✍ मराठी साहित्य, संस्कृती आणि लेखनाचे व्यासपीठ

चांगली मिसळ, वडा, भजी कुठे मिळते ?

रोमना यांनी
 ·  लेख
लेख
हल्ली महा-गाई (गायीचा चाराही रु. २/- झाला आहे ) एवढि वाढली आहे की जिभेचे चोचले पुरवायचे म्हंटले, तर नाकी नऊ आणि १ कींवा १/२ नोट संपते. त्यातही जर नवीन पदार्थ चाखायला गेलो, तर पैसेवसूल झाले पाहिजेत अशी चव मिळणे कठीण. तेव्हा अशा मोक्याच्या जागांची यादी जर मिळाली तर अन्नदेवता व लक्ष्मीमातेची कृपाच होईल. मी गिरगांव (गिरणगाव नव्हे) येथे रहात असल्याने, आमच्या जवळची खाद्यभ्रमंती म्हणजे जवाहर मेंशनच्या लगतचा विनय (पूर्वीचे टेंभे) मिसळसाठी प्रसिध्द. रु. २८/- कि ३०/-. गोडट चव, मस्त फरसाण (पण हल्ली डिंमांडमुळे पैसे जास्त व सप्लाय म्हणजे क्वांटीटी कमी झालेली दिसते), वडा ठिक (थोडा गोडट) असतो. इतर मराठी पदार्थहि छान असतात.
22046 वाचन
💬 प्रतिसाद (109)

प्रतिक्रिया

ramjya
गुरुवार, 12/09/2010 - 21:01 नवीन
पुण्याला असताना दगडुशेठ हलवाई मन्दिरासमोर "जोशी वडेवाले"...येथे वडापाव खायचो....

अपूर्व कात्रे
Fri, 12/10/2010 - 11:39 नवीन
गिरगावात राहता तर माधवाश्रमात खाऊन बघा एकदा (वेळ सकाळी ६ ते संध्याकाळी ५). मिसळ पाव, वडा-उसळ पाव एकदम चविष्ट. पुचाट बेचव पण नाही आणि झणझणीत तिखट पण नाही. त्याच्याच जवळ "स्पेशल टी हाउस" नामक उपहारगृह आहे. मिसळ तिथेही चांगली मिळते. मात्र बऱ्यापैकी मसालेदार (तिखट नव्हे) असते. वडापावसाठी बोरकरचा वडापाव (मुगभाट) try करून बघा. (वेळ संध्याकाळी ४ ते ९). मिरचीच्याऐवजी तिखटपणासाठी काळी मिरी वापरतात इथे. एकदम वेगळी चव. दादरला गेलात तर कीर्ती कॉलेजजवळ अशोकचा वडापाव famous आहे. दत्तात्रेय हाटीलातही बरी मिसळ मिळायची. भज्यांची काही कल्पना नाही बुआ....

निनाद मुक्काम पोस्ट जर्मनी
Sat, 12/11/2010 - 20:55 नवीन
@कीर्ती कॉलेजजवळ अशोकचा वडापाव मी लिहील होत त्या बद्दल (तो कीर्तीचा वडापाव म्हणून फेमस आहे दोन वडापाव/ मिरची पार्सल घ्यायची .दोन बियर (काळ्या पिशवीत ) व सरळ अशोकाच्या इथून चौपाटी वरील कट्यावर बसायचे तिथून मग शिवाजी पार्कात कट्यावर जाऊन चकाट्या पिटायच्या .मिलिंद सोमण धावायला आला असेल तर बालपाणीचे सवंगडी असल्यासारखे हाय करायचे .हळूच कणेकर काकांच्या ग्रुप मध्ये (वयाचे बंधन नाही .) शिरकाव करायचा .मनसोक्त हसून झाल्यावर .मग जिप्सीत जेवायचे .तेही खेकडा खायला संगतीला अतुल परचुरे नाहीतर मोहन काका असायचे (म्हणजे बाजूच्या टेबलावर आपल्या मिन्त्रांसोबत )
↩ प्रतिसाद: अपूर्व कात्रे

चिंतामणी
Sat, 12/11/2010 - 16:42 नवीन
पुस्तक अथवा फाईल (कॉम्प्युटरवर) बनवा. पोटपुजेची ठिकाणे चांगली मिसळ, वडा, भजी कुठे मिळते ? या दोन धाग्यावरची माहिती वाचुन आता कुठे जायचे कळेनासे झाले आहे. शहर, पत्ता, खाण्याचे पदार्थ अश्या क्रमाने मार्गदर्शक पुस्तक (त्याला मराठीत "गाईड" म्हणतात) बनवले तर खूप उपयोग होईल. (कॉम्प्युटरवर कोण काम करून देउ शकेल हे सगळ्यांना माहीत आहेच. ;)