✍ मराठी साहित्य, संस्कृती आणि लेखनाचे व्यासपीठ

गरजू हुशार विद्यार्थ्यांना शैक्षणिक मदत

विनायक प्रभू यांनी
 ·  लेख
लेख
माझ्या माहितीतल्या एका संस्थेतर्फे गरजू व हुशार विद्यार्थ्यांना काही आर्थिक मदत करण्याच्या दृष्टीने एक उपक्रम चालू होत आहे. ज्या विद्यार्थ्यांना या वर्षी दहावीत ९४%च्यावर गुण मिळतील तसेच त्यांच्या पालकांचे वार्षिक उत्पन्न रु. १,८०,०००/- पेक्षा कमी असेल अशा विद्यार्थ्यांसाठी ही योजना आहे. सायन्स आणि कॉमर्स शाखेतील ११वी आणि १२वी साठी आर्थिक मदत केली जाईल. जर का विद्यार्थ्याने १२वीत परफॉर्मन्स मेंटेन केला तर वैद्यकिय अथवा अभियांत्रिकीच्या (फक्त शासकिय महाविद्यालायतील) शिक्षणासाठी देखिल मदत केली जाऊ शकते. आपणा सर्वांना नम्र आवाहन... आपल्या माहितीत असे कोणी विद्यार्थी असतील तर कृपया पूर्ण माहितीसह (नाव, पत्ता, पालकांचे नाव व पत्ता, आर्थिक उत्पन्नाचे तपशील) कृपया मला व्यनि करावा. विद्यार्थ्याची मुलाखत, एक प्रवेश परिक्षा, काउंसेलरची घरी भेट आणि पालकांच्या उत्पन्नाच्या आकड्यांची शहानिशा या नंतर अंतिम निवड केली जाईल. तुम्ही काही मित्रांनी सुरु करुन दिलेले छोटेसे रोप मोठे होतेय. धन्यवाद.
5149 वाचन
💬 प्रतिसाद (28)

प्रतिक्रिया

५० फक्त
गुरुवार, 01/20/2011 - 15:48 नवीन
विनायक प्रभु, एका अतिशय छान उपक्रमाबद्दल अतिशय धन्यवाद, आमच्या येथे असा एक विद्यार्थी आहे परंतु तो या वर्षी आठवीत आहे, जर पुढची दोन वर्षे येथेच राहिलो तर निश्चितच कळवेन. हर्षद.

पैसा
गुरुवार, 01/20/2011 - 16:22 नवीन
अतिशय चांगला प्रस्ताव आहे. या उपक्रमाला मनापासून शुभेच्छा! मदत खर्‍याच गरजू मुलांपर्यंत पोहोचतेय याची काळजी घ्यालच!

मी-सौरभ
गुरुवार, 01/20/2011 - 20:01 नवीन
खूप खूप शुभेच्छा :)
↩ प्रतिसाद: रेवती

टारझन
गुरुवार, 01/20/2011 - 22:17 नवीन
९४% मिळालेला कोणी कला शाखा घेईल असं वाटत नाही . तिकडे कितीही शिकलं तरी दुश्काळंच असतो , म्हणे ! ९४% च्या खाली क्रायटेरिया आणला तर मास्तर ला घरदार विकलं तरी पैका पुरणार नाही :) सजेशण : ९४% च्या खालच्या कोट्या ची जबाबदारी तुम्ही उचला ;)
↩ प्रतिसाद: शाहरुख

शाहरुख
गुरुवार, 01/20/2011 - 22:28 नवीन
दादा, क्रायटेरियात बसणार्‍या प्रत्येकाला मदत करा असं कुठं म्हटलंय आम्ही मास्तरला ! बाकी आम्ही आमची जबाबदारी उचलतोयच :-)
↩ प्रतिसाद: टारझन

कुंदन
गुरुवार, 01/20/2011 - 22:33 नवीन
>>सर, उपक्रमास मन:पूर्वक शुभेच्छा.....!!!! असेच म्हणतो. मात्र पैसे अडकले असल्याने सक्रिय सहभाग नाही घेउ शकत याबद्दल वाईट वाटतेय.
↩ प्रतिसाद: प्रा.डॉ.दिलीप बिरुटे

गुंडोपंत
Fri, 01/21/2011 - 08:30 नवीन
उत्तम उपक्रम पण यातला फक्त हुशार विद्यार्थ्यांनाच मदत करण्याचा हेतू खटकला. कदाचित खरी गरज मधे असणार्‍यांनाच असते. त्यांना खरी योग्य मार्गदर्शनाची गरज असते. ९४% च्या पुढचे आपला मार्ग कसाही काढतातच. त्यांना त्यांचा स्वार्थ कशात आहे आणि तो कसा साधायचा हे चांगलेच कळलेले असते म्हणून तर ते तेथे असतात.

चित्रा
Fri, 01/21/2011 - 23:18 नवीन
फक्त हुशार विद्यार्थ्यांनाच मदत करण्याचा हेतू खटकला. पण हा मुद्दा बरोबर वाटला. मुलांमध्येही शिक्षणाची खरी इच्छा असलेली मुले निवडणे कठीण जाईल, पण अशी मुले असतात. उपक्रमाबद्दल प्रभुसरांचे आभार. घरी विचारते, ओळखीत कोणी आहे का?
↩ प्रतिसाद: गुंडोपंत

विनायक प्रभू
Fri, 01/21/2011 - 14:43 नवीन
टक्के आणि सर्व माहीती असणे ह्याची गल्लत करु नका पंत. ह्या क्षेत्रातील ३० वर्षाच्या अनुभवावरुन सांगतोय बर का.