मिसळपाव
नीज आली, पेंगलेले नेत्र झाकी श्रीहरी
सानुलीशी झाकलेली मूठ चाखी श्रीहरी
या मुठीतुन काय झरते अमृताची धार रे?
गीत सृजनाचे तुझे हे कोवळे हुंकार रे
रुणुझुणू या घाग-यांचा नाद रोखी श्रीहरी
गोड अंगाई तुला ही रातराणी ऐकवी
मंद हिंदोळ्यात बाळा चंद्र हलके जोजवी
अजुनि तुझिया लोचनी का जाग बाकी श्रीहरी?
ओठ इवले मुडपुनी का रुससि लटके तान्हुल्या?
खुदुखुदू हससी क्षणातच, चांदण्या जणु सांडल्या!
साद देती का तुला रे स्वप्नपाखी श्रीहरी?
[प्रेरणास्त्रोत असणारं चित्र जालावरून साभार.]
काव्यरस
| लेखनविषय: |
|---|
वाचने
3377
प्रतिक्रिया
6
प्रतिक्रिया
छान गीत
छान गीत आहे!
देव काका .. चाल अस्त्र काढाच तुम्ही आता! होऊन जाऊ दे!
-- मेघवेडा.
आम्हाला अजून कुणाच्या खरडवहीत किंवा खरडफळ्यावर खरडायची अनुमती नाही. आम्ही काय करावे बरे? :O
मस्तच आहे.
In reply to छान गीत by मेघवेडा
अंगाई गीत मस्तच आहे.
मात्र माझी चाल ऐकून मिपाकर 'आई गं ' म्हणायचे....म्हणून नको. :)
**********
भले तर देऊ कासेची लंगोटी ।
नाठाळाचे माथी हाणू काठी ॥
गोड
गोड गोड!!
एकदम छान..
- प्राजक्ता
https://www.praaju.com/
हाय क्लास
एकदम टॉप लेव्हल !
चांदण्या जणु सांडल्या,या मुठीतुन काय झरते अमृताची धार रे? आणि चांदण्या जणु सांडल्या हे खूप आवडले.
देव काकांची चाल ऐकण्यास आतुर ..
गायला जमत नाही ना! म्हणून ऐकण्यास आतुर ...
मीनल.
आक्षी
आक्षी ग्वाड बघा!!!!
बिपिन कार्यकर्ते
सुंदर
सुंदर कविता क्रान्ति तै!
-अनामिक