अभिनंदन...

झोपडी कुत्रा करोडपती हा सिनेमा सुरेश कलमाडींनी तयार केला नाही आहे.किंवा तो तयार करणारे भारतिय नव्हेत.त्यामुळे त्याचे अभिनंदन कशासाठी?

पदकांच्या जल्लोषाला भ्रष्टाचाराचा डाग! भ्रष्टाचारी आणि त्यांना संरक्षण देणाऱ्यांनी एक नवीनच विचारसरणी निर्माण केली आहे. आपला दृष्टिकोन नकारात्मक झाला आहे आणि आपल्याला प्रत्येक कामात चुकाच दिसतात, ही ती नवीन विचारसरणी. राष्ट्रकुल क्रीडा स्पर्धेत आपल्या खेळाडूंनी मिळवलेले यश साजरे करायचे सोडून भ्रष्टाचाराचे रडगाणे आपण गात असल्याचे ते आता म्हणत आहेत! १०१ पदकांमुळे होणार्या जल्लोषा पुढे जनतेचा आवाज कुठे दाबला जाईल हे मात्र माहित नाही. शेवटी पांढरे दहशतवादी यांच्या बुद्दीमत्तेला आणि देशप्रेमाचे बुटुक* चाटत राहणाऱ्यांच्या वृत्तीला तोड नाही. धन्य ते, खेळ भरवून देशाची मान ताठ करणारे ! धन्य ते, मान ताठ झाल्यामुळे गर्वानी छाती फुगवून घेणारे ! ----------------------------------------------------------------------------------------------------- बुटुक म्हणजे लहान मुलांना तात्पुरते गप्प बसविण्यासाठी काहीतरी खायला दिलेला तुकडा. लहान मुलांना एकदा का बुटुक हातात दिले कि लहान मुले आनंदी होऊन गप्प चाटत राहतात आणि मोठी त्या दरम्यान कामे उरकून घेतात.