१ जानेवारी ला तुम्ही सकाळी तुम्ही काय करता? (वैधता-१२ वाजेपर्यन्त)

१ जानेवारी - सकाळी ( / दुपारी ?) १२ वाजेपर्यंत

म्हणजे हा टाईमस्लॉट तुम्ही ३१ सेलेब्रेट करुन झोपल्यानंतर व त्यानंतर पुन्हा उठल्यानंतर सुरु झाला हे गृहीत धरतो, त्यानंतर तो १२ पर्यंत मोजावा ही तुमची अट, राईट्ट ?

माफ करा, ही वेळ गेली काही वर्षे पाहिलीच नाही.
ह्यावेळी कोणीतरी ह्या सुवर्णक्षणांचा फोटो काढुन तो मिपावर द्या रे, साला नायतर आम्ही तर केव्हा बघणार असे सुवर्णक्षण ?

असो.

- छोटा डॉन

आणि कामाला लागतो.

मी 'आमची माती आमची माणसे' पहाते व 'ज्वारीची किड' घालवायला तज्ञांचा सल्ला घेते ;)

१ जानेवारी ला तुम्ही सकाळी तुम्ही काय करता? (वैधता-१२ वाजेपर्यन्त)

शौचमुखमर्जनादी विधी उरकतो....

कैलेन्डर बदलतो.

अशी पाखरे येती.. आणिक स्मृती ठेवूनी जाती..
हे गाणे आठवून गेल्या वर्षात एकूण किती 'पाखरे' माझ्या आयुष्यातून 'उडून' गेली त्याची गणना करतो,
अन् मग येत्या वर्षात अजून 'किती' नवी 'पाखरे' येतील ह्याचा अंदाज घेत परत पांघरूण ओढून झोपी जातो..

.

ऑफीस नसेल तर, भरपूर लोळून उठल्यावर, एक सुंदर डायरी घेऊन येते. या वर्षातील अवीट, सुखद, मैत्रीपूर्ण क्षणांची नोंद ठेवण्याकरता डायरी खूप आवश्यक वाटते मला.
कोर्‍या करकरीत डायरीच्या कोणत्या पानावर न जाणो कोणती सुंदर अक्षरे आणि सुखद आठवणी उमटणार असतात. : )
यावर्षी तर मी मखमली डायरी आणणार आहे कारण माझे आई-बाबा मला भेट द्यायला या वर्षी येणार आहेत.

भारत हा जागतिक महासत्ता कशी होईल ? भारताला विदेशी नेतृत्वाची गरज आहे का ? ह्या दोन गहन विषयांवर र प्रथम मनन मग चिंतन करणार आहे

आवश्यकतेनुसार ताक, पॅरॅसिटामोल, कॉफी वगैरे घेत डुलक्या काढतो.

बरेचजण हेच करतात. पण सांगताना मात्र काहीतरी बरे सांगतात..

शहाळ्याचे पाणी पिणे यावेळी उत्तम असते.

झिंटॅक किंवा डिस्र्पिनची किंवा आवश्यकतेनुसार दोन्ही गोळ्या घेतो आणि बायकोला शपथ देतो कि चालू वर्षात ज्या ज्या पेयांची गणना लौकिकदृष्ट्या दारू म्हणून होते ती पेये पिणार नाही.

अवांतर : बायकोही जुन्या वळणाची (अगदी सरळ) असल्याने विश्वास ठेवत असते, त्यामुळे समयोचित आणि प्रसंगोचित 'दारुडा" असूनसुध्दा माझा संसार सुखाचा चालला आहे.

बारा वाजून गेले असल्याने सदर कौलाची वैधता संपली का? म्हणजे आम्ही या कौलावर मत देऊ शकणार नाही का?

१ जानेवारी ला तुम्ही सकाळी तुम्ही काय करता?

हा प्रश्न पडायचे कारण म्हणजे आदला दिवस हा ३१ डिसेंबरचा असतो. आता काही जणांना प्रश्न पडेल की ३१ डिसेंबरचे येवढे वैशिष्ठ्य ते काय?

डिसेंबर ३१ हा ग्रेगरी दिनदर्शिकेनुसार वर्षातील ३६५ वा किंवा लीप वर्षात ३६६ वा दिवस असतो. ह्याच दिवशी १९०७ मध्ये हरिवंशराय बच्चन, जेष्ठ हिंदी कवी ह्यांचा जन्म झाला, तर ३१ डिसेंबरला अनेक मृत्यु देखील झाले.

* १९२ - कोमॉडस, रोमन सम्राट.
* ३३५ - संत सिल्व्हेस्टर.
* १६१० - लुडॉल्फ व्हान स्युलेन, जर्मन गणितज्ञ.
* १६५० - दॉर्गोन, चीनी सम्राट.
* १६७९ - जियोव्हानी आल्फोन्सो बोरेली, इटालियन भौतिकशास्त्रज्ञ.
* १७९९ - ज्यॉँ-फ्रांस्वा मारमोंटेल, फ्रेंच लेखक.
* १८७२ - अलेक्सिस किवी, फिनिश लेखक.
* १८७७ - गुस्ताव कुर्बे, फ्रेंच चित्रकार.
* १८८९ - इयोन क्रेंगा, रोमेनियन लेखक.
* १८९४ - थॉमस जोन्स स्टिल्ट्येस, डच गणितज्ञ.
* १९०५ - अलेक्झांडर पोपोव्ह, रशियन भौतिकशास्त्रज्ञ.
* १९३६ - मिगेल दि उनामुनो, स्पॅनिश लेखक.
* १९५२ - हँक विल्यम्स, अमेरिकन संगीतकार.
* १९६४ - ओलाफुर थॉर्स, आइसलँडचा पंतप्रधान.
* १९७७ - सबाह तिसरा अल-सलीम अल-सबाह, कुवैतचा शेख.
* १९८० - मार्शल मॅकलुहान, केनेडियन लेखक.
* १९९३ - झ्वियाद गामसाखुर्दिया, जॉर्जियाचा पहिला राष्ट्राध्यक्ष.
* २००३ - आर्थर आर. फोन हिप्पेल, जर्मन भौतिकशास्त्रज्ञ.
* २००४ - जरार्ड देब्रू, नोबेल पारितोषिक विजेता फ्रेंच अर्थशास्त्रज्ञ.

ह्या सर्वांचा मृत्युदिन ३१ डिसेंबरच होता. अशा भयानक दिवसाला सामोरे गेल्यानंतर तुम्ही १ जानेवारीला काय करता ? हा प्रश्न उपस्थीत होणारच.

जानेवारी १ हा ग्रेगरी दिनदर्शिकेनुसार वर्षातील १ वा किंवा लीप वर्षात १ वा दिवस असतो. ह्या दिवशी अनेक महत्वाच्या घटना वेगवेगळ्या सालात घडलेल्या आहेत.

# धुम्रपान विरोधी दिन

# ना. भि. परुळेकर यांनी 'सकाळ' हे वृत्तपत्र सुरु केले. (१९३२)

# गव्हर्नमेंट ऑफ़ इंडिया ऍक्ट अमंलात आला व देशात कायदेमंडळे स्थापन झाली. (१९१९)
# डॉ. शांतीस्वरुप भटनागर स्मृतिदिन. (१९५५)

# ख्रिस्ती वर्षारंभ दिन आहे.

# भीमा कोरेगाव येथे ब्रिटीश ईस्ट इंडिया कंपनीच्या कॅप्टन. एफ्‌. ए‍फ्‌. स्टाँटन यांच्या नेतृत्वाखालील फक्त ५०० सैनिक असलेल्या दुसर्‍या बाँबे नेटीव्ह इन्फन्ट्री बटालियनने २५,००० संख्याबळाच्या पेशवे सैन्याचा पराभव केला. (१८१८)

# महात्मा जोतिबा फुले आणि सावित्रीबाई फुले यांनी पुण्यात भिडे वाड्यात मुलींची पहिली शाळा सुरु केली. (१८४८)

# डॉ. रघुनाथ माशेलकर, भारतीय शास्त्रज्ञ. (जन्म १९४३)

# नाना पाटेकर, अभिनेते, दिग्दर्शक. (जन्म १९५१)

# समाजवादीनेत्या- कुसुमताई पटवर्धन स्मृतिदिन (२००५)

# वैज्ञानिक सत्येंदनाथबोस जन्मदिन (१८९४)

# रिर्झव्ह बँक ऑफ इंडियाचे राष्ट्रीयीकरण (१९४९)

# सम्राट अशोक या भव्य जंबोजेट विमानाला अपघात (१९७८)

# पुण्याच्या कृषि महाविद्यालयाचा शुभारंभ (१९०८)

तर ह्या अशा रोमांच घटना घडवलेल्या दिवसात मी सकाळी उठुन रात्रीच्या उरलेल्या दारुचे दोन थेंब प्राशन करुन जगनियंत्याचे आभार मानतो.

सकाळची आन्हिकं आणि इतर उपक्रम उरकतो हे उत्तर कोणीच कसे दिले नाही याचे आश्चर्य वाटते. नववर्षारंभी आंतर्बाह्य शुद्धी महत्वाची आहे अगदी.