Skip to main content

दुरावा

लेखक जयवी यांनी बुधवार, 16/12/2009 14:10 या दिवशी प्रकाशित केले.
देतोस का उजाळा त्या धुंद आठवांना होतोस काय हळवा स्पर्शून आठवांना ती एकली दुपार तो प्रश्न कापरासा ती खूपशी कबुली इन्कार ही जरासा झाल्या मग अचानक सांजा अजून कातर अवघडले होते जगणे विरहातले निरंतर तैसाच चंद्र अर्धा दोघांत वाटलेला त्या पौर्णिमेत अजूनी तू मुक्त सांडलेला आहे तसा शहाणा अपुला जरी दुरावा आतून पेट घेतो कधी तोच रे दुरावा जयश्री अंबासकर
काव्यरस
शृंगार
लेखनविषय:
वाचने 3449
प्रतिक्रिया 13

प्रतिक्रिया

अवलिया बुधवार, 16/12/2009 14:12
माननीय जयवीजी चांगली रचना.
ती एकली दुपार तो प्रश्न कापरासा ती खूपशी कबुली इन्कार ही जरासा
इन्कार या शब्दाऐवजी नकार हा शब्द चालला असता का याचा विचार करत आहे. धन्यवाद ! --अवलिया

श्रावण मोडक बुधवार, 16/12/2009 14:25
आवडली!!!

दशानन बुधवार, 16/12/2009 14:45
श्रावण मोडक -जी, + १ मी देखील असेच म्हणतो. धन्यवाद. ***** राज जैन, सध्या नर्‍हे, पुणे येथे मुक्काम

विशाल कुलकर्णी बुधवार, 16/12/2009 16:09
श्री श्री श्री अवलिया'जी', श्रामो'जी' आणि राजे'जीं' शी आम्ही पण सहमत 'जी' ! धन्यवाद. अवांतर : जयुताई सुंदर कविता. :-) सस्नेह विशाल ************************************************************* आम्ही इथेही पडीक असतो "ऐसी अक्षरे मेळविन!"

अनामिक बुधवार, 16/12/2009 19:35
सुंदर कविता. आवडली! -अनामिक

भानस गुरुवार, 17/12/2009 01:58
जयश्री कविता आवडली! विशेषतः ' आतून पेट घेतो कधी तोच रे दुरावा '.... सहीच.

प्राजु गुरुवार, 17/12/2009 08:18
सुंदर!! तैसाच चंद्र अर्धा दोघांत वाटलेला संदर आहे ही कल्पना! - प्राजक्ता http://www.praaju.com/

चतुरंग गुरुवार, 17/12/2009 17:20
अर्धा चंद्र - छान कल्पना! (आम्हाला कविता आवडल्याचा पुरावा इथेही आहे! ;) ) चतुरंग

बिपिन कार्यकर्ते बुधवार, 13/01/2010 15:46
सुंदर. सगळीच कडवी आवडली. अर्थपूर्ण. बिपिन कार्यकर्ते

प्रशांत उदय मनोहर बुधवार, 13/01/2010 17:02
तैसाच चंद्र अर्धा दोघांत वाटलेला त्या पौर्णिमेत अजूनी तू मुक्त सांडलेला
क्या बात है! सहीऽऽ! आपला, (वाचक) प्रशांत --------- फळाची अपेक्षा ठेवू नये...ते विकत घ्यावे किंवा घरात उगवावे. :? माझा ब्लॉग - लेखणीतली शाई

शुचि सोमवार, 08/02/2010 01:05
काय सुंदर कविता आहे वा!! खल्लास!!!!! ********************************** या जगात दुर्लभ असे काही असेल तर ती सद्वासना आहे - वाचनात आलेला सद्विचार (ज्ञनेश्वरीतील ओवीवर आधरीत)