Skip to main content

लाटा

लेखक राजेश घासकडवी यांनी बुधवार, 22/09/2010 12:03 या दिवशी प्रकाशित केले.
उगवले चंद्र माझे सांज झाकोळली जरी माझ्या अवखळ लाटा आल्या तुझ्याच किनारी चंद्रबळे उचंबळ तारांबळ लहरींची पाचूगर्भात बळावे हुरहूर ओळखीची लाभे लाटांना किनार सोनसळी किरणांची मंद गुलाबी प्रेमाची, शुभ्र धवल मायेची झाकोळली सांज झाली सखी कातळ रात्रीची माझे चांदभरे डोळे वाट पाहती उद्याची... नव्या सुवर्ण प्रभेची
लेखनविषय:
वाचने 2454
प्रतिक्रिया 18

प्रतिक्रिया

श्रावण मोडक बुधवार, 22/09/2010 12:12
एकदा वाचली. परत वाचेन. शब्दांची एक वेगळी मजा दिसते आहे.

सहज बुधवार, 22/09/2010 12:15
हेच म्हणतो.

गुंडोपंत बुधवार, 22/09/2010 12:15
सुंदर आहे! चंद्रबळे उचंबळ तारांबळ लहरींची हे आवडले!

राघव बुधवार, 22/09/2010 14:24
शब्द अन् भाव यांची सुंदर अलवार गुंफण! खूप खूप आवडली कविता. छान लयीत बसते आहे. वाचनमात्र येत असतो मी मधून मधून, पण ह्या कवितेला प्रतिसाद दिल्यावाचून राहवले नाही! :) राघव

धनंजय गुरुवार, 23/09/2010 00:39
ताराबलं चंद्रबलम् ! हे भरती-ओहोटी अनुभवणार्‍या लाटांबद्दल वापरणे नाविन्यपूर्ण आहे.

नंदन गुरुवार, 23/09/2010 00:46
छान, नादमय कविता. चंद्रांचं अनेकवचन का वापरलं असावं याचा विचार करतो आहे.
ताराबलं चंद्रबलम् ! हे भरती-ओहोटी अनुभवणार्‍या लाटांबद्दल वापरणे नाविन्यपूर्ण आहे
असेच म्हणतो. "वैवाहिक जीवन हे असेच अव्याहत भरती-ओहोटीचे असते. सुखाची पौर्णिमा आणि दु:खाची अमावस्या यांच्यात एकमेकांच्या 'कले'कलेने नक्षत्रांचे देणे फेडायचे असते..." अशी काही दवणीय वाक्यं सुचली ;)

३_१४ विक्षिप्त अदिती सोमवार, 27/09/2010 15:33
गुर्जींच्या कविता समजल्या तरी तसं वाटत नाही पण या वेळेस कविता समजली आणि आवडलीदेखील! याची जाणीव दवणीय गाईड वाचल्यानंतर झाली.

बेसनलाडू गुरुवार, 23/09/2010 01:50
माझ्या अवखळ लाटा आल्या तुझ्याच किनारी ही सुटी ओळ, चंद्रबळे उचंबळ तारांबळ लहरींची यातील ळ चा अनुप्रास, हे विशेष आवडले. (आस्वादक) बेसनलाडू गेयतेच्या दृष्टीने आणाखी सुधारता येईलसे वाटते. चू. भू. द्या. घ्या. (सुधारक)बेसनलाडू

ऋषिकेश सोमवार, 27/09/2010 16:45
सहमत आहे कवितेतील कल्पना व शब्दयोजना खासच! मात्र मला तालात नीट म्हणता आली नाही (कदाचित माझा दोष)

अथांग गुरुवार, 23/09/2010 04:01
आणि सुरेल कवितेचा वेगळाच अनुभवानंद !!

ज्ञानराम सोमवार, 27/09/2010 13:52
नावा प्रमाणेच कवीता हि अथांग... आहे....... छान.......

ज्ञानराम सोमवार, 27/09/2010 13:52
नावा प्रमाणेच कवीता हि अथांग... आहे....... छान.......