(या कंपूची दोन माणसे फिरतिल तुमच्या भवती)

नुकतंच अन्य स्थळावर एका धाग्यात मी काही प्रतिसाद लिहिलेला असताना अचानक 'कंपू तुमचा पाठलाग न करो ही प्रार्थना' अशी धमकीवजा सूचना आली. मी भांबावलो. त्याच धाग्यात आधी मी औद्धत्य करून कंपूबाजीला आव्हान देतोय असं प्रश्नवजा विधान आलं होतं तेही दिसलं. तेव्हापासून ही भाई लोकं नक्की काय म्हणत असावेत याविषयी मनात विचार सुरू झाले. (त्यातूनच मूळच्या उत्कृष्ट काव्याचं विडंबन, केवळ भीतीपोटी झालं म्हणून कवीची क्षमा मागतो.) पुन्हा, अन्य स्थळावर हे मी अधोरेखित करतोय. मिपावर कंपूबाजी वगैरे काही नाही. निदान मला तरी दिसलेली नाही. या कंपूची दोन माणसे फिरतिल तुमच्या भवती पाठलाग ही सदैव करतील असा कुठेही जगती. पाळत तुमची हाच असे हो या दोघांचा धंदा लेखनाची अन् तुमचीसुद्धा ते करतील निंदा तुमचे प्रतिसाद हेच रणांगण, खवीच्या खिंडित धरती आयडीत हे लपतील दोघे, स्वस्थ दबा धरुनी तुमच्या पाया दगड बांधुनी टाकतील बुडवुनी येतिल दोघे, येईल कंपू, ही तर जालिय नीती. मूळ कविता या डोळयांची दोन पाखरे, फिरतील तुमच्या भवती पाठलाग ही सदैव करतील, असा कुठे ही जगती दर्शन तुमचे हाच असे हो या पक्ष्यांचा चारा सहवासवीण नकोच यांना अन्य कोठचा वारा तुमचा परिसर यास नभांगण, घरकुल तुमची छाती सावलीत ही बसतील वेडी, प्रीतीच्या दडूनी एका अश्रुमाजी तुमच्या जातील पण बुडूनी नव्हेत डोळे, नव्हेत पक्षी, ही तर अक्षय नाती