हिमवादळ !

न्यू जर्सी मध्ये यंदा खूप म्हणजे खूप बर्फ पडला.आमच्या घराची बाल्कनी तर बर्फाने पूर्ण भरून गेली होती.त्याचे काही फोटो ! बर्फा मध्ये अडकलेल्या गाड्या काढताना नाकी नऊ आले होते अगदी! बर्फाने झोडपलेल्या खिडक्या व बाल्कनी. चोहिकडे बर्फ मुलांना तर नाताळ ची सुट्टी होतीच त्यामुळे ते उत्साहात बर्फाच्या स्वागता साठी तयार होते. मोठ्यांना गाडी बर्फातून काढायचे टेन्शन, तर मुलांना बर्फात हुंदडायला मिळेल ह्याचा आनंद ! रस्ते पण बंद असल्याने ऑफिस पण घरूनच होते.हा एक फायदा आहे. अशा वेळी भोलानाथ चे गाणे आवर्जून आठवले.सगळीकडे बर्फ पडून सक्तीची सुट्टी मिळाली होती.घरात खाण्यापिण्याचा स्टॉक होता म्हणून बरे होते नाहीतर सक्तीचा उपास घडला असता.हवामान खात्याला मानायला हवे,आधीच अचूक अंदाज वर्तवल्यामुळे लोक तयार असतात . आता ४,५ दिवस तरी लागणार सर्व पूर्ववत होण्यासाठी.मग बर्फापासून सुटका होईल खरी !