CWG झाले म्हणून देशाची आन बाण शान उंचावली गेली, जर खेळ झाले नसते तर मात्र हीच आन बाण शान पार रसातळाला गेली असती.

कृपया मतांची जास्तीत जास्त नोंद व्हावी.
ह्या माहितीच्या आधारे एक (सविस्तर नाही निदान एक छोटासा) लेख लिहिण्याचे ठरवीत आहे.

सविस्तर लेख लिहिण्याचा विचार होता पण १०/१२ प्रतिक्रिया ह्या आधारावर काय कोण लेख लिहिणार आणि काय त्याची विश्वासाहर्ता असणार.
असो.
प्रतिक्रिया देणार्याचे/ न देणार्यांचे, सर्वांचे आभार.
परंतु ह्या निमित्ताने जे काही लिहायचे होते ते थोडक्यात देत आहे. एक मनात आलेले आहे ते मांडू इच्छित आहे. कृपया वाचावे आणि सर्वांनी विचार करावा, हि नम्र विनंती.

CWG दिमाखात पार पडून आपण जगाला काय संदेश द्यायचा आहे तो एकदाचा दिला. आता इथून पुढे जग, त्या संदेशामुळे जे काही भारताच्या बाबतीत निर्णय घेईल ते एक भारतीय नागरिक म्हणून आम्ही तयार आहोत.

'जागतिक दर्जाच्या स्पर्धा आम्ही भरवू शकतो, त्यामुळे जागतिक दर्जाचे उत्पादन देखील आमच्याकडून करू शकतो.' हा एक संदेश कदाचित मला वाटते जगाला भारताकडून गेलेला असावा. असे ह्या खेळाचे समर्थन करणारे करतील. ठीक आहे.

आमच्या मते ह्यातून जग कदाचित असाही संदेश घेऊ शकेल.
भारतातूनच काम करून घायचे आहे ना, मग काही काळजी करू नका. २/४ सरकारी कर्मचारी हाताला धरा. यांच्यावर थोडे फार पैसे खर्च करा, ब्बस. तुमचे काम फत्ते म्हणून समजा. ते कर्मचारी लोकांना देशप्रेमाचे बुटुक तोंडी देऊन गप्प करतील. मग एकदाका आपल्या स्वार्थाचा देशप्रेमाशी संबंध जोडला कि मग सगळं अलहिदा.
खिश्यात पैसा, परत गाठीला देशप्रेमाची थोरवी. एकदम सही फार्मुला.