदार गार्ड!! १२ तास ड्युटी करतात बोल !

>>निव्वळ माज म्हणावा लागेल याला.

हो. आणि India Inc. ची फूस.

>> मला सांगा .. मी तुम्हाला मेल इन्क्रिप्ट करुन पाठवली .. आणि तुमच्या वरिल वाक्यात तथ्य आहे असे गृहीत धरले , तर तुम्ही ती मेल वाचणार कशी ?

सांगतो.
जेव्हा तुमची ई-मेल मला येईल तेव्हा ब्लॅकबेरी त्यासोबत एक 'डिक्रिप्शन की' पण पाठवेल, ती की वापरुन माझा ब्लॅकबेरी फोन तो ई-मेल मला वाचण्यायोग्य बनवेल व मी तो वाचेन.
अर्थात ही 'की' फक्त माझ्या मोबाईलसाठी बनवलेली असल्याने त्याचा वापर फक्त माझ्या एंडलाच होऊ शकतो व केवळ 'की'चा वापर झाला तरच ई-मेल वाचता येऊ शकतो.

आता समजा कुणी मध्येच ही ई-मेल इंटरसेप्ट केली तरी त्याच्याकडे येणारी 'की' ही त्याच्या डिवाईससाठी नसल्याने ती युसलेस ठरेल व त्या 'की' चा वापर न झाल्याने तो ई-मेल उघडता येणार नाही.

मेन मुद्दा असा आहे की संदेशाबरोबर येणारी 'डिक्रिप्शन की' ही त्या त्या संचासाठी बनवलेली असते व त्याचा वापर दुसरीकडे होऊ शकत नाही, मग कसे काय तुम्ही आम्हाला इंटरसेप्ट करणार बॉ ?

- छोटा डॉन

मला दोनेक वर्शापुर्वि असंच वाटायचं पन......................

(इथे आलेला 'ण' हा केवळ या लढ्यासाठी टारझन यांचे नेतृत्व मान्य केल्याचा पुरावा आहे, रमताराम हा टारझन यांचा डुआयडी असल्याचा शोध लावून नाचत येऊ नये)

हे विशेष आवडले! (योग्य डिक्रिप्शनअभावी काय होऊ शकते याची अंधुकशी कल्पना या उदाहरणातून येऊ लागते. थोडक्यात, हॅकिंग किंवा क्रॅकिंग हे वाटेल त्याने केल्यास निष्कर्षांच्या अचूकतेची हमी नसावी. (तेवढा या दोन संज्ञांमधील फरक कोणी समजावून सांगू शकेल काय?))

(अतिअवांतर: वरील प्रकार हा काहीसा वन वे एन्क्रिप्शनसदृश होत आहे काय?)

काही महिन्यापूर्वी आम्ही आमच्या गरीबबापडया देशातील आम्हा गरीबांची गरीबबापडी दुचाकी घेऊन चाललो होतो. मुख्य रस्त्यावरून एका गल्लीत वळण घेतले तर अचानक समोर एखादा पाण्याच्या टँकर गेल्यासारखी पाण्याची धार रस्त्याच्या मधून गेलेली दिसली. आम्ही अंमळ बेफिकीरीने त्यावरून गाडी नेली नि काय देवा रे... आमची गाडी मस्तपैकी घसरत गेली नि धराशायी झाली. जे पाणी वाटले होते ते ऑईल होते. आम्ही घसरलेले पाहून बाजूच्या वस्तीतील पोरे खदाखदा हसली. उठून गाडीचे नि आमचे काय काय बिनसले आहे ते बघत होतो तर अजून दोघे तिघे घसरले. आमच्या आधी घसरलेले एव्हाना चालते झाले होते. ती पोरेच काय पण जे घसरले होते त्यांनीही ऑईलवर माती टाकून वा काही एखादा अडथळा लावून इतरांना सूचना देण्याचा प्रयत्न केलेला नव्हता. हे बघून आम्ही गाडी बाजूला लावून प्रथम रस्त्याच्या कडेला असलेली माती आणून तो ऑइलचा ओहोळ पूर्ण बुजवला. आम्ही हे करत असताना त्या पोरांनी आमच्यावर शिव्यांचा भडिमार केला. त्यांची करमणूक आम्ही बंद केली म्हणून.

येताजाता आपल्या देशातील व्यवस्थेवर टीका करणार्‍या वा तिची टवाळी करणार्‍यांना पाहिले की आम्हाला उगाचच त्या खदाखदा हसणार्‍या पोरांची आठवण होते.

प्रकाटाआ

मेलो.cryptography मलाही कळत नाही पण प्रतिसाद वाचून उडालो आणि दुपारची झोप गेली.

..

..

एन्क्रिप्शन आणि हॅशिंग मध्ये शाहरूख साहेबांची गल्लत होते आहे असे वाटते :) डेटाबेस वगैरे मध्ये पासवर्ड साठवण्यासाठी जी 'वन-वे' पद्धत वापरली जाते, ते हॅशिंग्/सॉल्ट होय. एक प्रकारचे एन्क्रिप्शन असले, तरी एन्क्रिप्शनच नव्हे! असो.
पंगांनी म्हटल्याप्रमाणे हॅशिंग रिवर्सिबल नसणे हेच अपेक्षित असते. तसेच अगदी मामुली फरक असलेल्या दोन भिन्न पासवर्ड्स चे हॅश खूपच वेगळे असणे अपेक्षित आहे. असा हॅशिंग कृतीक्रम उत्तम, विश्वासार्ह समजला जातो.
मेसेजच्या बाबतीत एन्क्रिप्शन असेल, तर डिक्रिप्शनही हवेच; तरच मेसेज 'वाचता' येईल. वन वे पद्धत उपयोगी नाही.
(जाणकार)बेसनलाडू

काही महिन्यांपूर्वी हि बातमी वाचली होती व अखेर ब्लॅकबेरीने नमते घेतले होते असे वाचले होते. आता परत त्यांनी आगाऊपणा केला वाटते. मुळात फार वाचलेल्या ह्या बातम्यांवरून मला हे प्रकरण जसे उमजले (भारतात व रिम मधील राड्याची माहिती) ती सांगतो.
ह्याची मूळ कंपनी ही कॅनडाची आहे, रिम हे तिचे नाव. जगभरात तिची, नोकिया व अजून एक अमेरिकन मोबाईल कंपनी विंडोज फोन ७ ह्यांच्यात बाजारपेठांसाठी स्पर्धा आहे. ह्यात ब्लॅकबेरीचे वैशिष्ट्य म्हणजे त्यांचा कंपनीचा सर्वर हा कॅनडामध्ये आहे. त्यामुळे आशियायी खंडातील देशांना ह्या उपकरणांतून पाठविल्या जाणार्‍या मेल्स डिकोड करता येत नाहीत. (अमेरिका, चीन व इतर प्रगत देश ) मध्ये मात्र ब्लॅकबेरीने सर्व्हर दिला आहे अशी एक शंका होती. त्यावेळी २६/ ११ नंतर देशातील सुरक्षेचा प्रश्न ऐरणीवर आला. देशात दहशतवादी /गुन्हेगार / इतर समाजकंटक जसे हवाला किंवा बेटिंग वाले ह्यांचा ट्रेस लावणे भारतीय सरकारला जरुरीचे वाटले.

तिकडे आखतात त्याच दरम्यान यु ए इ मध्ये दुबईत मोसादच्या काही हेरांनी फिल्मी पद्धतीने विविध युरोपियन देशाचे नागरिक असल्याचे पासपोर्ट दाखवून प्रवेश केला. तेथील पंचतारांकित हॉटेलात पॅलेस्टीनी नेत्याला त्याच्या खोलीत टॉर्चर करून मग निर्घृण हत्या केली. (आम्ही दाउदला पाकिस्तानमध्ये जाण्यापर्यत वाट पहिली.) तेव्हा ह्या घटनने अरब जगतात त्यांच्या सुरक्षेचे धिंडवडे निघाले. तर सौदी अरेबियामध्ये राजसत्तेच्या विरोधात अलकायदाप्रेमी धार्मिक गट नेहमीच उचापत्या करत असतात. त्यांना सुद्धा सुरक्षेसाठी ब्लॅकबेरीवर वेसण घातली पाहिजे असे वाटले. माझ्या मते भारताने ह्या दोन राष्ट्रासोबत मिळून रिमला कचाट्यात पकडण्यासाठी मोठीम आखली .
प्रथम प्रसारमाध्यामान्द्वारे आपापल्या देशात वातावरण तापवले (मी अबू धाबीत असल्याने ह्या बातम्या इंग्रजी पेपरात नेहमीच अग्रक्रम राखून होत्या.) मग भारताने एकत्र भारतात सर्व्हर द्या नाहीतर तुमचा गाशा गुंडाळा अशी १ महिन्याच्या मुदत दिली. आखातातील देशांनी दबाव तंत्र म्हणून ह्यांच्या काही सेवा बंद केल्या मुख्यत्वे इंटरनेट. मग भारत हा अर्थकारण व बाजारपेठेत मोठा खेळाडू म्हणून त्याने रिमला प्रथम शिंगावर घ्यायचे ठरविले. त्यातील एक खेळी म्हणून नोकिया व दुसर्‍या अमेरिकन मोबाईल कंपनीने आम्ही मात्र भारतात सर्व्हर उभारू असा साळसूद पवित्रा घेतला. ह्या दरम्यान जागतिक रंगमंचावर अजून एक दबावतंत्रांचे नाट्य घडले. भारताच्या लष्करी आणि आयबीच्या वरिष्ठ अधिकार्‍यांना कॅनडाने व्हिसा नाकारला (कारण काश्मीरमध्ये मानवी हक्काची पायमल्ली होत आहे.) मनमोहन ह्यांच्या आगामी दौर्‍याच्या दृष्टीने सुरक्षेची पाहणी म्हणून हे अधिकारी जायचे होते. भारताने लगेच कॅनडाला, जर हे विसा नाकारले तर आम्ही कनेडियन लष्करी अधिकारी जे भारतामार्गे अफगानिस्तानला जातात त्यांचा व्हीसा रद्द करू, अशी धमकी दिली. (ह्या परिस्थितीत पाक जमिनीवरून जाणे म्हणजे त्यांना भलीमोठ्ठी बिदागी आणि अजून काय काय द्यावे लागले असते.) शेवटी त्यांच्या सरकारने जाहीर माफी मागितली व प्रकरण मिटवले.
ह्यावरून भारत सरकारने साफ संकेत दिले कि "हम अब झुकेंगे नही". (बाकी अमेरिकन उत्पादकांना मंदीच्या काळात भली मोठ्ठी बाजारपेठ मिळत होती व अमेरिकन बाजारपेठेत ब्लॅकबेरीच्या मुसंडीला चोख उत्तर देता आले असते. अगदी ओबामा ह्यांनी प्रथमच व्हाईट हाऊस मध्ये गेल्यावर, मी ब्लॅकबेरी वापरणार त्याने मी माझ्या सहकार्‍यांशी संपर्कात राहू शकतो राहू शकतो, अशी विधाने करून २००९ च्या सुमारास ह्या उत्पादनाची क्रेझ वाढवली होती.)

शेवटी महिन्याखेरीस ह्या कंपनीने नमते घेतल्याचे वृत्त होते. मागे चीनने गुगलला असाच दणका दिला होता. आम्ही वेळकाढू धोरण स्वीकारतो. एकप्रकारे सर्वात सुरक्षित नेट वापरण्याचे माध्यम म्हणून ह्या उत्पादनाची एकप्रकारे जाहिरात करत आहोत जगभर...