Skip to main content

दीप रंग..

लेखक प्राजु यांनी सोमवार, 19/10/2009 07:39 या दिवशी प्रकाशित केले.
धूसर झाल्या नभी तारका आसमंती बेहोष हिवाळी, मेहंदी रंगल्या सोनपाऊली पहाट घेऊन येई दिवाळी.. मंद तेवते दीप अंगणी जणू नक्षत्रे उतरून आली, रंग माखूनी अंगावरती, जमीन सारी भरून गेली.. मंद सुगंधी अभ्यंगातून, धुंद काया होत सकाळी चंदन गंधी मुग्ध न्हाऊनी यौवनास या नवी झळाळी.. रूणझुण पैजण कर्णफ़ुले अन् सुवर्णमाला गळा ल्यायली, निळ्या जांभळ्या गर्भ रेशमी वस्त्रांकित ही तनू बावरी.. बिंदी रेखूनी भाळावरती, काजळरेखा नयनी आली साज सोवळा लेऊन दर्पणी लज्जित बाला रूप न्याहाळी.. क्षणैक नजरानजर होऊनी शृंगाराची मिळे पावती, लाजलाजली रूपगर्विता दिपोत्सवाचे रंग हासती.. - प्राजु
काव्यरस
शृंगार
लेखनविषय:
वाचने 3389
प्रतिक्रिया 15

प्रतिक्रिया

अवलिया सोमवार, 19/10/2009 09:12
मस्त :) --अवलिया ============ यॉर्कर भल्याभल्यांची दांडी उडवतो... म्हणुन पक्षपाती पंच त्याला नोबॉल ठरवतात.

लवंगीमिरची मंगळवार, 20/10/2009 02:39
प्रयत्न चांगला आहे.. परंतु बरेच जागा " प्राची ला गच्ची " सारख्या वाटत आहेत. "मंद तेवते दीप अंगणी" मधला दीप तो दीप असायला हवा .. किंवा अनेक वचनी मंद तेवतात दीप अंगणी हे कसे वाटते..

सुबक ठेंगणी मंगळवार, 20/10/2009 04:04
"मंद तेवते दीप अंगणी" मधलं तेवते हे "तेवत असलेले" याअर्थी वापरलेलं आहे. तेवती आणि तेवेते दोन्ही बरोबर आहेत असं वाटतं.

प्रा.डॉ.दिलीप बिरुटे सोमवार, 19/10/2009 10:34
क्षणैक नजरानजर होऊनी शृंगाराची मिळे पावती, लाजलाजली रूपगर्विता दिपोत्सवाचे रंग हासती या चार ओळी भारी आहेत. -दिलीप बिरुटे

दशानन सोमवार, 19/10/2009 19:30
असेच म्हणतो... :) छान आहे कविता... * सकाळी प्रतिसाद दिला होता व अवांतर पण नव्हता कुठे गायब झाला :? देवा.. काय चमत्कार आहे हा ;) *** "हज़ारों ख्वाहिशें ऐसी की हर ख्वाहिश पे दम निकले, बहुत निकले मेरे अरमान लेकिन फिर भी कम निकले । " राज दरबार.....

बाबुराव सोमवार, 19/10/2009 22:13
कविता उमजत नाय पर वरील वळी आवल्ड्या.

सुबक ठेंगणी सोमवार, 19/10/2009 11:06
एकदम सही जमली आहे कविता...एकदम घरी जाऊन पोचलं मन! सुंदर...

संदीप चित्रे सोमवार, 19/10/2009 20:04
>> क्षणैक नजरानजर होऊनी शृंगाराची मिळे पावती, लाजलाजली रूपगर्विता दिपोत्सवाचे रंग हासती.. क्या बात है प्राजु ! कविता आवडली !!

मदनबाण सोमवार, 19/10/2009 21:53
क्षणैक नजरानजर होऊनी शृंगाराची मिळे पावती, लाजलाजली रूपगर्विता दिपोत्सवाचे रंग हासती.. मस्तच... :) मदनबाण..... सुसंगति सदा घडो, सुजनवाक्य कानी पडो | कलंक मतीचा झडो, विषय सर्वथा नावडो |

भास्कर केन्डे सोमवार, 19/10/2009 22:03
प्राजू तै, अजून एक लै भारी कवीता. दीवाळीच्या हार्दिक शुभेच्छा!

बिपिन कार्यकर्ते सोमवार, 19/10/2009 23:41
मस्त !!! कविता आवडलीच. सगळे दृश्य डोळ्यासमोर उभे राहिले. बिपिन कार्यकर्ते