अभिनंदन...

>>भारतीयांची कामगिरी वाईट होती असे तुम्हाला वाटते का? कौतिक लई झालं तर काय. झालंच पाहिजे. असा मूळीच नाही. त्याचा अभिमानच आहे. पण ह्या आनंद उत्स्वात कलमाडी सारख्या सापाला मोकळा सोडता कामा नये! नाही तर तो अजून भ्रष्टाचार माजवेल. वेळ निघून जायच्या आधी त्याला ठेचला पाहिजे नाहीतर काही दिवसांनी जुनी मढी कोन उकरनार असा आपला अ‍ॅटीट्यूड असतो!

दिक्षित कलमाडी भ्रष्टाचार करणार| राष्टकुल स्पर्धा मुळ आधार| लोकलेखा समिती चौकशी करणार| सगळे निर्दोष सुटणार निश्चित||

>> ह्यावेळेस जी किंमंत देऊन हि पदके मिळवली गेली, ती पदके पुन्हा कधीतरी मिळविण्यासाठी पुन्हा तीच किंमत द्यावी लागेल का ? कसली किंमत ? आपण आयोजनात पैसे ओतले म्हणुन आपल्याला पदके मिळाली असे तुम्हाला म्हणायचे आहे का ? तसे असल्यास मी ह्या विधानाचा निषेध करु इच्छितो, आपण पदकांसाठी खेळाडुंनी केलेल्या कष्टाचा आणि त्यांच्या प्रतिभेचा अपमान करत आहात. >>उगाचच विरोध म्हणून नाही, तसे नसल्यासच उत्तम !!! >> पण आपल्या म्हणण्यानुसार पण त्यापेक्षा स्पर्धा आधी यशस्वी आणि सुखरुप पार पडणे ही प्राथमिकता होती. हो, अगदी बरोबर. आपले निरिक्षण अगदी अचुक आहे. >>सुरक्षेला इतके महत्व द्यावे लागले त्याच्या मागची कारणे काय ? म्हण्जे काय ? जीवाच्या सुरक्षेपेक्षा अजुन काय महत्वाचे असते मालक ? समजा एखाद्या परदेशी खेळाडुला इजा झाली किंवा दुर्दैवाने त्याचा जीव गेला तर त्याचे काय परिणाम भारताला मोजायला लागतील ह्याची आपल्याला कल्पना आहे काय ? ह्या म्मुद्द्यावर एक सेप्रेट लेख लिहता येईल पण काही न लिहता "सुरक्षा" हा मुद्दा प्रत्येकालाच समजु शकतो असे वाटते. गरज असेल तर एक मोठ्ठा व्यनी पाठवु तुम्हाला, इथे विषयांतर नको. >>आज सामान्य नागरिकाला ह्यातून काय मिळाले ? आज भारताची मान ताठ झाली व आपल्यात असे मोठ्ठे इव्हेंट आयोजित करण्याची ताकद आणि पात्रता आहे हे आपण जगासमोर सिद्ध केले ह्यापेक्षा अजुन वेगळे काय हवे आहे सामान्य नागरिकाला ? प्रत्येकाला वैयक्तिक किंवा किमान घरटी असे मिळायला ही काय निवडणुक आहे की वार्षिक बजेट ? दक्षिण आफ्रिकेतल्या फुटबॉल विश्वचषकानंतर तिथल्या सामान्य नागरिकांवर वर काय सोन्याचा पाऊस पडला का ? की पुढ्च्या वर्षी आपल्या इथे होणार्‍या क्रिकेट वर्ल्डकपनंतर तसे होणार आहे ? आणि नाही मिळाले असे तुम्हाला कोण म्हणाले ? इतक्या सगळ्या सुविधा निर्माण करण्यासाठी जे मनुष्यबळ लागले ते काय इंपोर्तेड होते की टाटा, बिर्ला , अंबानी होते. सामान्य माणसालाच रोजगार मिळाला ना, भले तो कमी का असेना. ह्या स्पर्धेमुळे नवे रोजगार निर्माण झाले व अनेक सुविधा तयार झाल्या त्या सामान्य माणसासाठी नव्हत्या काय ? >>त्याच्या सुरक्षेचा मुद्दा कधी प्राथामिकतेवर येणार ? मला नाही समजले, जाऊ देत. सुरक्षा दुय्यम आहे असा जीव पृथ्वीवर अस्तित्वात आहे ह्यावर माझा विश्वास नाही. >>कधीपर्यंत हे राजकीय नेते असेच लोकांच्या देशप्रेमाचा वापर करून स्वताचे हित साधून घेणार ? टिपीकल वाक्य आहे टाळ्या घेणारे, अर्थात १००% चुकही नाही. अहो पण हे असे वारंवार बोलुन आपण काम करणेच बंद करणार का ? स्पर्धा नाही, कारण काय तर नेते पैसे खातात. विकासकामे नाहीत, कारण काय तर नेते पैसे खातात. नवे रोजगार नाहीत, कारण काय तर नेते पैसे खातात. बास करा राव, खाऊ द्यत पैसे पण कामं होऊद्यात हे धोरणं ठेवा की अगदी अपवाद म्हणुन. >>१५ हजार करोड रुपयांचा वापर नक्कीच ह्या पेक्षा चांगला झाला असता, हे खेदाने म्हणावे लागेल. म्हणजे कसा ? ज्या त्या वेळेला जी ती गोष्ट करावी, उगाच वडाची साल पिंपळाला लाऊ नये. तसे म्हटले तर तुम्ही आणि मी जो हा टाईमपास इइथे इंटरनेटरवर करतो आहे त्या वेळेचा आणि इह्यात गुंतलेल्या पैशाचा वापर नक्कीच ह्यापेक्षा चांगला होऊ शकतो, काय म्हणता ? >>'भारताच्या खुद्द पंतप्रधांना देखील आज स्वातंत्र्याच्या दिवशी कडेकोट बुलेट फ्रुफ काचेतून भाषण द्यावे लागते'. तिथे एका सामान्य माणसाची काय गत ? वर उत्तर दिले आहे, ह्याला "अभिनिवेष" म्हणतात, बाकी असो. बाकी भारत सोडुन देशाचे पंतप्रधान सुरक्षेविना टपरीवर सिगारेट पित उभे असतात किंवा रस्त्यावर उगाच हिंडत असतात ह्याची मला खरोखर कल्पना नव्हती. >>खेळाडूंची कामगिरी जरी चांगली झालेली असली तरी हा सौदा भारताला खूप महागात पडला आहे. कसला सौदा ? >>अवांतर : परदेशातल्या बर्याच खेळाडूंनी सुरक्षेच्या कारणावरून माघार घेतली, पण एकही भारतीय / परदेशी खेळाडूंनी हा खेळ म्हणजे पैशाच्या अपव्यय आहे, इथे भ्रष्टाचाराचा वास येत आहे म्हणून माघार घेतली नाही. म्हणणे पटते आहे पण मान्य होत नाही. कदाचित देशासाठी खेळुन पदक मिळवणे हे जास्त महत्वाचे वाटले असेल. >>ज्याला त्याला ज्याचा त्याचा जीव आणि खेळ प्यारा. ह्यात मी खेळ = देश अशी दुरुस्ती सुचवतो, देशासाठी काहीही चालते, खेळ तर क्षुल्लक आहे. >>आणि धन्य तो महान(लाखो लोक उपाशी असताना करोडोची उधळण करणारा ) देश. हे पटत नाही, लोक उपाशी आहेत म्हणुन का स्पर्धा घ्यायच्या नाहीत. बाकी वर लिहलेच आहे. लोक उपाशी आहेत म्हणुन स्पर्धा न घेणे, विकासकामे थांबवणे, नव्या योजना रद्द करणे हा योग्य उपाय नसुन शुद्ध मुर्खपणा आहे. शिवाय ह्या भिन्न पातळीवरच्या बाबींची तुलना करायची माझी इच्छा नाही. >>माझे स्पष्ट मत आहे कि, जो पर्यंत भारतात एक सुद्धा उपाशी माणूस शिल्लक आहे तो पर्यंत हे खेळ, करमणुकीचे सर्व प्रकार बंद व्हायला हवेत. करेक्ट ! आपण सध्या आंतरजालावर जो वाद घालतो आहोत तो ह्या उपाशी माणसाच्या दॄष्टीने "करमणुक / खेळ" आहे, त्याच्यासाठी अन्न महत्वाचे, इंटरनेट की कपडे, घर आणि इतर अनेक बाबींनंतरची "लक्झरी", करेक्ट ? मग करताय का उद्यापासुन "इंटरनेट आणि आंतरजालाचा वापर" बंद ? बघा, भारतात "लाखो उपाशी लोक" आहेत. - छोटा डॉन

हॅ हॅ हॅ. आता करीना कुठून बॉ आली इथे?