माहिती तंत्रज्ञानातील धडाडीची ५ वर्षे

आईग्ग!! हसून हसून पोट दुखायला लागले. हा धागा माहिती तंत्रज्ञानावरचा असल्याच्या समजुतीमध्ये 'निवांतपणे' वाचण्यासाठी ठेवला होता. चांगली माहिती मिळेल या आशेनं (आणि आदरानं) धागा उघडला आणि जे काय पहायला मिळालं......त्यावरचे प्रतिसादही मजेशीर आलेत. मीही एकदम अंकुरभाईंवर फिदा झालिये.......त्याचे दोन फायदे, एक म्हणजे मला आज्जी म्हणणार्‍यांना मला तरुणी म्हणणे भाग आहे.;) वाचतोयस ना प्रभो! दुसरा फायदा सगळ्यांनाच होणारे. आमच्यासारख्या काकवा फिदा व्हायला लागल्या कि असली होर्डींग्ज लागणार नाहीत.;) अंकुरसाहेबांना हे सगळं कसं चालतं कळत नाही बुवा! बाकिच्या चिल्ल्यापिल्ल्यांना तरी किती हौस म्हणते मी!;) मागच्या भारतभेटीत एकेठिकाणी शाळकरी वाटतील अश्या मुलांचे फोटो होते आणि त्यांनाही जी, साहेब, दादा वगैरे म्हटलेले पाहिले होते. हे सगळे माझ्या नजरेला गुंड वाटतात. काहीजणांना केस कापायला पुरेसे पैसे मिळाले नसल्यागत दिसताहेत. मिपावरचे अनेक सदस्य माहिती तंत्रज्ञानाच्या क्षेत्रात पाच वर्षांपेक्षा जास्त काम (गिरी) करत आहेत त्यांचे असे कौतुक झाले असल्यास आम्हाला आनंदच होइल.

मला वाटते की कुणाचे तरी या अंकुरशी भांडण झाले असावे म्हणून त्याने असा सूड उगवला. मंडळाचे नाव पाहिल्यावर तर अगदी तसेच वाटते. माझा ही राग आहे काही जणांवर. त्यांचे फोटो शोधतो आहे. मिळाले की लगेच होर्डिंग छापून, लावून, स्वतःच त्याचे फोटो काढून जालावर टाकेन म्हणतो.

साहेब, जी, भाई, दादा वगैरे आदरार्थी उपाध्यांची खैरात केलेली दिसते. त्यातल्या खाशा मंडळींच्या नावामागे आणि आडनावामागे दोन्ही उपाध्या दिसत आहेत. अमुकराव तमुकसाहेब वगैरे. एकदा "जाणता राजा" शरद पवार ह्यांच्या नावाचे होर्डिंग होते त्यात श्री शरच्चंद्ररावजीदादासाहेब पवार असा उल्लेख होता. त्यात आणखी अण्णा आणि अप्पा कुठे बसवता आले असते तरी चालले असते. असो. यथा राजा तथा प्रजा.

"तरुणी हृदयसम्राटांची भरीव कामगिरी" येथे पाहणे ;-)

अरे, काय राव तुम्ही पण! आधी त्या अनामिकजींना मदत करा. एखाद्या विकांताला गंध लावून फोटूगिटू काढून हुप्प्याभाई, निस्काजी, मेघवेडासाहेब अशी नावे लिहून आपण होर्डींग तयार करू. बॉस्टनात लावून टाकू.

फार अपेक्षेने हा धागा उघडला होता अन त्याचे फळ मिळाले. बाकी 'संतोषभाऊ देशपांडे' हे या गृप फोटोत विसंगत दिसत आहेत नाही?

चाय्ला, या अन्कुर च्या "जी" मधे "जी" आहे का स्वतहाला भाई म्हनुन घ्यायला. हा नक्कि हाउस कीपीग मधे असनार.

ही पण पहा.. मला ढकलपत्रातून आली होती काही दिवसांपुर्वी!!