लिहा आणि कमवा - ऑनलाईन डिजीटल लायब्ररी.

पुस्तकांचं 'ऑनलाइन' दालन

खुलं झालय पुस्तकांचं 'ऑनलाइन' दालन

गौरी कानेटकर पुणे

पुस्तकं वाचायला आवडतात, पण दुकानात जाऊन ती खरेदी करण्याएवढा किंवा लायब्ररीत जाऊन पुस्तके नेमाने बदलत राहण्याएवढा वेळ नाही, अशी परिस्थिती शहरातील बऱ्याच जणांची आहे. साहित्य संमेलनासारख्या वाषिर्क अक्षरउत्सवामध्ये अशा प्रश्ानंची दखल घेतली जाते की नाही, हे अलाहिदा, पण यंदाच्या ग्रंथप्रदर्शनामध्ये वाचकांपर्यंत पुस्तके नेणाऱ्या दोन उपक्रमांचे स्टॉल्स लक्ष वेधून घेत आहेत.

फजीसॉफ्ट सॉफ्टवेअर्सच्या अंजली कुलकणीर् यांनी इ-बुक्स वाचण्यासाठी साहित्यसंपदा डॉट कॉम ही वेबसाइट तयार केली आहे. तरुण इंटरनेट सॅव्ही वाचकांना किंवा इंटरनेटशी जुळवून घेतलेल्या प्रौढांनाही या साइटमुळे घरबसल्या पुस्तके वाचता येतील, असे उल्हास जोशी यांनी सांगितले. सध्या या साइटवर १२५ पुस्तके उपलब्ध आहेत. ही संख्या हळुहळू वाढत जाईल. यातील काही पुस्तके स्कॅन केलेली आहेत; तर काही पुस्तकांच्या निमिर्तीवेळी तयार केलेल्या पीडीएफ फाइल्स उपलब्ध झाल्या आहेत. एक पुस्तक वाचण्यासाठी साधारणदोन ते आठ रुपये फी असेल. सभासद होताना काही रक्कम प्रीपेडप्रमाणे भरावी लागेल. पुस्तके वाचली की, त्या रकमेतून ती फी वळती होत राहील. एका पुस्तकाची १० पाने आज वाचली, उद्या थोडे वाचले, अशी सोयही वाचकांना आहे. त्यामुळे आपल्या सवडीने, हवे ते पुस्तक वाचायला मिळेल, असे जोशी म्हणाले. अनेक लेखकांनी या उपक्रमाला पाठिंबा दाखवला आहे. सध्या कवी ना. धों. महानोर, ना. सी. फडके, प्रमोदिनी वडके-कवळे, बाबा भांड, रा. रं. बोराडे इत्यादींची पुस्तके वेबसाइटवर टाकण्यात आली आहेत. इतरही अनेकांनी अनुकूलता दाखवली आहे, असे त्यांनी सांगितले. अनेक ग्रामीण भागांमध्ये सध्या बीएसएनएलचे ब्रॉडबँड कनेक्शन आलेले आहे. त्यांना या वेबसाइटचा नक्की फायदा होईल, असा विश्वास त्यांनी व्यक्त केला.

राहुल भांदुगेर् या पुणे विद्यापीठातून एमबीए झालेल्या तरुणानेही पुस्तकांच्या क्षेत्रातच प्रवेश केला आहे. लायब्ररीची सेवा ऑनलाइन देण्याचा विचार डोक्यात आल्याचे भांदुगेर् म्हणाले. त्यासाठी त्यांनी २५०० पुस्तकांची खरेदी केली असून त्यात १४०० मराठी आणि इतर इंग्रजी पुस्तकांचा समावेश आहे. मायलायब्ररी डॉट इन या वेबसाइटवरून 'ऑनलाइन मेंबरशिप'ही घेता येईल. वेबसाइटवर पुस्तकांची यादी असून सभासदांनी आपल्याला हवे ते पुस्तक साइटवरून मागवायचे. त्यांना ते त्यांच्या घरी किंवा ऑफिसमध्ये आणून देण्याची सोय आहे. पुस्तक वाचून झाल्यावर त्याची नोंद वेबसाइटवर करता येईल आणि पुढच्या पुस्तकांसाठी सभासदांना मागणी नोंदवता येईल. लायब्ररीतफेर् एक माणूस येऊन नवे पुस्तक घेऊन येईल आणि जुने घेऊन जाईल. आमच्या सभासदांनीच खरेदीसाठी नवी पुस्तके सुचवावीत, लायब्ररीच्या ऑनलाइन कामाबरोबरच वेबसाइटवर साहित्यविषयक चर्चा रंगाव्यात, पुस्तकांबद्दलचे अभिप्राय वाचकांनी लिहावेत, यासाठीही वेबसाइटवर वेगळा विभाग सुरू करणार असल्याचे भांदुगेर् यांनी सांगितले.
https://maharashtratimes.indiatimes.com/articleshow/5733549.cms