Skip to main content

बेघर

लेखक बेसनलाडू यांनी शनिवार, 13/03/2010 13:06 या दिवशी प्रकाशित केले.
दरवर्षी नव्या पुस्तकांना घातलेल्या कव्हरसारखं या पावसातही तुझ्या आठवणींना लपेटून घेतलं मी कवितेत. हळूच दुडले काही दिवस एकमेकांसोबतचे शाकारली स्वप्नांची कौलं नि पडलो जरासा वाचत मजेत नव्या छपराखाली त्याची वाट बघत चवदार शब्दांचे घुटके घेत पण वाचता वाचता डोळा लागताच हा कोसळून गेला धबाधबा माझी फिरकी घेत. जाग येऊन बेघर झालो पुन्हा नि फुटक्या कौलांचा तो ढीग घेतला पुन्हा कवेत. आता आधी कौलं घालू की वाचन संपवू इतकाच प्रश्न आहे. पुन्हा बेघर व्हायची भीती वाटते ना!
काव्यरस
करुण
शांतरस
लेखनविषय:
वाचने 3816
प्रतिक्रिया 22

प्रतिक्रिया

विसोबा खेचर शनिवार, 13/03/2010 14:51
आता आधी कौलं घालू की वाचन संपवू इतकाच प्रश्न आहे.
साक्षात कुसुमाग्रजही कौतुक करतील अशी कविता..! खूप आवडली.. जियो...! तात्या.

श्रावण मोडक शनिवार, 13/03/2010 16:31
आवडली कविता. उत्तम!

जयवी शनिवार, 13/03/2010 17:16
जबरदस्त कविता......!! उच्च !!

बिपिन कार्यकर्ते शनिवार, 13/03/2010 17:30
बेलाशेठ...... जबरदस्त!!!! बिपिन कार्यकर्ते

प्रा.डॉ.दिलीप बिरुटे शनिवार, 13/03/2010 17:32
बेलासेठ, आवडली कविता..! -दिलीप बिरुटे

प्रभो शनिवार, 13/03/2010 21:01
असेच म्हणतो. --प्रभो ----------------------------------------------------------------------- काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !! प्रभोवाणी

प्रशांत उदय मनोहर रविवार, 14/03/2010 16:12
येऊ द्या आणखी :) आपला, (वाचक) प्रशांत --------- फळाची अपेक्षा ठेवू नये...ते विकत घ्यावे किंवा घरात उगवावे. :? माझा ब्लॉग - लेखणीतली शाई

मदनबाण शनिवार, 13/03/2010 19:41
वा. मस्त... :) मदनबाण..... मोती बनून शिंपल्यात राहण्यापेक्षा दवबिंदू होऊन चातकाची तहान भागविणे जास्त श्रेष्ठ. www.mazeyoutube.blogspot.com

प्राजु शनिवार, 13/03/2010 22:33
बेला.. सुरेख कविता! जाग येऊन बेघर झालो पुन्हा नि फुटक्या कौलांचा तो ढीग घेतला पुन्हा कवेत. क्लास!! - (सर्वव्यापी)प्राजक्ता http://www.praaju.com/

रेवती शनिवार, 13/03/2010 23:45
कविता आवडली रे बेला! दरवर्षी नव्या पुस्तकांना घातलेल्या कव्हरसारखं या पावसातही तुझ्या आठवणींना लपेटून घेतलं मी कवितेत. हे छानच! रेवती

आशिष सुर्वे शनिवार, 13/03/2010 23:53
आपली कविता अगदी बेसनाच्या लाडवासारखीच.. ग्वाड आणि पुन्हा पुन्हा आस्वाद घ्यावीशी वाटणारी!! ====================== कोकणी फणस Sachhu.. God of 22 Yards, King of Indian Hearts..

sur_nair रविवार, 14/03/2010 00:15
गुलजारच्या कवितेची आठवण होते.

राघव रविवार, 14/03/2010 14:33
काही कविता अशा असतात की ज्यांना प्रतिसाद दिल्यावाचून राहवत नाही! आणिक काय लिहू? ब्येष्टेष्ट! राघव

jaypal रविवार, 14/03/2010 17:18
आवडले ;-) *************************************************** दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

निरन्जन वहालेकर सोमवार, 15/03/2010 08:00
अतिशय छान ! खुप आवडली ! !

सुवर्णमयी मंगळवार, 16/03/2010 21:16
मुक्तछंद अतिशय प्रभावी (माझ्या कविता मात्र गद्याकडे झुकू लागल्या आहेत..)