Skip to main content

या गूढ सावल्यांनी..

लेखक प्राजु यांनी गुरुवार, 21/01/2010 21:22 या दिवशी प्रकाशित केले.
या गूढ सावल्यांनी सांज फ़ाकीत आहे जणू चांदणे मला हे अजमावीत आहे ते वाहता तराणे, स्वर कापराच त्याचा वार्‍यास सय कुणाची, ही सतावीत आहे ओढून पापण्यांचा पडदा अलगद थोडा हळुच लोचनी या कोण डोकावीत आहे? 'होईल सर्व काही, जे आपणा हवे ते' अंदाज हा तुझा की सांग भाकीत आहे? अंधार हा विषारी, विळखा भयाण त्याचा हातात ज्योत इवली, वाट दावीत आहे हा श्वास कोंडताना, मजला कळून आले कि आयुष्य दार माझे, ठोठावीत आहे - प्राजु
लेखनविषय:
वाचने 3349
प्रतिक्रिया 17

प्रतिक्रिया

मदनबाण गुरुवार, 21/01/2010 21:28
ओढून पापण्यांचा पडदा अलगद थोडा हळुच लोचनी या कोण डोकावीत आहे? सुरेख... हा श्वास कोंडताना, मजला कळून आले कि आयुष्य दार माझे, ठोठावीत आहे व्वा... मदनबाण..... At the touch of love everyone becomes a poet. Plato

प्रभो गुरुवार, 21/01/2010 22:48
मस्त --प्रभो ----------------------------------------------------------------------- काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !! प्रभोवाणी

उदय सप्रे शुक्रवार, 22/01/2010 13:52
अ‍ॅज युज्वल ! प्राजु स्ट्राईक्स नथिंग लेस थॅन अ सिक्सर ! खूपच छान ! कधी एकदा तरी हे असले विचार यावे काव्य माझेही प्राजुच्या काव्या सारखे व्हावे ! मला आवडलेल्या सर्वात सुंदर दोन ओळी : 'होईल सर्व काही, जे आपणा हवे ते' अंदाज हा तुझा की सांग भाकीत आहे?

ज्ञानेश... शुक्रवार, 22/01/2010 14:21
चमकदार कल्पना आहेत. अचूक वृत्ताचे कोंदण लाभल्यास अजून मजा येईल. हा श्वास कोंडताना, मजला कळून आले कि आयुष्य दार माझे, ठोठावीत आहे सु रे ख!

अविनाशकुलकर्णी शुक्रवार, 22/01/2010 22:06
या गूढ सावल्यांनी सांज फ़ाकीत आहे जणू चांदणे मला हे अजमावीत आहे....कविता खुप नादमय आहे..मस्त..नेहमीप्रमाणे..

चन्द्रशेखर गोखले शनिवार, 23/01/2010 17:06
काय बोलावे .. एक नितांत सुंदर कविता वाचल्याचा आनंद मिळाला.

प्रशांत उदय मनोहर रविवार, 24/01/2010 00:17
आपला, (मिपाकर) प्रशांत --------- फळाची अपेक्षा ठेवू नये...ते विकत घ्यावे किंवा घरात उगवावे. :? माझा ब्लॉग - लेखणीतली शाई

प्रा.डॉ.दिलीप बिरुटे सोमवार, 01/02/2010 23:32
ओढून पापण्यांचा पडदा अलगद थोडा हळुच लोचनी या कोण डोकावीत आहे? आणि हा श्वास कोंडताना, मजला कळून आले कि आयुष्य दार माझे, ठोठावीत आहे मस्तच...! -दिलीप बिरुटे