मोबाईल फोन मध्ये नवे काय हवे?

आज सगळ्यांची आत्यंतिक गरज बनलेला मोबाईल फोन हा संदेशन आणि करमणुकीचे साधन म्हणून विकसित झाला. अजून ५ वर्षांनी जन्माला येणार्‍या मोबाईल फोन मध्ये काय असायला हवं याचा विचार करत होतो. तेव्हा काही कल्पना डोक्यात आल्या. मोबाईल फोन हे धारकाच्या आरोग्यावर गस्त घालणारे उपकरण बनणं शक्य नाही का? स्मार्ट फोन, बिझनेस फोन याच्या पलिकडे जाउन मोबाईलचे नवं रुप हेल्थफोन म्हणून असित्वात यायला काय हरकत आहे. - रक्तदाब आणि शर्करा मोबाइल फोन वर मोजता यायला हवी - हृदयाच्या गतीवर तसेच रक्तातील प्राणवायुवर मोबाईलने देखरेख ठेवायला हवी - झोपेच्या दर्जावर मोबाईलने देखरेख ठेवता यावी. वर व्यक्त केलेल्या अपेक्षा पूर्ण करण्यासाठी अगोदरच तंत्रज्ञान विकसित झालेले आहे. या तंत्रज्ञानाचा मोबाईल बरोबर संकर घडवून आणणे का शक्य नसावे?