गूगलचे लिप्यंतर (Google Transliteration)

राहुल, माहितीपूर्ण लेखाबद्दल आभारी. -दिलीप बिरुटे

गुगल लिप्यंतर वापरुन मेल लिहिण्यात वैताग येतो. त्या ऐवजी बराह आयएमई वापरले तर सोपे जाते. मायक्रोसॊफ्टचे ही आयएमई आहे पण ते वापरुन पाहिले नाही. प्रकाश घाटपांडे आमच्या अनुदिनीत जरुर डोकवा.

'बरहा' सर्वोत्तम! मी बरीच सॉफ्टवेअर वापरून या निष्कर्षाप्रत पोचलो आहे. ------------------------ सुधीर काळे, सध्या फेअरफॅक्स, व्हर्जीनिया येथे मुक्काम

राहुल छान उपयुक्त माहिती बद्दल धन्यवाद. सध्या मिपावर टंकायची इतकी सवय झाली आहे की इथेच टंकुन मग हव तीथे पेस्टवण सोप्प वाटायला लागलय. -माझी खादाडी.

परवाच ई टिव्ही मराठीवर "संवाद" ह्या कार्यक्रमात राजन खान ह्यांची मुलाखत पाहण्याचा योग आला. आजकालच्या संगणकाच्या जमान्यात खास करून मराठी भाषिक वर्ग जो विशेषतः ब्लॉगिंग वा जालावर मराठी भाषेत वावरतोय वा संवाद साधतोय तो मुख्यतः युनिकोडच्या जोरावरच. म्हणजेच मराठी शब्द उमटवायला देखील आधि मनात इंग्रजी अक्षरांची जोडणी करावी लागतेय. आपल्या सर्वांच्या देखील हे अंगवळणि पडलेय. जसे मला "दक्षिण" हा शब्द लिहायचा असेल तर माझ्या मनात आपोआप dakShiN अशी अक्षरे उमटतात वा माझी बोटे किबोर्डकडे आपोआप तशाच पध्दतिने टंकन करतात. राजन खान ह्यांच्या मते हे एकंदरीतच मराठी भाषेकरीता घातक आहे. श्री खान ह्यांचे हे मत पटत जरी असले तरी मग ह्या प्रकाराला दुसरा पर्याय काय असावा हे अजून नीटपणे उमजत नाही. अभिज्ञ

चांगली माहिती.

आता मित्रांना मराठीत इ-पत्र पाठविता येईल.. मज्जाच मज्जा! - कोकणी फणस

माहितीबद्दल धन्यवाद. विस्तृत प्रतिक्रिया ते वापरून लिहीन :)

गुगल वेव्हमधे भाषांतराची सोय चांगली आहे..जसे की एक इंग्रजी आणि एक फ्रेंच माणूस आपापल्या भाषेतून गप्पा मारु शकतात आणि वेव्ह 'ऑन द फ्लाय' (मराठी ?) ते दुसर्‍याच्या भाषेत भाषांतर करते. सॅनफ्रॅन्सिस्को येथे झालेल्या गुगल आय.ओ. (Google I/O) या परिषदेत गुगल वेव्हच्या प्रात्यक्षिकात ही सोय दाखवली होती..लोकांनी जवळपास मिनिटभर न थांबता टाळ्या वाजवल्या.(वेव्हच्या संस्थाळावर आहे व्हिडिओ) भारतीय भाषा त्यात आल्या की एकसंध भारताचे स्वप्न साकार व्हायला मदत होईल ना ;-)

गुगलचं लिप्यंतर ब्लॉगमध्येसुद्धा उपलब्ध आहे. बहुदा "क्विलपॅड"चा वापर केलाय तिथे. ऑर्कुटवरसुद्धा तेच लिप्यंतर वापरलं आहे. तुम्ही "संकल्पना" शब्दासाठी वेगवेगळे पर्याय वापरता येतात या बाबीकडे लक्ष्य वेधलंय पण ती सोय नसून गैरसोय आहे असे वाटते. एकाच स्पेलिंगशी निगडित अनेक पर्याय जरी त्यामध्ये मिळत असले, तरी आपल्याला हवा असलेला पर्याय नेमका तिथे नसणे ही अडचण अनेकदा उद्बवते. मग तोडून तोडून शब्द लिहिणे आणि मग जोडणे असा द्राविडी प्राणायाम करावा लागतो. ऑनलाईन लिप्यंतरासाठी गमभन आणि मायबोली सुटसुटीत वाटतात. विंडोजसाठी बरहा हे ऑफलाईन लिप्यंतराचं माध्यम सर्वोत्कृष्ठ आहे. लीनक्ससाठी एस.सी.आय.एम. चांगलं आहे. या माध्यमांमध्ये एकमेकांपेक्षा थोडाफार फरक असला तरी या प्रत्येक पर्यायामध्ये सर्व अक्षरांसाठी, जोडाक्षरांसाठी, इ. well defined keys आहेत. क्विलपॅडमध्ये साध्या साध्या शब्दांसाठीसुद्धा शोधाशोध करावी लागते. आपला, (चोखंदळ) प्रशांत --------- फळाची अपेक्षा ठेवू नये...ते विकत घ्यावे किंवा घरात उगवावे. :? माझा ब्लॉग - लेखणीतली शाई