Skip to main content

अरूपाचे रूप

लेखक क्रान्ति यांनी बुधवार, 21/07/2010 15:55 या दिवशी प्रकाशित केले.
अरूपाचे रूप | श्रीहरी स्वरूप पाहता तद्रूप | जीव होई भक्तांचियासाठी | चंद्रभागेकाठी उभा जगजेठी | पंढरीत दीनांचा कैवारी | सावळा मुरारी संकटात तारी | पांडुरंग भाव तेथे देव | नांदतो सदैव कैवल्याची ठेव | अंतरात मायबाप, भ्राता | तूच सखा, त्राता रुक्मिणीच्या कांता | दे दर्शन
काव्यरस
शांतरस
लेखनविषय:
वाचने 3837
प्रतिक्रिया 14

प्रतिक्रिया

सहज बुधवार, 21/07/2010 16:42
कविता छानच आहे

अवलिया बुधवार, 21/07/2010 16:44
मस्त अभंग.. :) --अवलिया आपला तो बाब्या दुस-याचं ते कार्ट, असं धो धो रण करणारं धोरण सगळ्यांचच असतं, आपल्यासाठी एक अन् दुस-यासाठी वेगळं :)

३_१४ विक्षिप्त अदिती बुधवार, 21/07/2010 16:46
सुंदर आणि समयोचित. अदिती

केशवसुमार गुरुवार, 22/07/2010 04:34
क्रान्तितै, कविता सुंदर आणि समयोचित. (वाचक)केशवसुमार

प्रभो बुधवार, 21/07/2010 18:47
अभंग आवडला..

डॉ.श्रीराम दिवटे गुरुवार, 22/07/2010 07:20
अभंग चालीत गातांना तन्मयता प्राप्त होतेय. गाऊन तर पहा. ************************************* माझं पुस्तक, माझा ब्लॉग.

प्रा.डॉ.दिलीप बिरुटे गुरुवार, 22/07/2010 07:47
सुंदर अभंग...! क्रांती यांच्या सुंदर कवितांचा काव्यसंग्रह पुढल्या आषाढी एकादशी पर्यंत प्रसिद्ध व्हावा असे वाटते. [ की यापूर्वी प्रकाशित झाली आहेत आपल्या कवितेची पुस्तके] -दिलीप बिरुटे

क्रान्ति गुरुवार, 22/07/2010 09:31
[ की यापूर्वी प्रकाशित झाली आहेत आपल्या कवितेची पुस्तके] नाही सर. अजून तरी तो योग आला नाही. पाहू, विठूरायाची इच्छा असेल, तर नक्कीच पुढच्या आषाढीपर्यंत प्रकाशन होईल काव्यसंग्रहाचं. सध्या तरी माझा ब्लॉग हाच माझा काव्यसंग्रह आहे! :) आपल्या सगळ्या मिपाकर मंडळींच्या आणि जालावरील इतरही मित्रमैत्रिणींच्या सदिच्छा आहेतच पाठीशी. :) क्रान्ति अग्निसखा

मी ऋचा गुरुवार, 22/07/2010 11:23
खूप सुन्दर!!! मी ॠचा र॑गुनी र॑गात सार्‍या र॑ग माझा वेगळा !!

टुकुल गुरुवार, 22/07/2010 13:27
खुपच सुरेख... कवितांच्या नादी नाही लागत मि, पण तुमच नाव पाहिल कि नक्की वाचतो. --टुकुल

शुचि गुरुवार, 22/07/2010 17:57
अप्रतिम!!! सवतचि भासे मला| दूती नसे ही माला|| नच एकांती सोडी नाथा| भेटू न दे हृदयाला||

क्रेमर गुरुवार, 22/07/2010 18:58
सुंदर कविता. -क्रेमर (पूर्वीचा अक्षय पुर्णपात्रे (पूर्वीचा कर्क)) _________________ सोळा कुकांनी मिसळीची वाट लावली आहे का? बाकी चालू द्या.