चाळीशी

सर्व वाचक आणि प्रतिसादकांना धन्यवाद. थोडे अधिक (काल एनपीआर वर संध्याकाळी ऐकलेले): "एल ओ" आणि नंतर "लॉग इन" हे शब्द प्रा. क्लेनरॉकच्या २१ वर्षाच्या विद्यार्थ्याने डॉ. चार्ल्स क्लाईन याने वापरले. पेंटॅगॉन मधील बॉब टेलर नावाच्या शास्त्रज्ञाला देशातील वेगवेगळ्या ठिकाणी संगणकीय संपर्क करण्यासाठी म्हणून तीन वेगवेगळे संगणक वापरावे लागत. त्यातून त्यांनी विविध शास्त्रज्ञांना एकत्र केले ज्यात प्रा. क्लेनरॉकची संकल्पना पुढे आली. ती योग्य वाटल्यानंतर पेंटॅगॉनने आयबीएम आणि एटीअँडटी या दोन मोठ्या कंपन्यांना त्याचा वापर करून "प्रोटोटाईप" बनवायला सांगितले. दोन्ही कंपन्यांनी,"it is useless" म्हणत नकार दिला! मग बीबीएन नामक एका छोट्याशा कंपनीने ते कंत्राट घेतले आणि "इंटरफेस मेसेज प्रोसेसर" ("इम्प") तयार केला जो त्या वेळेस दोन जीमलॉकर्स इतका मोठा होता... ... चार्ल्स क्लाईन या विद्यार्थ्याने "लॉग इन" असे रात्री उशीरा संदेश पाठवण्याचा यशस्वी प्रयोग केल्यावर, बाहेर जाऊन बर्गर खाल्ला आणि बीअर घेतली. मुलाखतकाराने विचारले ती तुझी यश मिळाले म्हणून पार्टी होती का? त्याने उत्तर दिले, नाही भूक लागली म्हणून खाल्ले आणि झोपायला गेलो! (थोडक्यात आपण इतिहास घडवला याची कल्पनाच नव्हती!)... _____________ आता थोडे गोअर बील च्या अनुषंगाने: गोअर बील मुळे इंटरनेट हे एका अर्थी जागतिक झाले. कोणी असे म्हणेल की त्याने केले नसते तर इतर कोणीतरी केले असते. पण मुद्दा जरा वेगळा आहे. १९८७ ला गोअर डेमोक्रॅटीक प्रायमरी मधे राष्ट्राध्यक्षपदाचा उमेदवार म्हणून मॅसेच्युसेट्सच्या मायकेल ड्युकॅकस विरुद्ध हरला होता. त्यानंतर त्याने सिनेट मधे जाऊन इतर अनेक कामा बरोबर हे "पॅशन" आणि "दूरदृष्टी" ठेवून घडवून आणले.... ...आज जॉन मॅकेन हा राष्ट्राध्यक्षपदाची निवडणूक हरल्यावर पण राष्ट्रहीताच्याच गोष्टी करत आहे. तेच क्लिंटन, कार्टरचे निवृत्तीनंतर - बुश (दोन्ही) काही करत नसले तरी "किडे" करताना पण दिसत नाहीत... कितीही तुलना करायची नाही, म्हणले तरी आपल्याकडील सर्वपक्षीय राजकारण्यांशी अशा वृत्तीची तुलना होतेच... जर पंतप्रधान्/मुख्यमंत्री/मंत्री/सहकारमंडळे यातील पद मिळाले नाही तर पुढील पाच वर्षे स्वत:ला नेते म्हणवून घेणारे स्वतःला आणि जनतेला कुठे नेतात हे पाहून अस्वस्थता येते. असो.