प्रतिसादाची खिडकी दिसली नाही म्हणुन उपप्रतिसाद. अर्थातच असावा. आजवर कुठल्याही फोरमवरती(अपवाद अर्थातच उपक्रम अन आता मिपा) स्वतःचे लेख संपादीत करता न येणे पाहिलेले नाही. जर शक्य असेल तर लेख उडवता येउ नये, पण संपादित करता यावेत अशी सोय दिल्यास उत्तम.

समजा तुम्हाला लेख प्रकाशित केल्यावर असे वाटले की हा लेख कुठल्यातरी कारणासाठी बरोबर नाही तर तो ठेवून काय करायचा ? पुरावा म्हणून ? आणि कोणा विरूध्द? त्या virtual आय डी विरूध्द ? तसेच संपादकाना जर वाटले की हा लेख काही कारणासाठी उडवला पाहिजे तर ते तो उडवतात. तुम्हाला स्वतःलाच जर असे वाटले आणि तो तुम्ही उडवला तर चांगले नाही का ? याचा दुरुपयोग काय होऊ शकतो ते मला कळले नाही. एखाद्याला त्याचे लेखन इथे वाचकांसाठी ठेवायचे नसेल तर ते त्याचेच नुकसान नाही का ? याचा दुरुपयोग एखाद्याला नावे ठेवून तो लेख लगेचच काढून केला जाऊ शकतो. पण ते लगेचच लक्षात येईलच की. मग त्याचा आय डी बंद करायला कितीसा वेळ ? अर्थात त्याला योग्य समजही देता येईल. त्याच्याकडून स्पष्टिकरणही मागता येईल. मी एका भाषांतरासाठी रितसर परवानगी घेतली होती. पण त्या साईटच्या घोळात काय झाले माहीत नाही, मला एका वकिलाचा फोन आला होता ते लेख ताबडतोब काढा म्हणून. अर्थात मी नंतर तो त्यांच्याशी भांडून टाकला ते वेगळे. पण परदेशात अशा संधींची वकील लोक आतुरतेने वाट बघत असतात. मी जर त्या रात्रीच ते लेख उडवले नसते तर निलकांतला निश्चितच त्रास झाला असता. असे मला वाटते. असो अधिकार असावा असे आपले म्हणणे असावे. तो अधिकार योग्य रितीने कसा वापरावा हा प्रश्न सोडवता येईल.

असावा ह्याला मत दिले आहे. आमची सुचना : लेखकाने प्रथम लेख लिहून प्रकाशीत केल्यानंतर संपादन केल्यास लेख प्रशासकीय अनुमतीसाठी जावा. ही सोय करता येऊ शकेल. सरसकट सर्वांचा स्वसंपादनाचा अधिकार काढून घेणे मला चूक वाटते.

बर्‍याच ठिकाणी मुद्रित माध्यमात आणि फक्त इंटरनेटवर प्रसिद्ध होणार्‍या लिखाणासाठीही अशा प्रकारच्या चुका राहू नयेत म्हणून संपादक असतात. मिपावरचे संपादक हे या कारणासाठी संपादक केले नसावेत. त्यामुळे तुलना थोडी चुकीची होते आहे असं वाटत आहे. बिकासाठी उत्तरः जबाबदारीचे भान असावे ही गोष्ट तर आहेच्च आहे. ही जबाबदारी जशी धागा प्रवर्तकाची आहे तशीच प्रतिसादकांची आहे आणि एखादा प्रतिसाद, एखादी ओळ, इ.इ. गायब करण्याचे अधिकार असणार्‍या संपादकांचीही! आपण आपली जबाबदारी निभावतो का, हा प्रश्न स्वतःच स्वतःला विचारलेला उत्तम! बेजबाबदारीमुळे झालेल्या चुका आणि नजरचुकीने राहिलेल्या चुका यांना एकाच तागडीत तोलणं चुकीचं वाटत आहे.

नमस्कार. आपल्या मताचा मान आहेच. पण मुद्दा आपण केलेल्या चुका आपणच दुरुस्त करायच्या का नाही? हा आहे. कदाचीत असे असावे की ज्यांना खोडसाळपणाचा त्रास झालेला आहे त्यांचा या सुविधेला विरोध आहे. पण असे प्रसंग किती ? आणि जे काही चालेलेले असतं ते within their circle चाललेले असते. ते चालू देत. विशेषतः विडंबीत लेखन वा कविता इ.इ. या मधून.

लेखन प्रसिद्धीस देताना जबाबदारीने द्यावे आणि लेखनही जबाबदारीने करावे ही किमान अपेक्षा लेखकाने स्वतःबद्दल ठेवणे आणि वाचकांनी लेखकाबद्दल ठेवणे रास्त वाटते. हे भान मिपावरील अनेक लेखकांना नाही आणि त्यातील एक नाव जयंत कुलकर्णी यांचेच आहे. असो. याखेरीज स्वसंपादनाने खालील तोटे होतात असे वाट्ते आणि पाहिले आहे. १. आधी काहीतरी लिहून लोकांनी आक्षेप दाखवल्यावर "मी तो नाहीच" असा स्टँड किंवा मूळ लेखात बदल करून इतरांनाच वेड्यात काढणे. २. आपल्या अपेक्षेप्रमाणे प्रतिसाद मिळाले नाहीत तर लेख काढून टाकणे. (हे करणारे लेखक असे फारसे होताना दिसत नाही असे म्हणतात हे दुर्दैव.) ३. संपादनाला "सेन्सिटिव" विषयावरील लेख दाखवून ते प्रशासनाच्या संमतीने टाकून मग टाकताना त्यात बदल करून टाकण्यात आले. ४. लोकांना थोडी शिस्त हवी. घाईत काहीतरी लिहिण्यापेक्षा विचारपूर्वक लिहावे. नसल्यास संपादक मोठ्या चुका सुधारतात आणि लहान चुका प्रतिसादातून किंवा पुढील लेखातून सुधारता येतील. आम्हाला स्वसंपादनाची सुविधा हवी पण आम्ही विचार करून, १० दा वाचून लेख प्रकाशित करणार नाही हा आव येथे दिसतो. ५. गैरसमज - मध्यंतरी लेख/ चर्चा गायब का झाल्या असा प्रश्न लोकांना पडला. संपादकांकडे, मिपाकडे अशी कोणतीही सुविधा नाही की हे नेमके का झाले ते पाहायची. असे छडे लावण्यात संपादकांचा वेळ वाया जातो.

माझ्यामते धाग प्रकाशित झाल्यावर काहि ठराविक वेळ अथवा कहि ठराविक प्रतिक्रीया येईपर्यंत (जे तांत्रिक दृष्ट्या शक्य आहे) तोपयंत हा अधिकार द्यावा. त्या अवधीत ज्या दुरुस्त्या आवश्यक आहेत त्या लेखकाने कराव्यात. नंतर प्रतिसादात शुद्धीपत्रे द्यावीत. बाकी या धाग्याच्या खाली प्रतिसादाला सोय नसल्याने प्रदीप यांच्या प्रतिसादाला उपप्रतिसाद.. मात्र तो फक्त त्यांना नाहि

लेखकाला स्वतःचा लेख स्वसंपादन करायचा अधिकार असावा. बारीक सारीक चुका सुध्हा जर दुरुस्त करता आल्या नाहीत तर स्वतःला वाचणे पण अवघड होइल.

एक चांगली कल्पना. जरूर विचार करावा या वर.

"अप्रकाशित करणे" आणि "काढून टाकणे" यात फरक आहे , जो सर्वसामान्य सभासदांकरता पारदर्शक आहे. संपादक जेव्हा अप्रकाशित करतात तेव्हा तो नोड अस्तित्त्वात असतो, फक्त तो अप्रकाशित असतो. लेखक जेव्हा आपले लेखन "उडवतो/ते" तेव्हा ते "डिलिट" करतात.