विवाहेच्छु तरुण/तरुणींनो आपण आंतरजातीय/धर्मिय विवाह करणार का?

आमच आटोपल आहे. दुसरा विचार नाहि.

॥अभिरत महावाक्यम आवडलम्॥

लोक आधी प्रेम करणार | मग आंतर-*** लग्न होणार |
नुस्ता वर्णसंकराचा हाहाकार | धर्म बुडणार निश्चित ||

आंतर-*** => आंतर-जातीय, धर्मिय, वंशिय, प्रान्तिय वगैरे काहिही !

अभिरत

--------->

"भिरभिरी" वृत्ती असली की असंच होणार ना!... अभिर ! ;)

हा शब्द आवडला.

माझ्या लग्नाच्या वेळी मी जातीचा विचार केला नव्हता. धर्माच्या बाबतीत कदाचित इतर धर्मीय विवाहयोग्य मुलाचा पर्यायच कधी समोर आला नाही त्यामुळे धर्माचा विचार असा वेगळा केला नव्हता. पण कोणी फार आवडला असता, तर घरच्यांना सांगितले असते असे वाटते. पण स्वतः धर्म बदलून लग्न केले नसते. धर्म बदलायलाही लावला नसता. हे पर्याय अधिक विस्तृत द्यायला हवे होते, म्हणजे मिळणारी माहिती अधिक विस्तृत मिळाली असती..

म्हणून कार्योत्तर मंजुरीच्या दृष्टीने क्र. ३ चा पर्याय स्विकारला आहे.

या कौलानिमित्त काही प्रश्न मनात आले - जसे : जात/धर्म न पाहता लग्न करणे म्हणजे काय? जात आपल्याला माहितीच नसली तर खर्‍या अर्थाने जात न पाहता लग्न होऊ शकते. नाहीतर कुठेतरी मनात जातीचे बीज राहतेच. मग ते कुठे जेवणाखाण्याच्या रीतींवरून (पूर्ण शाकाहारी असणारे/मुख्यत्वे मांसाहारी जेवण आवडणारे) केलेल्या टोकदार बोलण्यातून दिसते, किंवा कधी स्वतःच्या जातीचे खाण्यापिण्यावरून, दिसण्यावागण्यावरून कौतुक करीत बोलण्याची फॅशन येते त्यातून दिसते. कधीकधी स्वतःच्या मुळांपर्यंत जाण्याची हौस असते. त्यातून मिळणारी माहितीवजा शरीरवैशिष्ट्ये, स्वभावाची वैशिष्ट्ये लोक आपली ओळख म्हणून दागिन्यांप्रमाणे/कपड्यांप्रमाणे धारण करतात, किंवा दुसर्‍यांनाही घालतात. मग ती खरी खुरी हाडामासाची माणसे तशी खरेच असोत वा नसोत.

तरी मुळात सर्व माणसे हे फरक विसरू शकतात असे वाटते. मात्र हे फरक विसरण्यासाठी तेवढेच सबळ कारण हवे! ओळख, सहवास या गोष्टी मदतीस येऊ शकतात.

>>बाकी अस्मादीकांचा जन्मच टेक्निकली अमावस्येचा आहे.

टेक्निकली अमावस्येचा म्हणजे काय हो?

आमचा पितृपक्षात आणि तो सुद्धा फ्रायडे द थर्टीन्थ ला. :D त्यामुळेच मी असा आहे असे अनेकांचे मत आहे.

देशस्थ - कोकणस्थ विवाह देखील आंतरजातीय विवाहासारखाच मानला जाई.

म्हणजे काय? तो आहेच आंतरजातीय विवाह !!!!

नितिन थत्ते

------------------------------>

हा हा हा!.. वेरी फनी!
नितीन'जी, एक थोडीशी सुधारणा: "आन्तरपोटजातीय विवाह"

प्रकाश'जी जर आपणाला "असे" देशस्थ-कोकणस्थ आन्तरजातीय विवाह अपेक्षित असतील...
;) तर अशा विवाहांना माझा पूर्ण पाठिम्बा आहे! :)

टीप : देशस्थांकडे मुखवट्याच्या गौरी असतात आणि कोकणस्थ-कर्‍हाड्यांकडे खड्याच्या गौरी असतात...
आणि आन्तरपोटजातीय विवाहांमध्ये आपापल्या "गौरीं" चे देशस्थ, कोकणस्थ, कर्‍हाडे, कानडी यांना भारी कौतुक असते...
त्यामुळे खड्यांच्या "गौरी" पेक्षा मुखवट्या'च्या गौरी किती तेजस्वी दिसतात!.... किन्वा नुसत्या घावनघाटल्या'पेक्षा १६ भाज्या, १६ कोशिम्बीरी, १६ पक्वान्ने असा बेत किती परिपूर्ण वाटतो!....इ. इ. अनेक मुक्ताफळे ऐकायला मिळतात!

अर्थात... सर्वजण "एका"च जातीच्या पोटजातींमधले असल्यामुळे रीतिरिवाज भिन्न असले, तरी सर्वांची "भावना" मात्र एकच असते! :) त्यामुळे या आंतरपोटजातीय विवाहांमध्ये पोटजातींवरून भांडणे अगदी अल्प प्रमाणात होतात!

त्यामुळे मुलगी व्हावे देशस्थांकडे आणि सून व्हावे कोकणस्थांकडे!....

कारण देशस्थांच्या वृत्तीनुसार... माहेरवाशिणीचे आणि जावयाचे भरपूर कोडकौतुक पुरवले जाते....
आणि कोकणस्थांकडे देणे-घेणे हे अत्यंत कमी स्वरूपाचे असल्यामुळे लग्नाचा बराचसा खर्च वाचतो! ;) ;)

अर्थात!... यास बरेच अपवादही असू शकतात!...
परन्तु ९० % कोकणस्थ हे त्यांच्या पूर्वापार चालत आलेल्या मूळ स्वभावाला अनुसरूनच असतात!
आणि ९९ % देशस्थ हे "आओ जाओ- घर तुम्हारा" याच टाईपचे असतात!

या आन्तरपोटजातीय विवाहांमुळे देशस्थ लोक - कोक्यांसारखे "नाकात" बोलायला शिकतात....
आणि कोकणस्थ लोक स्वतःहून नातेवाईकांना फोन करून(फोनच्या बिलाची पर्वा न करता) किमान १० मिनिटे तरी फोनवर बोलायचे धाडस करतात! ;)

कर्‍हाडे ब्राह्मण हे बहुतांश कोक्यांसारखेच असतात!... फक्त त्यांचे मूळ गाव- सांगली. कोल्हापूर.. पैकी कोणतेतरी असते!
आणि कानडी- ब्राह्मणांकडे कर्मकान्ड खूप असतात! आणि त्यान्चा भाषेचा एक प्रॉब्लेम असतो.....
त्यामुळे नवीन सूनेला... आपली कानडी सासू आपल्याशी बोलतेय की भांडून शिव्यापण घालतेय... हेच नीट कळत नाही! ;)
आणि कानड्यांचा अजून एक प्रॉब्लेम असतो!... हे लोक कट्टर वैष्णव असल्यामुळे फक्त कृष्ण / विष्णु यांना आणि यांच्या परिवारालाच मानतात! आणि विष्णु आणि शंकर यांच्यामध्ये भांडण असल्याची अफवा... ही या कानडींनीच पसरवलेली आहे! त्यामुळे ते "शिवा" ला मानत नाही!... इतकेच नव्हे.. तर महाशिवरात्रीला कानडी-वैष्णव ब्राह्मण मुद्दाम "पुरणपोळी " करून खातात! आणि हरतालिके'ला कानडी लोकांच्या मराठी सुनेला खरोखरचाच "उपवास" घडतो!
कारण कानडी या दिवशी उपवासाचे पदार्थ खात नाहीत! ;)

अर्थात परिस्थितीनुरूप आणि काळानुरूप या वृत्तीतही थोडाफार फरक पडला असेल... पण माझी एक आत्या सासरची "कानडी वैष्णव ब्राह्मण" आहे.... तिच्याकडे ही अशी वरचीच परिस्थिती आहे!

पण बहुतांश कानडी वैष्णवांचे कुलदैवत हे "तिरुपती - बालाजी" असल्यामुळे अखंड-विष्णुसहस्त्र-नामाचा पाठ मात्र त्यांच्याकडे नित्यनेमाने चालतो!.. आणि 'राजलक्ष्मी'चे एक वेगळेच तेज त्यांच्या चेहर्‍यांवरती विलसत असते!

:)

शेड्युल्ड कास्ट" साठी १३% जागा राखून ठेवल्या आहेत ही बाब नक्कीच माहित असणार. या १३% टक्क्यात महार, मांग, चांभार, भंगी, खाटीक, व्हल्लार आदी डझनावरी सबकॅटेगरीज येतात. सर्वसाधारणतः आपण असे समजतो ही हा सर्व गट एकाच पंख्याखाली येतो. वस्तुस्थिती तशी नाही.

ब्राह्मण ही जात असून त्यात अनेक पोटजाती आहेत. ब्राह्मण म्हणजे कोब्रा, देब्रा आणि कब्रा असे अज्ञान बाळगणार्‍यांना पोटजातींमध्ये अभावाने का होईना पण लग्ने होतात हे माहित असते पण इतर ब्राह्मण पोटजातीत आंतरपोटजातविवाह होत नव्हते आणि आताही त्यामानाने होत नाहीत. शेड्युल कास्ट किंवा बॅकवर्ड क्लास नावाची कोणतीही जात मला माहित नाही. ते सर्व एकाच पंख्याखाली येतात असे समजणारे घोर अज्ञानी असावेत. निदान माझा समज तरी असा नाही. महार किंवा चांभार जातीत पोटजाती आहेत का आणि त्यांची अभावाने का होईना पण लग्ने होतात का ते माहित नाही पण एक सर्वसाधारण माहिती म्हणून जाणून घेण्यास आवडेल.

बाकी,

अनेकदा व्यवस्था टिकण्यात आपण कोणाच्यापेक्षा तरी वर असल्याचे समाधान मोठी भूमिका निभावते. ज्याला कोणाच्याचपेक्षा वर समजले जात नाही अशांची संख्या कमीच राहणार.

थत्त्यांच्या वाक्याशी सहमत आहे.