Skip to main content

नेवाळी ?

लेखक सर्वसाक्षी यांनी बुधवार, 02/02/2011 00:06 या दिवशी प्रकाशित केले.
ही वेल गेली अनेक वर्षे आहे. छाटणीमुळे विस्तार मर्यादीत असला तरी खोड बोटभर जाड झालेल. रोप आणल्यावरच काय जी फुले आली असतील ती. त्या नंतर मात्र जवळपास ५ वर्षांत फुले आली नाहीत; किंबहुना या वेलीली फुले येतात याचा विसर पडला. आणि अचानक गेल्या आठवड्यापासुन वेल बहरली. हा वेल कुंदाचा नक्कीच नाही. बहुधा नेवाळीचा असावा. कुठलाका असेना? त्यावर फुललेल्या फुलांनी खुश करुन टाकले. सकाळी जग आल्यावर प्रथम त्या फुलांवरच नजर जाते आणि मग दिवस सुरू होतो. आपल्याला आनंद देणार्‍या या छोट्या गोष्टी. बहर संपायच्या आत फुले चित्रबद्ध केली. आता चित्ररुपाने कायम डोळ्यासमोर राह्तील.
लेखनविषय:
लेखनप्रकार
वाचने 8020
प्रतिक्रिया 18

प्रतिक्रिया

गणपा बुधवार, 02/02/2011 02:14
मला तर मोगर्‍या सारखी दिसतायत फुलं. (कळ्या थोड्या लांबट आहेत, पण एखदी पोटजात असु शकते मोगर्‍याची.) नेवाळी बद्दल पुर्वी कधी ऐकलं नाही. काही दुसरं नाव आहे का याच? आवांतर : फुल हुंगायची सोय असती तर कित्ती बर झाल असत. :)

पिवळा डांबिस बुधवार, 02/02/2011 02:45
मला असलेली तुटपुंजी माहिती... ही फुलं नेवाळीची असू शकतील. नेवाळी जाईच्या फुलासारखीच दिसते. पण जाईला जो सुगंध असतो तो नेवाळीला नसतो. वसईकडे नेवाळीची खूप लागवड होते. तेंव्हा तिथल्या एखाद्या माहितगाराला (किंवा खरं तर मुंबईतल्या एखाद्या फुलवाल्याला) जर फुलं दाखवलीत तर तो नक्की सांगू शकेल. नेवाळी जाईपेक्षा स्वस्त असते तेंव्हा कधीकधी जाईच्या फुलांमध्ये त्यांची भेसळही केली जाते. :( चूभूद्याघ्या

रामदास बुधवार, 02/02/2011 12:27
गजरे करण्यासाठी याचा वापर केला जायचा. जायचा असे म्हणण्याचे कारण असे की आता ही लागवड फारशी केली जात नाही. या वेली बरीच वर्षे फुले देतात.खत पाण्यावर फारसा खर्च करावा लागत नाही .गजर्‍याच्या धंद्यावर धारावीचे आक्रमण झाल्यावर तगरीच्या कळ्याही भेसळ करायला वापरल्या जातात. बाकी पिडांकाकांसारख्या जाणकारांना नेवाळी आणि जाईतला फरक एका 'निगाहेत' ओळखता येतो.

सहज बुधवार, 02/02/2011 05:34
ताजेतवाने, टवटवीत दिसणारे व बघणार्‍याला करणारे प्रसन्न फोटो! क्लासीक!!!

सन्जोप राव बुधवार, 02/02/2011 05:38
सुरेख फुले. चित्रे बघताना सुगंध आल्याचाही भास झाला.

कच्ची कैरी बुधवार, 02/02/2011 11:03
मला तर ही कुंदाची फुले वाटताय .फोटो एकदम जबराट आले आहेत .

५० फक्त बुधवार, 02/02/2011 14:53
नेवाळी आणि काकडा एकच, आमच्याकडे काकड्याचे गजरे वेगळे मिळतात - लग्नाच्या पहिल्या वर्षात बायकोला द्यायचे मोग-याचे आणि वर्षानंतर काकड्याचे असे माझे काका नेहमी सांगायचे. एकुंण फोटो फार छान आले आहेत. धन्यवाद.

निवेदिता-ताई बुधवार, 02/02/2011 15:20
फोटो फार छान आले आहेत...................मस्त....मस्त.....खुप आवडले.

जागु बुधवार, 02/02/2011 16:55
सर्वासाक्षी ही नेवाळिच आहे. माझ्याकडेही खुप बहर आला आहे हिचा.मी परवा संध्याकाळी घरी गेले आणि झाड निरखायला गेले माझी. आणि मला इतका आनंद झाला. माझे नेवाळीचे झाड फुलांनी पुर्ण बहरले आहे. जणू काय त्या झाडाने स्वत:ला गजरे घालुन सजवलय असच मला वाटत होत. एक मोह होत होता की ही सगळी फुल काढून घ्यावीत आणि त्याचे हार आणि गजरे बनवावेत पण ही वेल इतकी सुंदर दिसत होती की मला त्यावरुन फुल काढवली नाहीत. मी तशीच ठेवुन दिली झाडावर.

प्राजक्ता पवार बुधवार, 02/02/2011 17:23
सुरेख आले आहेत फोटो. मलादेखील आधी कुंदाचीच फुले वाटली होती पण आता नेवाळी ही नविनच माहिती मिळाली. जागुच्या अंगणातील वेलदेखील छान बहरली आहे.