Skip to main content

किंमत

लेखक अनिरुद्ध अभ्यंकर यांनी रविवार, 04/05/2008 00:30 या दिवशी प्रकाशित केले.
कारणे होती तशी जागायला चांदण्या मज यायच्या भेटायला प्रश्न हा साधाच होता पण तरी लागली ती कारणे शोधायला मी जरी आता सुखी दिसतो तुला खूप किंमत लागली मोजायला काळजी माझी नका इतकी करू काळजी लागेल ही बोचायला बंद मी केले इथे उमलायचे आणि ती आली फुले मागायला हो मला म्हटलेस तू कविते जसे मी खुळ्यागत लागलो वागायला भाव मी दुखःस या थोडा दिला आसवे ही लागली माजायला माणसे येतील ही रस्त्यावरी भूक आहे लागली बोलायला
लेखनविषय:
वाचने 4788
प्रतिक्रिया 12

प्रतिक्रिया

विसोबा खेचर रविवार, 04/05/2008 00:37
वा अभ्यंकरशेठ, कारणे होती तशी जागायला चांदण्या मज यायच्या भेटायला या पहिल्याच ओळी अतिशय सुरेख...! अवांतर - मी आपल्यातल्या विडंबनकारापेक्षा आपल्यातल्या कवीचा अधिक चाहता आहे.. :) आपला, (आडनांवबंधु) तात्या.

अभिज्ञ रविवार, 04/05/2008 00:57
कविता आवडलि. काळजी माझी नका इतकी करू काळजी लागेल ही बोचायला बंद मी केले इथे उमलायचे आणि ती आली फुले मागायला हे विशेष भावले. पुढील लेखनास शुभेच्छा. अबब.

मदनबाण रविवार, 04/05/2008 04:09
मी जरी आता सुखी दिसतो तुला खूप किंमत लागली मोजायला काळजी माझी नका इतकी करू काळजी लागेल ही बोचायला बंद मी केले इथे उमलायचे आणि ती आली फुले मागायला >> छान मला खुप आवडली तुमची ही गझल..... मदनबाण.....

चतुरंग रविवार, 04/05/2008 17:29
मतल्यातच पकड केलीस एकदम! कारणे होती तशी जागायला चांदण्या मज यायच्या भेटायला हे पुढचे शेरही खासच! भाव मी दुखःस या थोडा दिला आसवे ही लागली माजायला माणसे येतील ही रस्त्यावरी भूक आहे लागली बोलायला चतुरंग

अनिरुद्ध अभ्यंकर सोमवार, 05/05/2008 14:21
प्रतिसाद दिलेल्या आणि प्रतिसाद न दिलेल्या सर्व वाचकांचे मनापासून आभार!! (आभारी)अनिरुद्ध अभ्यंकर

बेसनलाडू मंगळवार, 06/05/2008 10:02
गझल फार छान आहे. खूप आवडली. कारणे होती तशी जागायला चांदण्या मज यायच्या भेटायला बंद मी केले इथे उमलायचे आणि ती आली फुले मागायला हे फार आवडले. दुसर्‍या शेरात 'पण तरी' ऐवजी 'तरीही' असे सुचवावेसे वाटले. शेवटचा शेर एकूण गझलेच्या तुलनेत जरा अशक्त वाटला. चूभूद्याघ्या. (आस्वादक)बेसनलाडू