गीत : सूर आज माझे का अबोल झाले

माझ्या हृदयीच्या छेडूनी सप्त तारा
आरोह अवरोहा संगे चाले मन भरारा
असलेच कितीक राग नित्य नवे ऐकले ||१||

झंकारूनी स्वरांना घेवूनी रोज ताना
ओठी माझ्या येई फुलोनी नवा तराणा
कसले आता गाणे कसले नवे तराणे ||२||

मैफलीत माझ्या कधी मालकंस आला
वसंतापरी मला तो मल्हार भेटूनी गेला
मी रागदारी गाता शेवटी भैरवीच झाले ||३||

आसवांच्या पुरात डोळे पुरे न्हाले
सूर आज माझे का अबोल झाले ||धृ||

- पाषाणभेद
१७/०७/२०१०